ރޮހިންޖާ މުސްލިމުންނަށް އެހީވާ ޓެލެތޯން

ދިވެހި ރައްޔިތުންގެ ނަމުގައި ރާއްޖެޓީވީން އިސްނަގައިގެން ކުރިއަށް ގެންދާ ރޮހިންޖާ މުސްލިމުންނަށް އެހީވާ ފަންޑަށް މިހާތަނަށް ތިން މިލިއަން ރުފިޔާއަށްވުރެ ގިނަ ރުފިޔާ ލިބިއްޖެ. މި ފަންޑު ހުޅުވާފައިވަނީ އާދިއްތަ ދުވަހުގެ 14:30 ގަ. ފަންޑު ބަންދު ކޮށްފައިވަނީ މި ރޭ 20:30 ގަ.

ރާއްޖެޓީވީއިން އިސްނަގައިގެން މިޔަންމާގައި އަނިޔާ ލިބެމުންދާ މުސްލިމުންނަށް އެހީތެރިވުމަށް ކުރިޔަށް ގެންދާ "ރޮހިންޖާ މުސްލިމުންނާއެކު ދިވެހިން" ޓެލެތޯނުގައި ތެރެއިން އައްޑޫސިޓޫ ހިތަދުގައި ބެހެއްޓުނު ފަންޑު ފޮއްޓަށް 41587 ރުފިޔާ ވަނީ ލިބިފައި

ރާއްޖެޓީވީއިން އިސްނަގައިގެން މިޔަންމާގައި އަނިޔާ ލިބެމުންދާ މުސްލިމުންނަށް އެހީތެރިވުމަށް ކުރިޔަށް ގެންދާ "ރޮހިންޖާ މުސްލިމުންނާއެކު ދިވެހިން" ޓެލެތޯނުގައި ތެރެއިން ބ.ހިތާދޫގައި ބެހެއްޓުނު ފަންޑު ފޮއްޓަށް 31879 ރުފިޔާއަދި 37 ޔޫއެސް ޑޮލަރު ލިބުނު

ދިވެހި ރައްޔިތުންގެ ނަމުގައި ރާއްޖެޓީވީން އިސްނަގައިގެން ކުރިއަށް ގެންދާ ރޮހިންޖާ މުސްލިމުންނަށް އެހީވާ ފަންޑަށް އެހީވުމަށް ބެހެއްޓި ފަންޑު ފޮށިތައް ބަންދުކޮށްފި. .

ރަށެއްގައި ބަހައްޓާފައިވާ ފަންޑު ފޮއްޓެއް

.

ރާއްޖެޓީވީއިން އިސްނަގައިގެން މިޔަންމާގައި އަނިޔާ ލިބެމުންދާ މުސްލިމުންނަށް އެހީތެރިވުމަށް ކުރިޔަށް ގެންދިޔަ "ރޮހިންޖާ މުސްލިމުންނާއެކު ދިވެހިން" ޓެލެތޯނު ކާމިޔާބު ކަމާއެކު ނިންމާލައިފި. މި ޓެލެތޯނަށް މިހާތަނަށް 2.7 މިލިއަން ރުފިޔާ ލިބިފައިވާއިރު އާންމު ރަައްޔިތުންގެ ފަރާތުން ހީނުކުރާހާވަރުގެ ބޮޑު ތަރުހީބެއް ލިބުނު

ރޮހިންޖާ މުސްލިމުންނަށް އެހީވާ ފަންޑު ބަްނޑުވާ މިނެޓަކަށްވީއިރު، މިވަގުތު ގުނިފައިވާ ފައިސާގެ އަދަދަކީ 2.7 މިލިއަން ރުފިޔާ

ދިވެހި ރައްޔިތުންގެ ނަމުގައި ރާއްޖެޓީވީން އިސްނަގައިގެން ކުރިއަށް ގެންދާ ރޮހިންޖާ މުސްލިމުންނަށް އެހީވާ ފަންޑަށް މިހާތަނަށް 2.3 މިލިއަން ރުފިޔާއަށްވުރެ ގިނަ ރުފިޔާ ލިބިއްޖެ. މި ފަންޑު ބަންދު ކުރުމަށް ނިންމާފައިވަނީ މިރޭ 20:30 ގައި.

މާލެ ސިޓީ ކައުންސިލްގެ ރައީސް ޝިފާ މުހައްމަދު ރޮހިންޖާ ފަންޑަށް އެހީ ވެދެއްވަނީ

ގޭޖް ކުންފުނީގެ މުވައްޒަފުންގެ އެއް ދުވަހުގެ މުސާރަ ރޮހިންޖާ ފަންޑަށް ހަދިޔާކޮށްފި. އެއީ 36،000ރ .

