04:30
ޔާމީނަށް ތާއީދު ކުރި، ކޮންމެ ޕޯޑިއަމް ގެ ދިހަ ޕޯޑިއަމްގައި އެމަނިކުފާނަށް ފާޑުކިޔާނަން.
ޔާމީނަށް ތާއީދު ކުރި، ކޮންމެ ޕޯޑިއަމް ގެ ދިހަ ޕޯޑިއަމްގައި އެމަނިކުފާނަށް ފާޑުކިޔާނަން. މިހާރު މިތިބީ، ހައްގު ބަސް ބުނަން ނުކެރޭ ހާލަތުގައި. މިފަދަ ވެރިކަމެއް ކުރާ ތަނެއްގައި ފަސާދައަށް މަގުފަހިވެގެންދާނެ
10 އޭޕްރިލް 2017 | ހޯމަ 04:30
04:22
އެއްވެސް ފުރުސަތެއް ނުދެއްވާ، ކޮމިޓީއަށް ވަޑައިގެންނެވި އިރު ހުރިހާ ކަމެއް ނިންމާފައި އޮތީ. މަޖިލީހުގެ ރައީސް ޔާމީނަށް ތާއިދު ކުރާމެންބަރުންނަށް، ރަގަޅަށް ބެލުމަށްފަހު ހެޔޮ މަގަށް ރުޖޫއަވާށޭ.
ބިރުދެއްކުމަކީ ޓެރަރިޒަމްގެ ދައުވާ ކަމުގައިވާ ނަމަ އެންމެ ބޮޑު ޓެރަރިޒަމްގެ ދައުވާއެއް ކުރަންޖެހޭނީ ރައީސް ޔާމީން އަބްދުލް ގައްޔޫމަށް.
ހުރިހާ ދިމާލަކުން ވެހިކަލް ދުއްވުން ބައްދުކޮށް. ރައީސް ޔާމީންގެ ބާކީ އޮތް ދެ އަހަރު، ގާސިމް ކުރެއްވި މަސައްކަތުގެ ހެކި ނައްތާލަން މަސައްކަތް ކުރި ނަމަ ވެސް އެހި ނައްތައެއް ނުލެވޭނެ.
10 އޭޕްރިލް 2017 | ހޯމަ 04:22
04:14
ރައީސް ޔާމީން އެ ފައްތަވަން އުޅެނީ އޮޔާ ވަޔާއި ދެކޮޅަށް. މިކަން މާގިނަ ދުވަހު ނުހިފެހެއްޓޭނެ. މިހާރު ފެނިގެންދަނީ ގާނޫނު އަސާސީއާ ހިލާފަށް މަޖިލީހުގެ ގަވައިދަށް ބަދަލު ގެންނަމުންދާ މަންޒަރު.
މި ރާއްޖޭގެ ގާނޫނު އަސާސީ އިސްލާހު ކުރި އިރު ތަހުގީގަށް ހައްޔަރު ކުރުމުގެ މައްސަލަ ފެނިފައިވަނީ. އެގޮތަށް އިސްލާހު ގެނައުމުން ހައްޔަރުކޮށްގެން ތަހުގީގު ކުރުމުގެ މައްސަލަ ނިމޭނެ ކަމަށް އަޅުގަނޑުމެންނަށް ހީވީ. އެހެން ނަމަވެސް މިއަދުވެސް ފެނިގެންދަނީ، ތަހުގީގަށް ހައްޔަރުކުރަމުންދާ މަންޒަރު.
ދުވަހުން ދުވަހަށް ކަންކަން ދަނީ ގޯހުންގޯހަށް. މަޖިލީހުގެ މުޅި ނިޒާމު ގެއްލިފައިވަނީ. މިއީ އަޅުގަނޑުމެން ދެކެން ބޭނުންވާ ދުވަހެއް ނޫން. ރާއްޖޭގެ ރައްޔިތުން ބަނޑަށް ޖެހޭ މަންޒަރު މިއަދު ފެނިގެންދަނީ. އެއްވެސް ޕްލޭނެއް ނެތި ކަންކަން ކުރަމުންދާ މަންޒަރު ފެނިގެންދަނީ
ގާނޫނު އަސާސީ ހިމާޔަތް ކުރަން މިއަދު ނުނިކުމެއްޖެ ނަމަ ގާނޫނު އަސާސީ ވަރަށް އަވަހަށް އަޅުގަނޑުމެންގެ އަތުން ބީވެގެން ހިގައިދާނެ
10 އޭޕްރިލް 2017 | ހޯމަ 04:14
04:05
މެންބަރު މާރިޔާ އަހްމަދު ދީދީ
ގައުމެއްގެ ހަޔާތުގައި އަންނާނެ ހިދުކޮޅެއް. އެ ހިދުކޮޅުގެ ތެރޭގައި އިހުތިޔާރު ކުރަން ޖެހޭނެ ގޮތް ނިންމަންޖެހޭ.
