މި ސަރުކާރުން މަސައްކަތް ކުރަނީ އާއްމު ރައްޔިތުން ފަގީރު ކުރަން: މެންބަރު ޝަމްހީދު

ރާއްޖެ ދުނިޔެ ކުޅިވަރު ވިޔަފާރި/އިގްތިސާދު ސިއްހަތު ރިޕޯޓު ލައިފް ސްޓައިލް ލުއިޚަބަރު ވާހަކަ ފޮޓޯ

ކ. މާލެ

7 ޖޫން 2025 | ހޮނިހިރު 11:06

ރައީސް އެންމެ ފަހުން ހއ. އަތޮޅަށް ކުރެއްވި ދަތުރުފުޅުގައި އުލިގަމުގައި - ފައިލް

ރައީސް އޮފީސް

ސަރުކާރުން ވިޔަފާރިތަކަށް ވަނުން

މި ސަރުކާރުން މަސައްކަތް ކުރަނީ އާއްމު ރައްޔިތުން ފަގީރު ކުރަން: މެންބަރު ޝަމްހީދު

ވިޔަފާރިތަކަށް ސަރުކާރުން ވަންނަމުންދަނީ ރައްޔިތުންނަށް ދަތި ކުރުމަށް ކަމަށް

މި ސަރުކާރާއެކު، ޕްރައިވެޓް ސެކްޓަރގެ ވިޔަފާރިތައް ބަންދު ކުރުމަށް ވަނީ މަޖުބޫރުވެފައި

ދައުލަތަށް ޓެކްސްގެ ގޮތުގައި ލިބޭ އާމްދަނީ ދަށް

އަމްނާ އިމާދު

1,852

މި ސަރުކާރުން މަސައްކަތް ކުރަނީ އާއްމު ރައްޔިތުން ފަގީރު ކުރުމަށް ކަމަށް ހުޅުމާލޭ ދެކުނު ދާއިރާގެ މެންބަރު ޑރ.އަހްމަދު ޝަމްހީދު ވިދާޅުވެއްޖެއެވެ.

ރާއްޖެޓީވީގެ ފަލަސުރުހީ ޕްރޮގްރާމްގައި މެންބަރު ޝަމްހީދު ވިދާޅުވީ ރާއްޖޭގެ އާއްމު ރައްޔިތުން ތިބީ ފަގީރު ކަމުގައި ކަމަށާއި، ދަތި ހާލު ޖައްސަމުންދާ ކަމަށެވެ. ވިޔަފާރިތަކަށް ސަރުކާރުން ވަންނަމުންދާކަން ފާހަގަކުރައްވައި މެންބަރު ޝަމްހީދު ވިދާޅުވީ ވިޔަފާރިތަކަށް ސަރުކާރުން ވަންނަމުންދަނީ ރައްޔިތުންނަށް ދަތި ކުރުމަށް ކަމަށެވެ. އަދި ގިނަ އާއިލާތައް ކޮންމެވެސް ވިޔަފާރިއަކާ ގުޅިފައިވާ ކަމަށާއި، ސަރުކާރުގެ ސަބަބުން ވިޔަފާރިތަކަށް އަދި އާއިލާތަކަށް ނޭދެވޭ އަސަރުކޮށްފައިވާ ކަމަށް އޭނާ ވިދާޅުވިއެވެ.

މީގެ އިތުރުން މެންބަރު ޝަމްހީދު ވިދާޅުވީ މިސަރުކާރާއެކު، ޕްރައިވެޓް ސެކްޓަރގެ ވިޔަފާރިތައް ބަންދު ކުރުމަށް ބަޖުބޫރުވެފައިވާ ކަމަށެވެ. އަދި ސަރުކާރުން އެ ކުންފުނިތަކަށް ދޫކުރަންޖެހޭ ފައިސާ ދޫނުކޮށް ހިފަހައްޓާފައިވާ ކަމަށް ވިދާޅުވިއެވެ. ނަމަވެސް ދައުލަތަށް ލިބޭ ހުރިހާ ރެވެނިއުއަކީ ޕްރައިވެޓް ސެކްޓަރއިން ލިބޭ ފައިސާ ކަމަށް މެންބަރު ޝަމްހީދު ވިދާޅުވިއެވެ.

