ހޮލީވުޑްގެ ތަރި ބިރެޑް ޕިޓަށް އޭނާގެ ދަރިންނާއި އެކު ގިނަ ވަގުތު ހޭދަ ކުރެވޭތީ އޭނާ ހުރީ ވަރަށް ހިތްހަމަ ޖެހިފައި ކަމަށް ޚަބަރުތައް ބުނެފިއެވެ.

އުމުރުން 54 އަހަރުގެ ޕިޓް ވަނީ ދާދިފަހުން އޭނާގެ ދަރިންނާއި އެކު ލަންޑަންގައި ފާދާސްޑޭ ފާހަގަ ކޮށްފައެވެ.

އަދި ވަރަށް އަވަހަށް އަނެއްކާވެސް ދަރިންނާއި ބައްދަލު ކުރުމަށް ލަންޑާނަށް އޭނާ ދާން އުޅޭ ކަމަށް ޚަބަރުތައް ބުނެއެވެ.

ޕިޓްގެ ދަރިން މިދުވަސްކޮޅު ލަނޑަންގައި ތިބީ އެކުދިންގެ މަންމަ ހޮލީވުޑްގެ ތަރި އެންޖެލީނާ ޖޮލީ "މެލްފިޝަންޓް 2" ލަންޑަންގައި ޝޫޓް ކުރަމުންދާތީ އެވެ.

ޖޮލީ އާއި ޕިޓްގެ ކައިވެނި 2016 ވަނަ އަހަރުގެ ސެޕްޓެމްބަރު މަހުގެ 13 ގައި ރޫޅި ކުދިންގެ ބަލަދުވެރިކަމުގައި ޚިޔާލު ތަފާތުވުންތަކެއް ވަނީ އުފެދިގެން ގޮސްފައެވެ.

ކޯޓުން ބުނެފައި ވަނީ ކުދިންގެ ބައްޕައާ ދުރުކުރުމަކީ ކުދިންނަށް ގެއްލުން ހުރި ކަމެއް ކަމަށެވެ. އަދި ޕިޓާއި ކުދިންނާ ގުޅުން ކަނޑުވައިފި ނަމަ އެންޖެލީނާ 43، ގެ އަތުން އެކުދިން ބެލުމުގެ ބާރު ނެގޭނެ ކަމަށް ކޯޓުން ބުނެފައި ވެއެވެ.

ކޯޓު އަމުރުގައި ވާގޮތަށް ޕިޓް އޭނާގެ ދަރިން ކަމަށްވާ ޕެކްސް 14، ޒަހަރާ 13، ޝިލޯހް 12، އަދި 9 އަހަރުގެ އެއްމާބަނޑު ދެ ކުދިން ކަމަށްވާ ވިވެން އާއި ނޮޒްއާ. އެންޖެލީނާގެ ހުއްދައާއި ނުލާ ޕިޓްއަށް ބައްދަލު ކުރެވޭނެ ގޮތް ވަނީ ހަމަޖެހިގެން ގޮސްފައެވެ.

އެންމެ ދޮށީ ދަރިފުޅު މެޑެކްސް 16، އަކީ ބޮޑުވެފައި ހުރި ކުއްޖަކަށް ވުމުން އޭނާ ބޭނުން ވަގުތަކު ބައްޕައާ ބައްދަލު ކުރެވޭނެތީ ކޯޓުން ކަނޑައެޅި ތާވަލުގައި މެޑެކްސް ހިމަނާފައެއް ނުވެއެވެ.

"ދަރިންނަކީ ޕިޓް އަށް ވަރަށް މުހިއްމު ބައެއް. ޖޮލީ އާއި ދިމާވުމުގެ ކުރިންވެސް އޭނާ ދަރިން ބޭނުންވޭ. ބައްޕަ އަކަށް ވުމުގެ ހުވަފެން އަބަދުވެސް ދެކޭ. އެނާ އަކީ ވަރަށް ރަނގަޅު ބައްޕައެއް. ކުދިންގެ ކަންކަމުގައި ބައިވެރިވެ އެއްކޮށްއުޅެ މީހެއް. ޕިޓް މިހާރު އަބަދުވެސް ހުއްޓައިނުލާ ދައްކާނީ ދަރިންގެ ވާހަކަ. އެނާ ކުދިންނަށް ދިނުމަށް ހަދިޔާވެސް ގަނެފި." ޕިޓްގެ ގާތް މީހަކާއި ހަވާލާ ދީ ޕީޕަލް މެގަޒިންގައި ބުނެފައި ވެއެވެ.