އުރީދޫގެ ޚިދުމަތްތައް ޑިޖިޓަލްކޮށް ހޯދުމަށް އިލްތިމާސްކޮށްފި

އުރީދޫ މޯލްޑިވްސްގެ ކަސްޓަމަރ ކެއަރ ޚިދުމަތް ދޭ އުރީދޫ އެކްސްޕީރިއެންސް ސެންޓަރުތައް ބަންދުކޮށް ޑިޖިޓަލް ވަސީލަތްތައް މެދުވެރިކޮށް ޚިދުމަތްތައް ހޯދުމަށް އިލްތިމާސްކޮށްފިއެވެ.

އުރީދޫން ބުނީ ކޮވިޑް-19 ހުއްޓުވުމަކަށް ގެނައުމަށް ކުރެވޭ މަސައްކަތަށް އެއްބާރުލުން ދިނުމުގެ ގޮތުންނާއި، ކަސްޓަމަރުން އަދި މުވައްޒަފުންގެ ރައްކާތެރިކަން މިވަގުތު ކަށަވަރު ކުރުމަށް ޚާއްސަ ފިޔަވަޅުތަކެއް އަޅާފައިވާ ކަމަށެވެ. އެގޮތުން ކަސްޓަމަރ ކެއަރ ޚިދުމަތް ދޭ އުރީދޫ އެކްސްޕީރިއެންސް ސެންޓަރުތައް ބަންދުކޮށް ޑިޖިޓަލް ވަސީލަތްތަކުން ޚިދުމަތްތައް ހޯދުމަށް ވަނީ އިލްތިމާސްކޮށްފައެވެ.

އުރީދޫ އެޕް އަދި ޑިޖިޓަލް ސެންޓަރުތައް މެދުވެރިކޮށް އުރީދޫ ޚިދުމަތްތައް މެދުކެނޑުމެއްނެތި 24 ގަޑިއިރު އޮންލައިންކޮށް ލިބޭނެއެވެ.

އުރީދޫ އެޕް އަދި ޑިޖިޓަލް ސެންޓަރުތައް މެދުވެރިކޮށް ލިބެންނެތް ޚިދުމަތްތަކަށް އެދުމަށްcare@ooredoo.mvށް މެއިލް ކުރުމަށް ވަނީ އެދިފައެވެ.