ދިވެހި ރައްޔިތުންގެ ނަމުގައި ހިންގާ ރޮހިންޖާ މުސްލިމުންނަށް އެހީވާ ފަންޑު ދަންދު ކުރުމުގެ ވަގުތު ކައިރިވަމުންދާއިރު، ގިނަ އަދަދެއްގެ ދިވެހި ރައްޔިތުންނާއި ރާއްޖޭގައި ދިރިއުޅޭ ބިދޭސީން ވެސް ދަނީ މިފަންޑަށް އެހީވަމުން.

އިއްޔެ މެމްދުރުފަހު 14:30ގައި ފެށި ރޮހިންޖާ މުސްލިމުންނަށް އެހީވާ ޓެލެތޯން ނިންމުމަށް ހަމަޖެހިފައިވަނީ 20:30 ގައި. މި ފަންޑަށް މިހާތަނަށް ދެ މިލިއަނަށްވުރެ ގިނަ ރުފިޔާ ވަނީ ލިބިފައި.

ކުޑަ ކުއްޖަކު ރޮހިންޖާ ފަންޑަށް އެހީވަނީ

ދިވެހި ރައްޔިތުންގެ ނަމުގައި ރާއްޖެޓީވީން އިސްނަގައިގެން ރޮހިންޖާ މުސްލިމުންނަށް އެހީވުމަށް، މާލެ އާއި ވިލިމާލެ އަދި ހުޅުމާލޭގައި އިތުރުން އދ. މާމިގިލި، ގދ. ތިނަދޫ، ޅ. ނައިފަރު، ލ. ގަން، އައްޑޫ ސީޓީ، ނ. މަނަދޫ، ބ. ހިތާދޫ، ބ. ތުޅާދޫ، ހދ. ކުޅުދުއްފުށި، ދ. ހުޅުދެލި، ރ. މަޑުއްވަރި، ނ. ނޮޅިވަރަމްފަރު، ނ. ކެނދިކުޅުދޫ، ހއ. ނައިވާދޫ، ދ. ކުޑަހުވަދޫގެ އިތުރުންވެސް ރާއްޖޭގެ ގިނަ ރަށްރަށުގައި ފަންޑު ފޮށިތައް ބަހައްޓައިގެން ރޮހިންޖާ މުސްލިމުންނަށް އެހީވުމަށް ހަރަކާތްތައް ދަަނީ ހިންގަމުން.

ކުޑަ ކުއްޖަކު ރޮހިންޖާ ފަންޑަށް އެހީވަނީ

ދިވެހި ރައްޔިތުންގެ ނަމުގައި ރާއްޖެޓީވީން އިސްނަގައިގެން ކުރިއަށް ގެންދާ ރޮހިންޖާ މުސްލިމުންނަށް އެހީވާ ފަންޑަށް މިހާތަނަށް ދެ މިލިއަނަށްވުރެ ގިނަ ރުފިޔާ ލިބިއްޖެ.

ރޮހިންޖާ ފަންޑަށް އެހީވުމުގެ ގޮތުން ހިންގާ ހަރަކާތުގެ ތެރެއިން

ކަވާއީ ފިހާރައިގެ އިއްޔެ ސޭލްސް އާއި މުވައްޒަފުންގެ އެއް ދުވަހު މުސާރަ ރޮހިންޖާ ފަންޑަށް ހަދިޔާ ކޮށްފި

ކަވާއީ ފިހާރަ

ޑޭޓުޑޭ ޓްރާންސްޕޯޓް ސާރވިސްގެ ކެޕްޓަނުންގެ އެއް ދުވަހުގެ މުސާރަ ރޮހިންޖާ ފަންޑަށް ހަދިޔާ ކޮށްފި. ރާއްޖޭގެ އެކި ފަންތީގެ ވިޔަފާރިވެރިންގެ ފަރާތުން މި ފަންޑަށް ދަނީ ބޮޑު އެއްބާރުލެއްވުމެއް ދެމުން.

