ގާޒާގައި ޤަތުލުއާންމު ހިންގަމުންދާއިރު އަރަބި ލީޑަރުން ތިބީ "ކުޅިބަލަން" ކަމަށް ކުރީގެ ރައީސް މައުމޫނު އަބްދުލް ޤައްޔޫމު ވިދާޅުވެއްޖެއެވެ.
ރައީސް މައުމޫނު އެކްސްގައި ކުރެއްވި ޕޯސްޓެއްގައި ވިދާޅުވީ، ކުށެއް ނެތް އެތައް ސަތޭކަ ޣައްޒާގެ އާންމުންނެއް ކޮންމެ ދުވަހަކު އިސްރާއީލުން ރަހުމެއްނެތި މަރަމުންދާ ކަމަށެވެ.
އެހެންނަމަވެސް، އެކަންކަން އެހެން ހިނގަމުންދާއިރުވެސް އަރަބި ލީޑަރުން ތިއްބެވީ "ކުޅިބަލަން" ކަމަށާއި، އަރަބި ލީޑަރުން އެއްވެސް ކަމެއް ނުކުރައްވާކަމަށް ރައީސް މައުމޫނު ވިދާޅުވިއެވެ. އެހެންކަމުން ހިތާމައިގެ ކޮޅެއްނެތްކަންވެސް ރައީސް މައުމޫނު ކުރެއްވި ޕޯސްޓުގައި ފާހަގަ ކުރައްވާފައިވެއެވެ.
އިޒްރޭލުން ގާޒާއަށް ދެމުންދާ ޙަމަލާތަކުގައި ޝަހީދުވި މީހުންގެ އަދަދުތައް 39،000ށް ވުރެ މައްޗަށް ގޮސްފައިވާއިރު، ޒަޚަމްވި މީހުންގެ އަދަދުތައްވެސް ބައިލައްކައާ ގާތް ކުރަނީއެވެ. އެ އަދަދުތައް ދުވަހެއް ދުވަހަކަށް ދަނީ އިތުރުވެސް ވަމުންނެވެ. އެހެންނަމަވެސް އަރަބި ޤައުމުތަކުން އެކަމުގައި ހަނު ތިބިކަމަށް ބުނެ ގިނަ ބައެއްގެ ފާޑުކިޔުން އަމާޒުވެފައިވެއެވެ.
