ހިއުމަން ރައިޓްސް ޕޯސްޓަރު ކުރެހުމުގެ މުބާރާތް 2022ގައި ކުދިންގެ ފަރާތުން ހުށަހަޅާފައިވާ ކުރެހުންތައް ދައްކާލުމުގެ އެގްޒަބިޝަނެއް ފަށައިފިއެވެ.

މިއަހަރު ފާހަގަ ކުރި ކުޑަކުދިންގެ ދުވަހާ ގުޅުވައިގެން ކުރިއަށްގެންދިޔަ މި މުބާރާތަކީ ސްކޫލްތަކުގެ ހިއުމަން ރައިޓްސް ކްލަބްތަކާއި ގުޅިގެން ރާއްޖޭގެ ހުރިހާ ސްކޫލެއްގެ ގްރޭޑް 8، 9 އަދި 10 ގެ ދަރިވަރުންނަށް ޚާއްސަކޮށްގެން ކުރިއަށްގެންދިޔަ މުބާރާތެކެވެ. މި މުބާރާތުގައި 15 ސްކޫލަކުން 90 ދަރިވަރުން ކުރެހުންތައް ހުށަހަޅާފައިވެއެވެ.

މިއީ ހިމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އާއި ޓްރާންސްޕޭރެންސީ މޯލްޑިވްސް ގުޅިގެން އިންސާނީ ޙައްޤުތަކަށް ކުދިން ހޭލުންތެރި ކުރުވުމުގެ މަޤުސަދުގައި ކުރިއަށްގެންދިޔަ މުބާރާތެކެވެ. މިއަހަރުގެ މުބާރާތުގެ މައުލޫއަކީ "އަހަރެމެންގެ ޙައްޤުތައް، އަހަރެމެންގެ މުސްތަޤުބަލު، އަހަރުމެންގެ ގޮވާލުންތައް" އެވެ.

މި އެގްޒަބިޝަން ކުރިއަށްދާނީ އާދީއްތަ ދުވަހާއި ހޯމަ ދުވަހުގެ ހެނދުނު 10 އިން ހަވީރު 6 އަށް، އަދި ރޭގަނޑު 8 އިން 10 އަށެވެ. މި އެގްޒަބިޝަން ހުޅުވާފައިވަނީ ނޭޝަނަލް އާޓް ގެލަރީގައެވެ.

މި ކުރެހުންތައް އޮންލައިންކޮށް ވެބްސައިޓުން ބަލާލެވޭނެ ކަމަށް ވެސް އެޗްއާރްސީއެމް އިން މައުލޫމާތުދެއެވެ.