މިއަދު ގައުމު ދަނީ ނުބައިމަގަކުން. ގާނޫނު އަސާސީން ލިބިދޭން ޖެހޭ ހައްގުތަކަށް އަރައިގަނެފައިވަނީ. ގާނޫނު އަސާސީ އޮތީ އެއް ފަރާތްކޮށްފަ. އަދި އުސޫލުތައް ގެއްލުވާލައިގެން ކަންކަން ކުރަމުން އަންނަނީ. މިއަދު ފެނިގެންދަނީ ގައުމު ހަލާކާ ދިމާލާ ދާތަން.
މި ރާއްޖޭގައި މިހާރު އެންމެ ފަހުން ޕާޓީއެއްގެ ލީޑަރެއްގެ ގޮތުގައި ސަލާމަތުން ހުރި ލީޑަރުވެސް މިހާރު އެހެނީ ދޫނިދޫގަ.
ރައްޔިތުންގެ މަޖިލީހުގެ މެންބަރުން ހައްޔަރު ކުރެވޭނެ ގޮތް އިމްތިހާޒު ގާނޫނުގައި ވަނީ ބަޔާންކޮށްފަ.
އަޅުގަނޑުމެންނަށް ފެނިގެންދަނީ، ފުލުހުން އެދިގެން ކްރިމިނަލް ކޯޓުން ނެރުނު އަމުރެއް ގެނެސްފައި
10 އޭޕްރިލް 2017 | ހޯމަ 04:05
03:27
މަޑުމަޑުން ފަހަތަށް ޖެހެމުން ގޮސް، ފެންނާނެ ގޮޑި ހުސްވާ މަންޒަރު. ބައްލަވަން ތިއްބަވާ. މިކަން ލަހެއްވެސް ނުވާނެ. މިއީ އެންމެ މެންބަރު އިދެގެންވެސް ނިންމޭ މައްސަލައެއް. އެހެންވީމާ މިއީ ގާނޫނާ ގަވައިދާ ހިލާފު ކަމެއް.
10 އޭޕްރިލް 2017 | ހޯމަ 03:27
03:24
މަޖިލީހުގެ ރިޔާސަތުން ކަނޑައަޅަނީ މައްސަލަތައް އެޖެންޑާކުރާ ގޮތް. އަދި މަޖިލީހުގެ ގަވައިދު އޮންނަ ގޮތުން ފުށޫއެރުންތަކެއް އެބަހުރޭ. މާދަން މައްސަލަ އަކީ ވޯޓު ނެގެންޖެހޭނެ ކަމެއް ނޫން. އަދި މާދަމާ ބާއްވާ ޖަލްސާގެ ރިޔާސަތު ނުތިބެވޭނެ.
10 އޭޕްރިލް 2017 | ހޯމަ 03:24
03:24
ދައުރުފެށުނީސުރެ މަޖިލީހުގެ ހިންގާ ގަވައިދު އިސްލާހު ކުރުމުގެ މަސައްކަތް ވަނީ ފަށާފައި. އަދި މަޖިލީޙުގެ ރައީސްގެ ގަވައިދު މަޖިލީހުގެ ރައީސް އަމިއްލައަށް ކޮމިޓީއަށް އިސްލާހު ހުށަހަޅާއިގެން އެމަނިކުފާނު ބޭނުންވާ އިސްލާހުތައް އަންނަނީ ހުށަހަޅަމުން.
