ކ. މާލެ
|
13 މާރޗް 2025 | ބުރާސްފަތި 13:42
ގެއްލިގެން ހޯދަމުންދާ އަންހެން މީހާ
ގެއްލިގެން ހޯދަމުންދާ އަންހެން މީހާ
ޕޮލިސް
ޒުވާން އަންހެނަކު ގެއްލުން
މާލެއިން ޒުވާން އަންހެނަކު ގެއްލުނުތާ 5 ދުވަސް، ފުލުހުން ދަނީ ހޯދުމުގެ މަސައްކަތް ކުރަމުން
ގެއްލިގެން ހޯދަމުންދަނީ 31 އަހަރުގެ ޙައްވާ ޙަސަން
އާއިލާގެ ފަރާތުން ފުލުހުންނަށް މައްސަލަ ހުށަހަޅާފައިވަނީ 2025 މާރޗު 8 ވަނަ ދުވަހު
ފުލުހުން ވަނީ ހައްވާ ހަސަން އާބެހޭ އެއްވެސް މައުލޫމާތެއް ލިބިފައިވާނަމަ، އެމައުލޫމާތު ހިއްސާ ކޮށްދިނުމަށް އެދިފައި

މާލެއިން ޒުވާން އަންހެނަކު ގެއްލިގެން ހޯދަން ފަށާފައިވާ ކަމަށް ފުލުހުންގެ ޚިދުމަތުން ބުނެފިއެވެ.

ފުލުހުން ބުނީ މާލެއިން އަންހެނަކު ގެއްލިގެން ފުލުހުންނަށް ރިޕޯޓްކުރުމާ ގުޅިގެން އެމީހާ ހޯދުމުގެ މަސައްކަތް ކުރަމުންދާ ކަމަށާއި، ގެއްލިގެން ހޯދަމުންދަނީ 31 އަހަރުގެ ޙައްވާ ޙަސަން، ހ. ބްލޫލޫން / މާލެ ކަމަށެވެ.

ހައްވާ ހަސަން ގެއިން ދިޔަގޮތަށް ދިޔަފަހުން ޚަބަރެއް ނުވެ، ވީނުވީއެއް ނޭނގި ގެއްލިގެން އާއިލާގެ ފަރާތުން ފުލުހުންނަށް މައްސަލަ ހުށަހަޅާފައިވަނީ 2025 މާރިޗު 8 ވަނަ ދުވަހު ކަމަށް ފުލުހުން ބުނެއެވެ.

މީގެ އިތުރުން ފުލުހުން ބުނީ މި މައްސަލަ ފުލުހުންނަށް ރިޕޯޓްކުރުމާއެކު އޭނާ ހޯދުމަށް ފުލުހުންގެ ކަމާގުޅުންހުރި އެންމެހައި ބަހާތަކަށް މައުލޫމާތު ހިއްސާކުރެވި، ހޯދުމުގެ މަސައްކަތް ކުރަމުން ދިޔަނަމަވެސް އޭނާ ހޯދުމަށް މިހަތާނަށް ކުރެވުނު މަސައްކަތުން އޭނާއާ ބެހޭ އެއްވެސް މައުލޫމާތެއް ލިބިފައިނުވާ ކަމަށެވެ.

ފުލުހުން ވަނީ ހައްވާ ހަސަން އާބެހޭ އެއްވެސް މައުލޫމާތެއް ލިބިފައިވާނަމަ، ލަސްނުކޮށް، މާފަންނު ޕޮލިސް އިންވެސްޓިގޭޝަންގެ ޑިއުޓީ ނަންބަރު 9660183 އަށް ގުޅައި ހިއްސާކޮށްދިނުމަށް އެދިފައެވެ.

- ކޮމެންޓް