ކޯޓް އަމުރެއްގެ ދަށުން ޖުމްހޫރީ ޕާޓީގެ ލީޑަރު ގާސިމް އިބްރާހީމް ހައްޔަރު ކޮށްފި

ސީދާ ހަރަކާތުން އަޅުގަނޑުމެން ކަންކަން ކާމިޔާބު ކުރާނަން. ސިޔާސީ ހައްޔަރީންނާ ވެރިން ސަލާމަތް ކުރުމަށް މަސައްކަތް ކުރާނަން.

ޖުމްހޫރީ ޕާޓީގެ ލީޑަރު ގާސިމް އިބްރާހިމް ހައްޔަރު ކުރުން، މޯލްޑިވްސް ޓްރޭޑް ޔޫނިއަނުން ވަރަށް ހަރުކަށި އިބާރާތުން ކުށްވެރިކޮށްފި އެވެ. މިގޮތަށް ގޯނާކުރުން ހުއްޓާލަން ވެސް އެ ޖަމިއްޔާއިން ވަނީ ގޮވާލައިފަ އެވެ. 

ރައީސް ޔާމީނުގެ ވެރިކަން ނޭވާ ހޮޅިޔަށް އެޅޭ މަންޒަރު ފެނިގެންދަނީ. ކުޑަ ދުވަސް ކޮޅެއްގެ ތެރޭގައި ރައީސް ޔާމީން ބަލި ކުރާނަން. ގާސިމް އިބްރާހިމް އާއި އެކު ދޫނިދޫއަށް ދާން ތައްޔާރަށް. މި ވެރިކަން ބަދަލު ކުރަން ޖެހޭ. ރައްޔިތުންގެ ވެރިކަން މިއަދު ދިފާއުކުރަން ޖެހޭ.

 ދުވަހަކުވެސް ހައްޔަރުވާން ތައްޔާރު ނުވާ ވަރަށް މިއަދު މިހިރީ ހައްޔަރުވާން ތައްޔާރަށް

ގާސިމް އިބްރާހިމްގެ ހައްޔަރަކީ އެއްވެސް މީހެއް ގަބޫލު ކުރާނެ ހައްޔަރެއް ނޫން. އެއްވެސް އަސާސެއްގެ މައްޗަށް ހިނގި ކަމެއް ނޫން.  ގާސިމް ވިދާޅުވެފައިވަނީ، ގައުމަށްޓަކާ މަސައްކަތް ކުރުމަށް ނިކުންނަ މީހުންނަށް އެހީތެރިވެދެން. އެއީ ރިޝްވަތު ދިނުމެއް ނޫން.

ނޮޅިވަރަމް ދައިރާގެ މެންބަރު އިބްރާހިމް ވަހީދު ހުށަހަޅާ ގަރާރު

 ޖޭޕީ ލީޑަރު ގާސިމް އިބްރާހިމް ހައްޔަރު ކުރުމާ ދެކޮޅަށް ސީދާ ހަރަކާތް ފެށުމަށް ނިންމާއިފި

ލީޑަރު ގާސިމް ހައްޔަރުކުރި ކުރުން، ހަރު އަޑުން ކުއްވެރިކުރަން، އަދި ލީޑަރު ގާސިމް ވަގުރުން ވަގުތަށް ދޫކޮށްލުމަށް ސަރުކާރަށް ގޮވާލަން! 

ރައީސް ޔާމީނުގެ ފުރަތަމަ ނައިބު ރައީސް މުހައްމަދު ޖަމީލު އަހުމަދު ވިދާޅުވީ، ރާއްޖޭގައި މި އޮތް ޚުދުމުޚްރާރު ސަރުކާރަށް އެއްބާރުލުން ދިނުން ހުއްޓާލުމަށް ގޮވާލާކަމަށެވެ. އަދި އިދިކޮޅު ފަރާތްތަކަށް ޓާގެޓް ކުރަމުންދާ ހަމަލާތައް ހުއްޓާލުމަށް ގޮވާލާކަމަށެވެ.

ޖަމީލު ވިދާޅުވީ، ގާސިމަށް ކޮށްފައިވަނީ އަސްލެއް ނެތް ތުހުމަތުތަކެއްކަމަށެވެ.