ސަރުކާރުން ވިޔަފާރިވެރިންނަށް ގޮންޖައްސަވާ މިދައްކާ ވާހަކަ އަޅުގަނޑުމެން ކުޑަކުޑަކޮށް ފަހަތަށް ޖެހިލާ ބަލާލާއިރު، ހޭދަކުރާ މިހުރިހާ ފައިސާއެއް މިއީ ވިޔަފާރިވެރިން ދެއްވާ ފައިސާއެއް. މިއަހަރު ވެސް އަޅުގަނޑުމެން މިދިޔަ އަހަރު ވެސް ގާތްގަނޑަކަށް 37 ބިލިއަން ރުފިޔާ އެބޭފުޅުން އަމިއްލައަށް މަސައްކަތް ކުރައްވާ އަޅުގަނޑުމެންނާ ހަވާލުކުރި ފައިސާ އެއީ. ރައްޔިތުންނަށް ރަނގަޅު ކަންތައްތަކެއް ކުރުމަށްޓަކައި އެނގޭތޯ. މި ރިސޯޓެއްގައި ނޫނީ ގެސްޓްހައުސްއެއްގައި މާފުށީގައި ހެދީމަ ދައުލަތަކުން ނުކޮށްދޭ މާބޮޑު ކަމެއް. އެބޭފުޅުންގެ ބުރަ މަސައްކަތުން އެބޭފުޅުން އިޓަލީއަށް ތަންތަނަށް ދަތުރުކޮށް ގެސްޓުން ގެނެސްގެން އެބޭފުޅުންނަށް ލިބޭ ކޮންމެ 100 ޑޮލަރުކުން ގާތްގަނޑަކަށް 30 ކޮންމެވެސް ޑޮލަރެއް ދައުލަތަށް ދީގެން އެ އުޅެނީ. މިގޮތަށް ކުރާ ކަމެއްގައި ދިވެހިރާއްޖޭގެ ޓެކްސްގެ ނިޒާމެއްގެ ތެރެއިން ދައުލަތަށް މިލިބޭ ހުރިހާ ރެވެނިއުއަކީ އަމިއްލަ ޕްރައިވެޓް ސެކްޓަރއަށް ކުރި މަސައްކަތްތައް ރައީސް ނޫނިއްޔާ ސަރުކާރަށް ނޭނގުމަކީ ވަރަށް ދެރަ ކަމެއް.

ހުޅުމާލޭ ދެކުނު ދާއިރާގެ މެންބަރު ޑރ.އަހްމަދު ޝަމްހީދު

މެންބަރު ޝަމްހީދު ވިދާޅުވީ މިއަދުގެ ސަރުކާރުން ވިޔަފާރިތަކުގެ ތެރެއަށް ވަދެ ވިޔަފާރިތައް ހުއްޓަން ފެށުމުން، މިއަހަރު ދައުލަތަށް ޓެކްސްގެ ގޮތުގައި ލިބޭ އާމްދަނީ ދަށްވެފައިވާ ކަމަށެވެ. ޓެކްސްގެ ޕަސެންޓޭޖް ބޮޑުކުރި ނަމަވެސް މިދިޔަ އަހަރަށްވުރެ، މިއަހަރު ލިބޭ އާމްދަނީ ބޮޑުނުވާ ކަމަށް އޭނާ ވިދާޅުވިއެވެ.

އެއީ ސަރުކާރުން ވިޔަފާރިތަކަށް ވަންނާތީ ވާގޮތް ކަމަށާއި، ސަރުކާރުގެ އެއްވެސް ކުންފުންޏަކީ ފައިދާވާ ތަންތަންތޯ ނުވަތަ ގިނަ ކުންފުނިތަކުން ދައްކަންޖެހޭ ޓެކްސްތައް ދައްކާތޯ ސުވާލު އުފެދިފައިވާ ކަމަށް މެންބަރު ޝަމްހީދު ވިދާޅުވިއެވެ. އަދި ވިދާޅުވީ 2024 ވަނަ އަހަރުން ފެށިގެން މި ތަފާސްހިސާބުތައް ފެންނަން ނެތް ކަމަށެވެ.