މިއަހަރުގެ ރިޔާސީ އިންތިހާބަށް ގުޅިފައިވާ ސިޔާސީ ޕާޓީތަކުން އެއްކެނޑިޑޭޓެއް ނެރުމާ ގުޅޭ ގޮތުން ރައީސް އަބްދުﷲ ޔާމީން އަބްދުލްގައްޔޫމްގެ ފުރަތަމަ ނާއިބު ރައީސް ޑރ. މުހައްމަދު ޖަމީލު އަހުމަދާ އެންމެ ފަހުގެ ވާހަކަތައް ހިއްސާ ކުރައްވައިފި ކަމަށް ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ހޮނިހިރު ދުވަހު ރައީސް ނަޝީދު ކުރެއްވި ޓްވީޓްގައި އެއް ކެނޑިޑޭޓް ނެރުމާގުޅޭ އެންމެފަހުގެ ވާހަކަތައް ޑރ. ޖަމީލާ ހިއްސާ ކުރައްވާފައިވާ ކަމަށް ވިދާޅުވި ނަމަވެސް އެކަމާ ގުޅޭ އެއްވެސް ތަފްސީލެއް ދެއްވާފައެއް ނުވެއެވެ.
2018 vana aharuge riyaasee inthikhaabah gulhifaivaa party thakun eh candidate nerumaai gulhey gothun PPM ge inthikhaabee Naib Raees Dr. Jameel ai enmefahuge vaahakathah hissaa kurevijje. pic.twitter.com/AumX1mq3EF
— Mohamed Nasheed (@MohamedNasheed) January 13, 2018
ގުޅިފައިވާ ސިޔާސީ ޕާޓީތަކުން ބުނަމުންދަނީ އެއް ކެންޑިޑޭޓެއް ނެރުމަށް އެއްވެސް ހުރަހެއް ނެތް ކަމަށާއި ރިޔާސީ އިންތިހާބުގައި ރައީސް ޔާމީން ބަލިކުރެއްވުމަށް ގުޅިފައިވާ ސިޔާސީ ފަރާތްތަކަށް އެއްބަސް ނުވެވޭ އެއްވެސް ކަމެއް ނެތް ކަމަށެވެ.
ގުޅިފައިވާ ސިޔާސީ ފަރާތްތަކުން ދަނީ އެއް ކެނޑިޑޭޓެއް ނެރުމަށް ވަރަށް ފުޅާ ދާއިރާއެއްގައި މަޝްވަރާތައް ކުރައްވަމުންނެވެ.