ކުޑަ ކުއްޖަކު ފަންޑަށް އެހީވަނީ

ދިވެހިރައްޔިތުންގެ ނަމުގައި ރާއްޖެޓީވީން އިސްނަގައިގެން ކުރިއަށްގެންދާ ރޮހިންޖާ މުސްލިމުންނަށް އެހީވުމަށް ކުރިއަށް ގެންދާ ޓެލެތޯނާއި ގުޅިގެން ރާއްޖެޓިވީގެ މުވައްޒަފުންނަށް ހިތްވަރު ދިނުމުގެ ގޮތުން މުހީތު މިވަނީ ޕިއްޒާތަކެއް ހަދީޔާ ކޮށްފަ. މި ޓެލެތޯނަށް ރާއްޖޭގެ އެކި ކަނކޮޅުތަކުން، ރައްޔިތުންެގެ ފަރާތުން ދެއްވާ އެއްބާރުލުމާއި ވެދެއްވާ އެހީތެރިކަމަށް ރާއްޖެތީވީގެ ފަރާތުން ވަރަށް ބޮދަށް ޝުކުރު ދަންނަވަން.

މިފަންޑު ކުރިއަށް މިދަނީ އިއްޔެގެ މެމްދުރުފަހު 14:30 އިން ފެށިގެން މިރޭ 20:30 އާހަމައަށް. މިހާތަނަށް މި ފަންޑަށް 1.8 މިލިއަން ރުފިޔާ ވަނީ ލިބިފައި.

ރާއްޖެޓީވީގެ މުވައްޒަފުންނަށް މުހީތު ޕިއްޒާ ހަދިޔާކޮށް ދެއްވަނީ

ދިވެހި ރައްޔިތުންގެ ނަމުގައި ރާއްޖެޓީވީ އިސްނަގައިގެން ކުރިއަށް ގެންދާ ރޮހިންޖާ މުސްލިމުންނަށް އެހީވާ ފަންޑަށް މިހާތަނަށް 1.5 މިލިއަން ރުފިޔާ ލިބިއްޖެ.

މިފަންޑު ކުރިއަށްދާނީ މިރޭ 20:30 އާހަމައަށް.

ފަންޑު ފޮއްޓަށް ސްކޫލް ދަރިވަރުންތަކެއް އެހީތެރި ވަނީ

ހއ. އަތޮޅުގެ ހުރިހާ ދާއިރާތަކެއްގެ ރަށްރަށުން ރާއްޖެޓީވީގައި ބަހައްޓާފައިވާ ފަންޑު ފޮއްޓަށް އެހީވެއްޖެ. އެހީތެރި ވުމަށް ރާއްޖެޓީވީއަށް ވަޑައިގެންނެވި ބޭފުޅުންގެ އިސް ބޭފުޅަކަށް ހުންނެވީ ރައްޔިތުންގެ މަޖިލީހުގެ އިހަވަންދޫ ދާއިރާގެ ކުރީގެ މެމްބަރު އަހުމަދު އަބްދުﷲ.

މިވަގުތު ފަންޑު ފޮއްޓަށް ލިބިފައިވާ ފައިސާގެ އަދަދު 1.5 މިލިއަނަށްވުރެ މައްޗަށް އަރައިފި.

މި ފޮށި ބެހެއްޓިފައިވަނީ މާމިގިލީ ކޮފީ ކެފޭގައި. އެއްބާރުލުންދެއްވާ.

މިޔަންމާއަށް ނިސްބަތްވާ ރޮހިންޖާ މުސްލިމުންނަކީ އެ ގައުމުގެ ރައްޔިތުންނަށް ވީ ހިނދު ބުދިސްޓުން އެމީހުން ނައްތާލަން މަސައްކަތްކުރަނީ ކީއްވެ؟

ކޮންމެއަކަސް މިއަދު އަންޖުމާ ނިޔާވެއްޖެއެވެ. އަންޖުމާ ނިޔާވީ އެކޭމްޕުގައި އޭނާގެ ފޮޓޯ ނެގިތާ ދެމަސްފަހުން 2016 ވަނަ އަހަރުގެ މާޗްމަހުގެ 28 ވަނަ ދުވަހުއެވެ.

އަޅުގަނޑުމެންފަދަ މުސްލިމުންނަށްޓަކައި ވީމިންވަރަކުން ދީލަތިވެދެއްވާށެވެ. އެކުޑަ ޅަދަރިންގެ ޙައްޤުގައެވެ. އެންމެހާ މުސްލިމުންގެ ޙައްޤުގައެވެ.