"ހުރިހާ ސިޔާސީ ލީޑަރުން ދަނީ ހައްޔަރު ކުރަމުން.ގާސިމް ހައްޔަރު ކުރި ކުރުން އެންމެ ހަރު އަޑުން ކުއްވެރިކުރަން" ޝާހިދުގެ ޓްވީޓްގައިވެއެވެ.  މަޖިލީހުގެ ހެންވޭރު އުތުރު ދާއިރާގެ މެންބަރު އަބުދުﷲ ޝާހިދު ސުވާލުކުރައްވަނީ، މީ އަދިވެސް ޑިމޮކްރަސީއެކޭ ކިޔާނެތޯއެވެ؟

އަޅުގަނޑުމެން މިކަމުގައި ސާބިތުވެ ތިބޭނަން، މަޖިލީހުގެ މެންބަރުންނާއި ދިވެހި ރައްޔިތުން ތިބީ މި މަސައްކަތުގައި، ދެން މި މަސައްކަތެއް ނުހުއްޓުވޭނެ، ފާޅުގައި އަޅުގަނޑުމެންނާއި އެއްކޮށް މަސައްކަތް ކުރުމަށް އެބަތިބި އެތައް މެންބަރުން، ގާސިމް އަކީ ވަރަށް ގިނަ ބޭފުޅުންނަށް އެކި ގޮތްގޮތުން އެހީތެރިވާ ބޭފުޅެއް، އަޅުގަނޑު ދަންނަވާނީ ދެން މިމަސައްކަތުގައި ފާޅުގައި ނުކުންނަން ވެއްޖޭ، ސަރުކާރުގެ އެޖެންޑާ ހިންގުމަށް ފުލުހުން ލައްވާ ސިޔާސީ މަގުސަދު ހާސިލް ކުރުމަށް ކުރުވާ ކަމެއް މީ، ގަބޫލެއް ނުކުރަން ގާސިމް އާއމެދު ކުރެވުނު ތުހުމަތު ތަކަކީ އެއްވެސް އަސްލެއްގެ މައްޗަށް ހެއްކެއްގެ މައްޗަށް ބިނާކޮށް ކުރި ތުހުމަތު ތަކެއްކަމެއް

ރައީސް ޔާމީނުގެ ކުރީގެ ހޯމް މިނިސްޓަރ އުމަރު ނަސީރު މީގެ ކުޑަ އިރުކޮޅެއް ކުރިން ކޮށްފައިވާ ޓްވީޓެއްގައި ވިދާޅުވީ، ގާސިމް ވަގުތުން ދޫކޮށްލުމަށް ގޮވާލާފައެވެ. އުމަރު ވިދާޅުވީ، ގާސިމް ހައްޔަރު ކުރި ކުރުމުން ދޭހަވަނީ، ރައީސް ޔާމީން ސިޔާސީ ގޮތުން ފެއިލްވެފައިވާ މިންވަރުކަމަށެވެ.

ނުސްތަފާ ކުރެއްވި ޓުވިޓެއްގައި ވިދާޅުވީ ސަރުކާރުގެ ބޭނުމަކީ އިދިކޮޅު ފަރާރްރަކުގެ ހިއްވަރު އެލުވާލައި ޕީޕީއެމްގައި ތިބި މަޖިލިސް މެމްބަރުން ވެސް ބިރު ގަންނަވާލުން ކަމަށެވެ. އަދި މިއީ އާ ޑްރާމާއެއް ނޫން ކަމަށް މުސްތަފާ ވިދާޅުވިއެވެ.

ރައީސް ނަޝީދު ކުރެއްވި ޓުވިޓެއްގައި ވިދާޅުވީ ގާސިމް ހައްޔަރު ކުރި ކުރުން އެންމެ ހަރުކަށި އިބާރާތުން ކުށްވެރި ކުރައްވާ ކަމަށާއި އަދި ރާއްޖޭގެ ހުރިހައި ރައްޔިތުން އިހުތިޖާޖަށް ނުކުތުމަށް ގޮވާލައްވާ ކަމަށެވެ.

އިތުބާރުހުރި ފަރާތަކުން "ރާއްޖެއެމްވީ"އަށް ކަށަވަރުން ކޮށްދިން ގޮތުގައި ޕީޖީ އޮފީހުން އެމައްސަލަ ދިރާސާކުރި ގާނޫނީ ވަކީލުންގެ ޓީމުން ނިންމާފައިވަނީ ރިޝްވަތަކީ ކޮރަޕްޝަންގެ އަމަލެއް ކަމަށްވާތީ ކޮރަޕްޝަން ހިމެނޭ މައްސަލަތައް ތަހުގީގު ކުރުމުގެ ޒިންމާ އޮތީ އެންޓި ކޮރަޕްޝަން ކޮމިޝަނަށް ކަމަށެވެ. އެ މައްސަލައަކީ ފުލުހުންގެ މެންޑޭޓްގައިވާ ކަމެއް ނޫން ކަމަށް ނިންމާ، އެ މައްސަލަ އަނބުރާ ފުލުހުންގެ އިދާރާއަށް ފޮނުވަން ނިންމާފައިޥާ ކަމަށް އޭނާ ވިދާޅުވި އެވެ.

ކޯޓްއަމުރެއްގެ ދަށުން ޖުމްހޫރީ ޕާޓީގެ ލީޑަރު އަދި މާމްއިނގިލީ ދާއިރާގެ މެމްބަރު ގާސިމް އިބްރާހީމް ހައްޔަރު ކޮށްފިއެވެ.