10 އޭޕްރިލް 2017 | ހޯމަ 03:24
03:18
42 މެންބަރުންގެ ސޮއި ހުށަހަޅަންޖެހޭ ގޮތަށް މަޖިލީހުގެ ގަވައިދު އިސްލާހު ކުރުމަށް ނިންމަނީ، އިދިކޮޅު ފަރާތްތަކަށް އެވަރަށް ވޯޓު ނުލިބިދާނެތީ ސަރުކާރަށް ހީވުން. އެހެން ނަމަވެސް މިކަން އަޅުގަނޑުމެން ކާމިޔާބު ކުރާނަން.
އަދި މިގޮތަށް ސަރުކާރަށް ތާއީދު ކުރާ މެންބަރުންގެ އަމަލުތައް ހުރުމުން އެނގޭ ސަރުކާރު ބަލިކަށިވެފައިވާ މިންވަރު.
އަދި މިއަދު މަޖިލީހުގެ ރައީސް އަމިއްލަޔަށްވެސް އެބަޖެހޭ މަޤާމުން އިސްތިއުފާދެއްވަން. ރައްޔިތުންތަކެއް މަޖިލީހުގެ ރައީސްގެ އިތުބާރު ނެތް ކަމަށް ގޮވާލަމުންދަނީ.
10 އޭޕްރިލް 2017 | ހޯމަ 03:18
03:13
ފްރޭމްކޮށްގެން މީހުންނަށް އަނިޔާވެރި ނުވާށޭ އަޅުގަނޑުމެން މިގޮވާލަނީ. ރައިސްގެ މައްސަލަ ބަލައިގެންފައި މަޖިލީހުގެ ގަވައިދު ބަދަލު ކުރުމަށް މި ނިންމަނީ. ބާރުގެ ބޭނުންކޮށްގެން މިއަދު އެ ބޭނުންވާ ކަމެއް ވެދާނެ. އެހެން ނަމަވެސް އެކަމެއް ސައިޓެއިނެއް ނުކުރެވޭނެ. މަޖިލީހުގެ ތެރެއިން ގިނަ މީހުން މަޖިލީހުގެ ތެރެއިން ހިނގާ ކަންކަމާ މެދު ހިތްހަމައެއް ނުޖެހޭ. އަދި ޕީޕީއެމްގައި ތިބި މެންބަރުންގެ ތެރެއިންވެސް އިސްލާހު ބޭނުންވާ މެންބަރުން އެބަތިބި.
ސަރުކާރު ތަމްސީލު ކުރާ ވާހަކައެއް ނޫން މަޖިލީހުގެ މަސްއޫލިއްޔަތު ގޮތުގައި ނިންމާފައިވަނީ. އެހެން ނަމަވެސް ގައުމަށް ބޭނުންވާ ކަންކަން ކުރުމަށް ނިންމާފައިވަނީ.
10 އޭޕްރިލް 2017 | ހޯމަ 03:13
03:07
މަޖިލީހުގެ ގަވައިދަށް ބަދަލުގެނެސްފައިވަނީ، ގާނޫނު އަސާސީއާ ހިލާފަށް. މަސީހު މަޖިލީހުގެ ރައީސް ކަމުގެ މަޤާމުގައި ތިބި މީހުން ޕީޕީއެމްގެ ތެރޭގައި އެބަ ތިބި. މިއީ ހުދުމުހުތާރު ނިންމުމެއް ކަމަށް އަޅުގަނޑު ދެކެން.
ގާސިމް ހުންނެވީ ހެޔޮހާލުކޮޅުގައި. އަޒުމްވަރުގަދަކޮށް. އިސްލާހީ މަސައްކަތާއިގެން ކުރިއަށް ދިއުމަށް . އެމަނިކުފާނު ހުންނެވީ ވަރަށް ވަރުގަދަ ކޮށް. މިހާރު ހަތަރު ލީޑަރުން ގައުމު އިސްލާހު ކުރުމަށް ކުރާ މަސައްކަތް ހުއްޓުވުމަށް ގާސިމް ހައްޔަރު ކުރީ.
ފުލުހުންނަށް ގާސިމް ހައްޔަރު ކުރުމަކީ ގާނޫނާ ހިލާފަށް ކުރާ ކަމެއްކަން އެނގޭ އިރު އަދިވެސް ގާސިމް ބަންދުގައި ފުލުހުން ބަހައްޓާފައު ހުރުކަމީ އަޅުގަނޑު ކުއްވެރި ކުރާ ކަމެއް.
