ގެއްލިގެން ހޯދަމުން ދިޔަ ހުމައިނާ އަމިއްލައަށް ގެޔަށް އަތުވެއްޖެ
ގެއްލިގެން ހޯދަމުންދިޔައީ 21 އަހަރުގެ އާމިނަތު ހުމައިނާ ޒަކަރިއްޔާ
ގެއްލިގެން ހޯދަމުން ދިޔަ އާމިނަތު ހުމައިނާ ޒަކަރިއްޔާ (21އ)
މާލެއިން ގެއްލިގެން ހޯދަމުން ދިޔަ ޒުވާން އަންހެން ކުއްޖާ ބުރާސްފަތި ދުވަހު މެންދުރުފަހުގެ ވަގުތެއްގައި އަމިއްލަޔަށް ގެޔަށް އަތުވެއްޖެއެވެ.
ގެއްލުނު ކަމަށް ހީކުރެވުނު ކުއްޖާ އަމިއްލައަށް ގެއަށް އައިސްފައިވާ ކަމުގެ މައުލޫމާތު އެ އާއިލާއިން ފުލުހުންނަށް ވަނީ ދީފައެވެ.
ގެއްލިގެން ހޯދަމުން ދިޔައީ މ. ގޯބިލިގަސްދޮށުގެ، އާމިނަތު ހުމައިނާ ޒަކަރިއްޔާ (21އ)އެވެ. އޭނާ ގެއްލިގެން ފުލުހަށް ރިޕޯޓް ކުރުމާއެކު މި މެއި މަހުގެ 10 ވަނަ ދުވަހުގެ މެންދުރު 12:15 އިން ފެށިގެން ހޯދުމުގެ މަސައްކަތް އައީ ކުރަމުންނެވެ.
އާމިނަތު ހުމައިނާ ވީނުވީއެއް ނޭނގި ގެއްލިގެން އާއިލާއިންނާއި ފުލުހުން އޭނާ ހޯދުމުގެ މަސައްކަތް ކުރަމުންދަނިކޮށް އަމިއްލަޔަށް ގެޔަށް އެނބުރި އައި ވާހަކަ އެންގިޔަސް އޭނާ ދިޔަތަނަކާއި ހުރިތަނަކާއި ކުރި ކަމެއްގެ ވާހަކަ ހާމައެއް ނުކުރެއެވެ. ގެޔަށް ނައިސް އަންގާވެސް ނުލައި ހުރީ ކީއްވެގެން ކަމެއްވެސް ހާމައެއް ނުކުރެެއެވެ.
