ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ފްލެޓު ލިބޭނެ ކަމަށް ބުނެ މީހެއްގެ އަތުން ދެ ލައްކަ ރުފިޔާ ހީލަތުން ނަގާފައިވާ މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ ފްލެޓު ލިބޭނެ ކަމަށް ބުނެ މަކަރާއި ހީލަތުން އެ މީހާގެ ބޭންކް އެކައުންޓުން ފައިސާ ނެގި މައްސަލައެއް ބުދަ ދުވަހުގެ ހަވީރު އެ އިދާރާއަށް ހުށަހަޅާފައިވާ ކަމަށެވެ. އޮޅުވާލައިގެން ފައިސާ ހޯދާފައިވަނީ ގއ. ވިލިނގިލީ މީހެއްގެ އަތުންނެވެ. މި މައްސަލަ ފުލުހުން ތަހުގީގު ކުރަމުން ފެށި ނަމަވެސް މި މައްސަލައިގައި އަދި މީހަކު ހައްޔަރު ނުކުރާ ކަމަށް ފުލުހުން ބުނެއެވެ.
Advertisement
ފްލެޓު ލިބޭނެ ކަަމަށް ބުނެ މިފަދަ ސްކޭމްތައް ދޭތެރެ ދޭތެރެއިން ހިންގައެވެ. މިކަންކަމަށް ސަމާލުވުމަށް ފުލުހުންނާއި ކަމާބެހޭ ފަރާތްތަކުން އަންނަނީ އިލްތިމާސްކުރަމުންނެވެ.