މިޔަންމާގެ ރޮހިންޖާ މުސްލިމް ދަރިކޮޅަށް ހަމްދަރުދީވާށެވެ. ހާލުގެ ދުލުން އެވެރިން އެގޮވަނީ އެހީތެރިކަމަކަށެވެ. އެ ގިލަންވެރިކަމުން އެމީހުން ސަލާމަތް ކޮށްދޭން އެދޭ ދުޢާތަކަށެވެ. ކެނޑިނޭޅި އެދުޢާތައް ގުގުމައިދިނުމަށެވެ.

ރާއްޖެޓިވީއިން އިސްނަގައިގެން ކުރިޔަށްގެންދާ "ރޮހިންޖާ މުސްލިމުންނާއެކު ދިވެހިން" ޓެލެތޯނަކީ ރާއްޖެޓީވީގެ ސްޓާފުންގެ މިންނަތް މަސައްކަތާ ވަރަށް ބޮޑު އެއްބާރަލުމާކާއެކު ވަރަށް މާތް މަތިވެރި މަގްސަދެއްގައި ކުރިޔަށް ގެންދާ ހަރަކާތެއް. މިކަމުގައި ވަރުބަލިކަމެއް ނެތި ސްޓާފުން ދައްކަވަމުން ގެންދަނީ ލާމަސީލު މިސާލް ދައްކަމުން

"ރޮހިންޖާ މުސްލިމުންނާއެކު ދިވެހިން" ޓެލެތޯނުގެ ވަގުތު ގިނަ ބައެއްގެ އެދުމުގެ މަތިން މިރޭ 8.30 ބަޔާ ހަމަޔަށް އިތުރު ކުރެވިއްޖެ

ރާއްޖެޓީވީއިން އިސްނަގައިގެން ކުރިަޔަށް ގެންދާ "ރޮހިންޖާ މުސްލިމުންނާއެކު ދިވެހިން" ޓެލެތޯނުގެ ބައެއްގެ ގޮތުން ބަހައްޓާފައި ހުރި ފަންޑު ފޮށިތަކަށް އިއްޔެ ލިބުނު ތަރުހީބަށްވުރެ ބޮޑު ތަރުހީބެއް މިއަދު އަންނަނީ ލިބެމުން

"ރޮހިންޖާ މުސްލިމުންނާއެކު ދިވެހިން" ޓެލެތޯނުގެ ބައެއްގެ ގޮތުން އައްޑޫސިޓީ އެމްޑީޕީ ހަރުގޭގައި ފަންޑު ފޮއްޓެއް މިއަދު ހެދުނު 10 ޖަހާއިރު ބަހައްޓާނެ

މިއަދު ހެދުނު ވިލިމާލޭ ފެރީ ޓާމިނަލްގައި ވަނީ "ރޮހިންޖާ މުސްލިމުންނާއެކު ދިވެހިން" ޓެލެތޯނުގެ ފަންޑު ފޮއްޓެއް ބަހައްޓާފަ

އަޅުގަނޑުމެންފަދަ މުސްލިމުންނަށްޓަކައި ވީމިންވަރަކުން ދީލަތިވެދެއްވާށެވެ. އެކުޑަ ޅަދަރިންގެ ޙައްޤުގައެވެ. އެންމެހާ މުސްލިމުންގެ ޙައްޤުގައެވެ.

2012 ވަނަ އަހަރު ހިނގި ހަމަނުޖެހުންތަކާ އެކު ރޮހިންޖާ ދަރިކޮޅުގެ މުސްލިމުންގެ ތެރެއިން އެއް ލައްކަ އަށް ވުރެ ގިނަ ރައްޔިތުންވަނީ ބަންގްލަދޭޝައަށް ހިޖުރަ ކޮށްފަ

އިންސާނީ ހައްގުތަކަށް ވަކާލާތުކުރާ ފަރާތްތަކުން ދެކޭގޮތުގައި ރޮހިންޖާ މުސްލިމުންނަށް އިންސާނީ ހައްގުތައް ލިބޭނީ ރޮހިންޖާ ސަރުކާރުން އެމީހުންނަކީ އެގައުމުގެ ރައްޔިތުންކަން ބަލައިގަނެ އެ ހައްގުތައް އެމީހުންނަށް ކަށަވަރުކޮށްދެވިގެން

ގައުމުތަކަށް ދިރުއުޅުން ބަދަލުކުރުމަށް މަޖުބޫރުވަނީ މިޔަންމާގެ ސިފައިން އެމީހުންގެ އަންހެން ކުދިންގެ އިއްފަތްތެރިކަން ނަގާލުމާއި އަނިޔާކުރުމުގައި މީހުންގެ މުދަލާއި ގެތަކުގައި ރޯކުރުމައި މީހުން މަރަމުންދާތީ ކަމަށް ގައުމުތަކަށް ހިޖުރަކުރާ ރޮހިންޖާ މުސްލިމުން ބުނޭ

