ރައީސް އަބްދުﷲ ޔާމީންގެ ސަރުކާރުން ތަރައްގީ އިސްކޮށް ރައްޔިތުންނަކީ އަޅުން ކަމަށް ހަދައިގެން ނުވާނެ ކަމަށް ގއ. ވިލިނގިލީ ދާއިރާގެ ރައްޔިތުންގެ މަޖިލީހުގެ މެމްބަރު ސައުދު ހުސެއިން ވިދާޅުވެއްޖެއެވެ.
މެމްބަރު ސައުދު މި ގޮތަށް ވިދާޅުވީ ހިތަދޫ ދެކުނު ދާއިރާގެ ރައްޔިތުންގެ މަޖިލީހުގެ މެމްބަރު އަލީ ނިޒާރު ކުރައްވާފައިވާ ޓްވީޓަކަށް އިޝާރަތް ކުރައްވައެވެ.
ހިތަދޫ ދެކުނު ދާއިރާގެ ރައްޔިތުންގެ މަޖިލީހުގެ މެމްބަރު އަލީ ނިޒާރު ފޮޓޯ އަކާއި އެކު ކުރައްވާފައިވާ ޓްވީޓްގައި ވިދާޅުވީ ކައުންސިލްގެ ބާރުތައް މުށުތެރެއަށްލާ، އެ ކައުންސިލްތަކުގެ މުވައްޒިފުން ސަރުކާރުގެ މަސައްކަތްތަކުގައި ބޭނުންކުރާ ކަމަށެވެ. ނިޒާރުގެ ޓްވީޓްގައި ފޮޓޯއިން އެކަން ހާމަވާނެ ކަމަށް ޓްވީޓްގައި ވާނީ ފާހަގަ ކުރައްވާފައެވެ.
Council ge baaru thah mushu there ah lai , ethaa muvazzafun masakkathah beynun kuraa goi mi photo in ballavaa. Ladhu vethi Kamei huri nama Isthiufaa dhevva. @MMuizzu pic.twitter.com/VVzFs2db6W
— Ali Nizar (@DhekunuNizar) December 26, 2017
އެ ފޮޓޯއިން ފެންނަނީ ހައުސިންގް މިނިސްޓްރީގެ މަސައްކަތެއްގައި ބަޔަކު ހަރަކާތްތެރިވާ ތަނެވެ. މަސައްކަތުގައި ހަރަކާތްތެރިވާ މީހުން ނިޒާރު ސިފަ ކުރެއްވީ ކައުންސިލްގެ މުވައްޒިފުން ކަމަށެވެ. އެހެން ނަމަވެސް އެއީ ކޮން ރަށެއްގެ ކައުންސިލެއްގެ މުވައްޒިފުން ކަމެއް ނިޒާރު ވިދާޅުވެފައެއް ނުވެއެވެ.
ނިޒާރުގެ ޓްވީޓަށް އިޝާރަތް ކުރައްވާ ވިލިނގިލީ ދާއިރާގެ ރައްޔިތުންގެ މަޖިލީހުގެ މެމްބަރު ސައުދު ހުސެއިން ވިދާޅުވީ މަސައްކަތްތެރިންނަން ރައްކާތެރި މާހައުލެއް ބޭނުންވާ ކަމަށެވެ. ގައުމަށް މުހިންމީ ވައްކަން ކުރާ ކޮންކުރިޓް ތަރައްގީ ނޫން ކަމަށާއި، ގައުމަށް މުހިންމީ ރައްޔިތުންގެ ރައްކާތެރިކަން ކަމަށް ސައުދު ވިދާޅުވިއެވެ.
Asluves mi ee varah dhera kameh, masakkaitherinah rakkaatheri masakkath maahauleh dhakkan jeheyne, tharaggee iskoh rayyithun alhunah hadhaigen nuvaane. gaumah muhinmu vanee vakkan kuraa concrete tharaggee eh nun, rayyithunge rakkaatherikan. https://t.co/gvEB00xAqL
— Saud Hussain MP (@SaudVillingili) December 27, 2017
"އަސްލުމިއީ ވަރަށް ދެރަކަމެއް، މަސައްކަތްތެރިންނަން ރައްކާތެރި މަސައްކަތުގެ މާހައުލެއް ދައްކަންޖެހޭ، ތަރައްޤީ އިސްކޮށް ރައްޔިތުން އަޅުންނަން ހަދައިގެން ނުވާނެ" ސައުދު ވިދާޅުވިއެވެ.