ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ސަރބިއާގެ 23 ވަނަ ޤައުމީދުވަހުގެ ތަހުނިޔާ އެޤައުމުގެ ރައީސްއަށާއި ބޮޑުވަޒީރަށް ފޮނުއްވައިފިއެވެ.

ރައީސް އޮފީހުން ބުނީ ސަރބިއާގެ ރައީސް އެލެކްސަންޑަރ ވުޗިޗްއާއި އެޤައުމުގެ ބޮޑުވަޒީރު އާނާ ބަރްނަބިޗްއަށް ވަކިވަކިން މެސެޖް ފޮނުއްވާ މަރުޚަބާ ވިދާޅުވެފައިވާ ކަމަށެވެ.

އަދި ރައީސް ފޮނުއްވި މެސެޖުގައި އެމަނިކުފާނުގެ އިޚުލާސްތެރި ހެޔޮއެދުންތައް އެ ޤައުމުގެ ސަރުކާރާއި ރައްޔިތުންނަށް ފޮނުއްވާފައިވާ ކަމަށް ވަނީ ބުނެފައެވެ.

ރައީސްގެ މެސެޖުގައި ވަނީ ކުރިއަށްއޮތް އަހަރުތަކުގައި އެ ޤައުމަށް އުފާވެރިކަމާއި ފާގަތިކަމަށް އެދިވަޑައިގެންފައެވެ.