10 އޭޕްރިލް 2017 | ހޯމަ 03:07
03:02
ގާސިމް އިބްރާހިމް އެއްވެސް ގާނޫނީ އުސޫލެއްނެތި އައިލާއާއި ދުރުގައި ހުރުމަކީ ކޮންމެސް ބަޔަކު ޒިންމާ ނަގަންޖެހޭ ކަމެއް. އެފަދަ ކަންކަމަށް ގާނޫނު އަރާ ހަމަކުރާނެ. ގާސިމް މިހާރުން މިހާރަށް ދޫކޮއްލަން ގޮވާލަން
10 އޭޕްރިލް 2017 | ހޯމަ 03:02
03:00
މިފަހަރު މަޖިލީހުގެ އިތުބާރު ނެތް ކަމުގެ ވޯޓު ހުށަހަޅަންޖެހޭނީ، ގަވައިދު ބަދަލުކޮށްގެން ވަކި ގޮތަކަށް ކަމަށް ބުންޏަސް މިކުރާ މަސައްކތް ނުހުއްޓާނަން.
ވަހިހަމަ 42 މެންބަރުން ވިޔަސް. އެއަށްވުރެ ގިނަ މެންބަރުންވެސް.
ރޯލް ކޯލް ވޯޓުގެ ގޮތުގައި ދެންވެސް މަޖިލީހުގެ ރައިސް ގެ އިތުބާރު ނެތް ކަމުގެ ވޯޓު ނަގަން މަސައްކަތް ކުރާނީ ދެން ފަހަރަކުންވެސް. އެހެން ނަމަވެސް ރޯލް ކޯލް ނަގަން ނުޖެހޭ ހާލަތެއްގައި އެފަދަ ގޮތަކަށް ވޯޓު ނުނެގޭނެ ކަމަށް ގޮވާލަން.
10 އޭޕްރިލް 2017 | ހޯމަ 03:00
02:57
އިބްރާހިމް މުހައްމަދު ސޯލިހު
މެންދުރު (1:50 ހާއިރު މަޖިލީހުގެ ރައީސުގެ އިތުބާރު ނެތް ކަމުގެ ވޯޓު ނެގުމަށް މަޖިލީހަށް ވަނީ ހުށަހަޅާފަ. އަދި ކުއްލި ގޮތަކަށް މަޖިލީހުގެ އާއްމުކޮމިޓީގެ ބައްދަލުވުމެއް ބާއްވާ، 04:30 ގައި ބާއްވާ މަޖިލީޙުގެ ގަވައިދާ ބަދަލު ކުރުމަށް ވަނީ ނިންމާފައި
އަދި މާދަން ވަނީ މަޖިލީހުގެ ޖަލްސާއެއް ބާއްވާ ވަނީ ނިންމާފަ. އާއްމުކޮށް މަޖިލީސް ބާއްވާ ގަނޑިޔާ ހިލާފަށް މިފހަރު ޖަލްސާ ބޭއްވުމަށް ހަމަޖެހިފައިވަނީ 11:00 ގައި
10 އޭޕްރިލް 2017 | ހޯމަ 02:57
04:11
ރައްޔިތުންގެ މަޖިލީހުގެ ކިނބިދޫ ދާއިރާގެ މެންބަރު އަދި ޖޭޕީގެ ޑެޕިއުޓީ ލީޑަރު ޢަބްދުﷲ ރިޔާޒް:
މިހާރު ހުންނެވި ހޯމް މިނިސްޓަރަކީ ފުލުހުންގެ ކަންކަން މާ ރަނގަޅަށް އެނގިވަޑައިގަންނަވާ ބޭފުޅެއް ނޫން. ހެދުނީ ގޯހެއްކަން މިނިސްޓަރަށް އެނގިލައްވާނެ. ރައީސަށްވެސް އެނގިލައްވަނެ. ކޯޓުތަކަށްވެސް އެނގިލައްވާނެ. ކޯޓުތަކުން ޤާސިމް ދޫކޮށްލަން މިރޭން މިރެއަށް އަމުރުކުރަން ޖެހޭ.