ރާއްޖެޓީވީއިން އިސްނަގައިގެން ކުރިޔަށް ގެނެދާ "ރޮހިންޖާ މުސްލިމުންނާއެކު ދިވެހިން" ޓެލެތޯންގެ 15 ގަޑިއިރު ފުރިހަމަ ކުރެވިއްޖެ. ހުއްޓުމެއްނެތި 24 ގަޑިއިރު ކުރިޔަށް ގެންދިއުމަށް ހަމަޖެހިފައިވާ މި ޓެލެތޯން ނިމޭނީ މިއަދު މެންދުރު 2.42 ގަ. މި ޓެލެތޯނަށް ވަރަށް ބޮޑު ތަރުހީބެއް އަންނަނީ ލިބެމުން

މުހައްމަދު ސޮޔޭ އަކީ އުމުރުން 33 އަހަރުގެ ޒުވާނެކެވެ. އޭނާ ނިސްބަތްވަނީ މިޔަންމާގެ ރަކީން ސްޓޭޓްގެ ބުތިޑުއަންގް ޓައުނަށެވެ. އެތަނުން ފިލައިގެން ބަންގްލަދޭޝް އަށް ހިޖްރަކުރީ މީގެ ދިހަވަރަކަށް ދުވަސް ކުރިންނެވެ. މިއީ މުހައްމަދު އަލްޖަޒީރާއަށް ކިޔައި ދިން އޭނާގެ ވާހަކަ

މިޔަމަންމާގެ މުސްލިމް ކުޑަކުދިންނާ އަންހެނުންނާ ފިރިހެނުން ރޯމާ ދުވާލު ކަތިލަމުން މަރަމުން އެމީހުންގެ ގެދޮރާ މުދާ ސުންނާފަތިކޮށް އަންދާ އަޅިޔަށް ހަދަމުންދާ ދިޔުމަކަށް ހުއްޓުމެއް ނެތެވެ. އެ ޖަރީމާ ހުއްޓުވޭނެ މަގެއް އޮތް ކަމަކަށް ނުވެއެވެ.

9 އަހަރުގެ ކުޑަ އަންހެން ކުއްޖަކު އޭނާގެ އެއްއަހަރުގެ ކުޑަ ކޮއްކޮ ގޮވައިގެން މިޔަންމާގެ މިލިޓަރީ ސިފައިންގެ އަނިޔާއިން ސަލަމާތްވުމަށް އެތަށް މޭލެއް ދަތުރުކުރި. ބެލެވޭ ގޮތުގައި މި ދެކުދިންގެ މަންމައާ ބައްޕަ ވަނީ މަރާލެވިފަ

ރާއްޖެޓީވީއިން އިސްނަގައިގެން ކުރިޔަށް ގެންދާ "ރޮހެންޖާ މުސްލިމުންނާއެކު ދިވެހިން" ޓެލެތޯނަށް މަޝްހޫރު ކޮމޭޑިއަން ޝާޒް ހަދިޔާ ކުރެެއްވި ޅެން

ރާއްޖެޓީވީއިން އިސްނަގައިގެން ކުރިޔަށް ގެންދާ "ރޮހެންޖާ މުސްލިމުންނާއެކު ދިވެހިން" ޓެލެތޯނަށް ހުސައިން ރަމީޒް ހަދިޔާ ކުރެއްވި ދެވަނަ ލަވަ

ރާއްޖެ ޓީވީއިން އިސްނަގައިގެން ކުރިޔަށް ގެންދާ "ރޮހެންޖާ މުސްލިމުންނާއެކު ދިވެހިން" ޓެލެތޯނަށް ހުސައިން ރަމީޒް ހަދިޔާ ކުރެއްވި ދެ ލަވައިގެ ތެރެއިން ލަވައެއް

"ރޮހެންޖާ މުސްލިމުންނާއެކު ދިވެހިން" ޓެލެތޯނުގެ އޮފިޝަލް ލަވަ. މި ލަވަ ވިދާޅުވީ އަބްދުލް ހަންނާން މޫސާ ދީދީ

މިޔަންމާގެ ސިފައިންގެ ކިބައިން ސަލާމަތްވުމަށް 80 އަހަރުގެ ރޮހިންޖާގެ އަންހެނަކު ފައިމަގުގައި 50 މޭލަށް ހިނގައިފި