އިންޑޮނޭޝިއާގެ ޖާވާއަށް ހުކުރު ދުވަހުގެ ރޭގެ ވަގުތެއްގައި އައި ބާރުގަދަ ބިންހެލުމުގެ ނުރައްކަލެއް ރާއްޖެއަށް ނެތްކަމަށް މެޓް އޮފީހުން ބުނެފިއެވެ.
މެޓް އޮފީހުން ކުރި ޓްވީޓެއްގައި ވަނީ ހުކުރު ދުވަހުގެ ރޭ ރާއްޖެ ގަޑިން 21:47 ގައި އިންޑޮނޭޝިއާގެ ޖާވާއަށް އައި ބިންހެލުމުގެ ސަބަބުން އެއްވެސް ނުރައްކަލެއް ރާއްޖެއަށް ނެތްކަމަށެވެ.
މި ބިންހެލުން އައިސްފައިވަނީ ރާއްޖެއާ 4066 ކިލޯމީޓަރު ދުރަށް ކަމަށްވެސް މެޓް އޮފީހުން ބުނެއެވެ.
An earthquake of magnitude 6.6 has occurred near Java, Indonesia, distance of 4066 km from Maldives, at 21:47 local time. No threat to Maldives.
— Maldives Meteorology (@MetMaldives) December 15, 2017
މި ބިންހެލުން އައިސްފައިވަނީ 6.6 މެގްނިޓިއުޑް ބާރުމިނުގައެވެ. މި ބިންހެލުން އައިސްފައިވަނީ ކަނޑުގެ 57 މޭލު އަޑިއަށް ކަމަށް ޔޫއެސް ޖިއޮލޮޖިކަލް ސާވޭއިން ހާމަކުރެއެވެ. މި ބިންހެލުމުގެ ސަބަބުން ސުނާމީގެ އިންޒާރެއް ދީފައެއް ނުވެއެވެ.
