މި ޕެކޭޖުގައި ހިމެނެނީ ހަނޑޫ، ފުށް، ހިކި ކިރު، މަސް ދަޅު، ބިސް، ބޭކެޑް ބީންސް އަދި ތަރުކާރީ ދަޅު
ސަރުކާރުގެ އިދާރާތަކާއި، ރަށު ކައުންސިލާއި އެހެނިހެން ޖަމިއްޔާތަކުގެ އެހީއާއެކެ އާރކް އެއިޑްގެ ޕްރޮގްރާމްގެ ދަށުން ވަނީ ކާބޯތަކެތީގެ ޕެކޭޖެއް ރައްދުކޮށްދީފައި
ކޮވިޑް-19 ގެ ބަލިމަޑުކަމާ ގުޅިގެން އެޑްވޮކޭޓިންގް ދަ ރައިޓްސް އޮފް ޗިލްޑްރަން (އާރކް) ގެ ހާއްސަ ފްރޮގްރާމް "އާރކް އެއިޑް" ގެ ދަށުން 55 ރަށެއްގައި ދަތި ހާލުގައި ތިބި 1800ށް ވުރެ ގިނަ ކުދިންނަށް އަސާސީ ކާބޯތަކެތީގެ އެހީތެރިކަން ފޯރުކޮށްދީފިއެވެ.
ކޮވިޑް-19ގެ ބަލިމަޑުކަމާ ގުޅިގެން ދައުލަތުން އެޅި އެކިއެކި ސަލާމަތީ ފިޔަވަޅުތަކުގެ ސަބަބުން ދިރިއުޅުމުގެ ހާލަތު ބަދަލުވެ އިޖްތިމާޢީ އަދި އިޤްތިޞާދީ ގޮތުން އައި ގޮންޖެހުންތަކާއެކު ކުޑަކުދިންނަށް ވެސް ވަނީ އެކަމުގެ ނޭދެވޭ އަސަރު ކޮށްފައެވެ.
ބައެއް އާއިލާތަކުގެ މެންބަރުން ވަޒީފާއިން ވަކިކުރުމާއި، އިނާޔަތް ކުޑަކުރުމުގެ ދަތިތަކާ ކުރިމަތިލާއިރު، މާލޭގައި ދިރިއުޅުމުންދިޔަ އަނެއްބައި އާއިލާތަކައް ކުރިމަތިވެފައިވާ ދަތި ހާލުގެ ސަބަބުން އަނބުރާ ރަށަށް ބަދަލުވުމަށް ވަނީ މަޖުބޫރުވެފައެވެ. މިކަމުގެ އެންމެ ނޭދެވޭ އަސަރު ފޯރަމުންދަނީ ކުޑަކުދިންނަށެވެ.
މިފަދަ ހާލަތްތަކާއި ކޮވިޑް-19ގެ ސަބަބުން ދިމާވި އެހެނިހެން އުނދަގޫތައް ކުރިމަތިވެފައިވާ އާއިލާތަކަށް ސަރުކާރުގެ އިދާރާތަކާއި، ރަށު ކައުންސިލާއި އެހެނިހެން ޖަމިއްޔާތަކުގެ އެހީއާއެކެ އާރކް އެއިޑްގެ ޕްރޮގްރާމްގެ ދަށުން ވަނީ ކާބޯތަކެތީގެ ޕެކޭޖެއް ރައްދުކޮށްދީފައެވެ. މި ޕެކޭޖުގައި ހިމެނެނީ ހަނޑޫ، ފުށް، ހިކި ކިރު، މަސް ދަޅު، ބިސް، ބޭކެޑް ބީންސް އަދި ތަރުކާރީ ދަޅެވެ.
އާރކްއިން ބުނީ ޚާއްސަކޮށް މިފަދަ ބަލިމަޑުކަމުގެ ދުވަސްވަރެއްގައި އެއްވެސް ކުއްޖަކީ ކާބޯތަކެތި ލިބުމުގެ އަސާސީ ހައްގުން މަހުރޫމުވެފައިވާ ކުއްޖަކަށް ވެގެން ނުވާނެ ކަމަށެވެ.
އާރކްއިން ބުނީ ކުޑަކުދިންގެ ޙައްގުތައް ކުރިއަރުވާ ހިމާޔަތްކުރުމުގެ މަސައްކަތުގައި އަބަދުވެސް ދެމިހުންނާނެ ކަމަށެވެ.
