ޓްވިޓާއިން އެންމެ ގިނަ ލައިކްސް ލިބުނު ފަރާތަކަށް އެމެރިކާގެ ކުރީގެ ރައީސް ބަރަކް އޮބާމާ ހިމެނިވަޑައިގެންފިއެވެ.
ޓްވިޓާގައި އެންމެ ގިނަ ލައިކްސް ލިބުނު ޕޯސްޓަކީ ނަސްލީ ތަފާތުކުރުމާ ދެކޮޅަށް އެމަނިކުފާނު ކުރައްވާފައިވާ ޓްވީޓެކެވެ.
އޮބާމާ ކުރެއްވި ޓްވީޓުގައި ވިދާޅުވެފައިވަނީ އެއްވެސް މީހަކީ އުފަންވާއިރު އެހެންމީހުންގެ ނަސްލާއި ހަމުގެ ކުލަ އަދި ދީނީ ގަބޫލުކުރުންތަކުގެ ސަބަބުން ނަފްރަތުކުރަން ދަސްވެފައިވާ މީހެއް ނޫން ކަމަށެވެ. އެއީ ނަލްސީ ތަފާތަށް ނުހަނު ޚިދުމަތް ކުރެއްވި ނެލްސަން މަންޑޭލާ ވިދާޅުވެފައިވާ ބަސްފުޅެކެވެ. އެ ލިޔުންކޮޅާ އެކު އޮބާމާ ވަނީ އެކި ނަސްލު ދައްކުވައިދޭ ހަތަރުކުދިން ކުޑަދޮރެއްގެ ތެރެއިން އެމަނިކުފާނަށް ހީލާފައިވާ ފޮޓޯއެއް އެޓޭޗްކުރައްވާފައެވެ.
އޮބާމާކުރެއްވި މި ޓްވީޓަށް ވަނީ 4.3 ލައިކްސް ލިބިފައެވެ. އަދި 1.6 ރީޓްވީޓް ވަނީ ލިބިފައެވެ.
"No one is born hating another person because of the color of his skin or his background or his religion..." pic.twitter.com/InZ58zkoAm
— Barack Obama (@BarackObama) August 13, 2017
މިއީ އޮބާމާ މިމަހުގެ 13 ވަނަ ދުވަހު ކުރައްވާފައިވާ ޓްވީޓެކެވެ.
ޓްވިޓާގައި މިހާތަނަށް އެންމެ ގިނަ ލައިކްސް ލިބުނު 10 ޓްވީޓްގެ ތެރޭގައި އޮބާމާގެ ހަ ޓްވީޓެއް ހިމެނއެވެ.
ކުރިން ޓްވިޓާގައި އެންމެ ގިނަ ލައިކްސް ލިބިފައި ވަނީ ލަވަކިޔުންތެރިޔާ އާރިއާނާ ގްރާންޑޭ ކޮށްފައިވާ ޓްވީޓަކަށެވެ. އެޓްވީޓަށް ލިބިފައި ވަނީ 2.7 މިލިއަން ލައިކްސްއެވެ.
