ކ. މާލެ
|
8 މެއި 2021 | ހޮނިހިރު 17:32
މެލޭޝިއާގެ ވެރިރަށް ކުއާލަލަމްޕޫރު
މެލޭޝިއާގެ ވެރިރަށް ކުއާލަލަމްޕޫރު
ގޫގުލް
ކޮވިޑް-19، މެލޭޝިއާގެ ހާލަތު
މެލޭޝިއާގައި އަޅާފައިވާ ފިޔަވަޅުތައް ވަރުގަދަ ކޮށްފި
 
ފިޔަވަޅުތައް ވަރުގަދަކުރީ ކުއާލަލަމްޕޫރާއި އެރަށާ ގުޅިފައިވާ އަވަށްތަކުގައި

އިންޑިޔާ އިން ފެނުނު ކޮވިޑް-19 ގެ ޑަބަލް މިއުޓަންޓް ވޭރިއަންޓް މެލޭޝިޔާއިން ފެނުމާއި ގުޅިގެން ރައްކާތެރިކަމުގެ ފިޔަވަޅުތައް ވަރުގަދަ ކޮށްފިއެވެ.

މެލޭޝިއާގެ ސިއްހަތާއި ބެހޭ ވުޒާރާއިން ބުނީ ހުކުރު ދުވަހުން ފެށިގެން ދެ ހަފްތާގެ މުއްދަތަށް މެލޭޝިޔާއިން ކޮވިޑާއި ދެކޮޅަށް އަޅާފައިވާ ރައްކާތެރިކަމުގެ ފިޔަވަޅުތައް ވަރުގަދަ ކޮށްފައިވާ ކަމަށެވެ. އޭގެތެރޭގައި އިޖްތިމާއީ އެއްވުންތައް ބޭއްވުމާއި ކެފޭ ރެސްޓޯރެންޓުތަކުގެ އެތެރޭގައި ކައިބޮއި ހެދުން މަނާކުރުމާއި އެއް ސަރަހައްދުން އަނެއް ސަރަހައްދަށް ދަތުރުކުރުން މަނާ ކުރުން ހިމެނެއެވެ. ކެފޭ ރެސްޓޯރެންޓްތަކުން ދެވޭނެ ޚިދުމަތްތަކުގެ ގޮތުގައި ކަނޑައަޅާފައިވަނީ ހަމައެކަނި ޓޭކްއަވޭގެ ޚިދުމަތެވެ.

މެލޭޝިއާގެ ސިއްހަތާއި ބެހޭ ވުޒާރާއިން ބުނީ މިގޮތަށް ފިޔަވަޅުތައް ވަރުގަދަކުރީ ކުއާލަލަމްޕޫރާއި އެ ސިޓީއާ ގުޅިފައިވާ އަވަށްތަކުގައި އެކަނި ކަމަށެވެ. އެކަމަކު ރިޕޯޓްތައް ބުނާ ގޮތުން ސެލަންގޯގެ ގިނަ ސަރަހައްދުތައް ވެސް މިފިޔަވަޅުތަކުގެ ދަށުން ވަނީ ދެ ހަފްތާގެ މުއްދަތަށް ފުރަބަންދުކޮށްފައެވެ.

މެލޭޝިއާއިން ރައްކާތެރިކަމުގެ ފިޔަވަޅުތައް އިތުރަށް ވަރުގަދަ ކުރުމަށް މަސައްކަތް ކުރަމުން އަންނައިރު، އިންޑިއާ ވޭރިއަންޓް ފެނިފައިވާ ގައުމުތައް ކަމަށްވާ ސްރީލަންކާ، ބަންގްލަދޭޝް، ޕާކިސްތާން އަދި ނޭޕާލް މީހުން މެލޭޝިޔާއަށް ވަނުން މަނާ ކުރުމަށް ވެސް އެގައުމުން އަންނަނީ ވިސްނަމުންނެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: އިމާދު ލަތީފް
17%
17%
67%
0%
0%
0%
ކޮމެންޓް