9 އޭޕްރިލް 2017 | އާދީއްތަ 04:11
04:09
ރައްޔިތުންގެ މަޖިލީހުގެ ކިނބިދޫ ދާއިރާގެ މެންބަރު އަދި ޖޭޕީގެ ޑެޕިއުޓީ ލީޑަރު ޢަބްދުﷲ ރިޔާޒް:
ކްރިމިނަލް ކޯޓުގެ ފަނޑިޔާރެއްގެ އަމުރެއް އޮވެގެން ވިޔަސް، ޖުމްހޫރީ ޕާޓީގެ ލީޑަރު ޤާސިމް އިބްރާހިމް ދޫނިދޫގައި ބަހައްޓާފައި އެހުރީ ޤާނޫނާއި ޤަވާއިދާއި ޚިލާފަށް. ފުލުހުންނަށްވެސް މިހާރު އެކަން ވިސްނޭ. އެކަން ހައްލުކުރެވޭނީ ޤާސިމް ދޫކޮށްލައިގެން. އެހެންކަމުން ޤާސިމް މިނިވަން ކުރުމަށް ކޮމިޝަނަރ އޮފް ޕޮލިސްއަށް ގޮވާލަން.
9 އޭޕްރިލް 2017 | އާދީއްތަ 04:09
04:03
ރައްޔިތުންގެ މަޖިލީހުގެ ކިނބިދޫ ދާއިރާގެ މެންބަރު އަދި ޖޭޕީގެ ޑެޕިއުޓީ ލީޑަރު ޢަބްދުﷲ ރިޔާޒް:
ރާއްޖެ އިސްލާހު ކުރުމަށް ސިޔާސީ 4 ލީޑަރުން ފެއްޓެވި މަސައްކަތަށް މަރުޙަބާ ދަންނަވަން. ސިޔާސީ ގޮތުން ބާރުވެރިވާން ހުރިހާ ސިޔާސީ ލީޑަރުންވެސް ބޭނުންވާނެ، ނަމަވެސް ޑިކްޓޭޓަރޝިޕަކަށް ގޮސްފައިވާ މި ޤައުމު ހަމަ މަގަށް އެޅުވުމަށް އެންމެ ފުރަތަމަ ޤައުމު އިސްކުރުމުން ރައީސް ޔާމީނަށް ވަރަށް އުނދަގޫފުޅުވާނެ.
9 އޭޕްރިލް 2017 | އާދީއްތަ 04:03
03:59
ޖޭޕީ ހިތަދޫ ގޮފީގެ ރައީސް ޙުސައިން ސޯލިޙްގެ ވާހަކަފުޅުގައި ވަނީ ރާއްޖޭގައި މިވަގުތު ގޯސްކޮށް ހިނގަމުންދާ ގިނަ ކަންތައްތަކެއް ފާހަގަކުރައްވާފަ. އެގޮތުން މަސްވެރިންނާއި މެދު ސަރުކާރުން ވަރަށް އިހާނެތިކޮށް ކަންކުރާކަން ފާހަގަކުރައްވާ، ސޯލިޙު ވިދާޅުވީ، މަސްކިރުމުގައި މިހާރު އަމަލުކުރަމުން ދަނީ މަސްވެރިން އަލުވެތިކޮށްގެން އަނިޔާކުރާ އުސޫލުން ކަމަށް.
9 އޭޕްރިލް 2017 | އާދީއްތަ 03:59
03:25
ޖޭޕީ ހިތަދޫ ގޮފީގެ ރައީސް ޙުސައިން:
ރައްޔިތުން ނިކަމެތި ކުރުމަށް މި ސަރުކާރުން ކުރެއްވި ފުރަތަމަ ކަމަކީ ރައްޔިތުންގެ ޖީބު ކޮށާލައި ރައްޔިތުން ނިކަމެތިކުރުން. ސަރުކާރުގެ ބޭނުމަކީ ވޯޓަށްވުމުން، ދޭ ފައިސާގައި ހިފަން ރައްޔިތުންނަށް މަޖުބޫރުކުރަން.
9 އޭޕްރިލް 2017 | އާދީއްތަ 03:25
03:21
03:20
03:12
03:11
03:05
03:01
05:00
