މިފްކޯގެ ފިހާރަތަކުން މަސް ލިބުން ދަތި ކަމަށާއި، މަސްވެރިކަން ރަނގަޅުވުމާއެކު ރެކުތައް ފުރިގެންދާނެކަމަށް އެ ކުންފުނިން ބުނެފިއެވެ.
މީޑިއާތަކަށް ފޮނުވި މެސެޖެއްގައި މިފްކޯއިން ބުނީ، ދަޅު މަހުގެ އެއްވެސް ލިމިޓެއް ނެތް ކަަމަށާއި، ނަމަވެސް ކަޅުބިލަމަހުގެ ބާވަތްތައް އުފެއްދޭނީ ކަޅުބިލަމަސް ލިބިގެން ކަމަށެވެ.
އޭގެ އިތުރުން، މި ޙާލަތުގައި އޮތް ނަމަވެސް، ކަންނެލި މަހުގެ އުފެއްދުންތައް ކުރިއެކޭ އެއްގޮތަށް މިފްކޯގެ ފިހާރަތަކުން ލިބެން ހުންނާނެކަމަށް އެ ކުންފުނިން މައުލޫމާތު ދެއެވެ.
މިފްކޯއިން ބުނީ، މިވަގުތު ޕްރޮޑަކްޝަން ދަަށްވެފައިވަނީ ވެލިއު އެޑެޑް އުފެއްދުންތަކުގެ ތެރެއިން ކަޅުބިލަމަސް ނުލިބޭތީ ކަމަށެވެ. ނަމަވެސް މަސްވެރިކަން ރަނގަޅު ވުމާއެކު، އެ މައްސަލައަށް ޙައްލު އަންނާނެކަމަށް މިފްކޯއިން ވަނީ ބުނެފައެވެ.
މިފްކޯއިން އެހެން ބުނެފައިވާއިރު، ދާދި ފަހުން ރައީސް އޮފީހުގެ މިނިސްޓަރު އަލީ އާރިފް ވަނީ ގަރުދިޔަ އާއި ބަތަކީ އާދައިގެ ދިރިއުޅުން އުޅޭ މީހުން ކެއުމަށް ބޭނުންކުރާ އެއްޗެއްކަމަށް ދޭހަވާ މޭރުމުން ވާހަކަ ދައްކަވާފައެވެ. އެ ވާހަކަތަކާއި ގުޅިގެން އެތައް ބައެއްގެ ފާޑުކިއުން އޭނާއަށް އަމާޒުވެފައިވެއެވެ.
