މިފްކޯގެ ޗީފް ފައިނޭންޝަލް އޮފިސަރ (ސީއެފްއޯ)، އިލްޔާސް ހަނީފް މަގާމުން އިސްތިއުފާ ދެއްވައިފިއެވެ.
އޭނާ އިސްތިއުފާދެއްވިކަން މި ނޫހަށް ވަނީ ކަށަވަރުވެފައެވެ.
އޭނާ އިސްތިއުފާދެއްވި ސަބަބު މިފްކޯ އިން ވެސް އަދި އެހެން އިދާރާއަކުން ވެސް ރަސްމީކޮށް ހާމަކުރައްވާފައެއްނުވެއެވެ. އަދި އޭނާގެ އިސްތިއުފާ އާއި މެދު މިފްކޯގެ ބަހެއް ހޯދުމަށް ކުރި މަސައްކަތް ވަނީ ކާމިޔާބު ވާގޮތް ނުވެފައެވެ.
އެހެންނަމަވެސް ބައެއް މީޑިއާތަކަށް ހަނީފް ވިދާޅުވި ގޮތުގައި އިސްތިއުފާދެއްވީ އެހެން ވަޒީފާއަކަށް ދިއުމަށެވެ.
އޭނާ މަޤާމުން އިސްތިއުފާ ދެއްވާފައި މި ވަނީ ކުންފުނީގެ ހިންގުމަށް ބޮޑެތި ބަދަލުތަކެއް ގެނެސް، އާ ސީއީއޯއެއް އެ ކުންފުންޏަށް އައްޔަންކޮށްފައި ވަނިކޮށެވެ.
އެ ކުންފުނީގެ ސީއީއޯއެއް އައްޔަން ކުރީ އެ މަޤާމް ހުސްކޮށް އޮންނަތާ ގިނަ ދުވަސްތަކެއް ފަހުންނެވެ.
