ކ. މާލެ
|
27 އޭޕްރިލް 2021 | އަންގާރަ 21:53
ހިޔާ މަޝްރޫއުގެ ފްލެޓްތައް،
ހިޔާ މަޝްރޫއުގެ ފްލެޓްތައް،
ހައުސިންގް ޑިވެލޮޕްމަންޓް ކޯޕޮރޭޝަން
ހިޔާ ފްލެޓްތަކުގެ ގުރުއަތުލުން
ހިޔާ ފްލެޓްތަކުގެ ގުރުއަތުލުން ނަގާ ގަޑިއަށް ބަދަލު ގެނެސްފި
 
ގުރުއަތު ނަގާނީ އެ ކޯޕަރޭޝަނަށް ލިބިފައިވާ ފްލެޓް ލިސްޓުގައި ހިމެނޭ މީހުންގެ އައިޑީކާޑު ނަންބަރު ތަރުތީބުން
 
ފުރަތަމަ ދަންފަޅި ކުރިއަށްދާނީ ހެނދުނު 9:00ން މެންދުރު 12:00ށް
 
ދެވަނަ ދަންފަޅި މެންދުރުފަހު 12:30ން ހަވީރު 3:15ށް

ހިޔާ ފްލެޓްތަކުގެ ގުރުއަތުލުން ބުދަ ދުވަހު ކުރިއަށްދާއިރު ގުރުއަތު ނަގާ ގަޑިއަށް ބަދަލު ގެނެސްފިއެވެ.

މި ގުރުއަތުލުމަކީ ހިޔާ ފްލެޓުތައް ލިބިފައިވާ މީހުންނަށް ލިބެނީ ކޮން އެޕާރޓްމެންޓެއްތޯ ކަނޑައަޅަން ބާއްވާ ގުރުއަތުލުމެވެ. ޓީވީން ލައިވްކޮށް ދުރަށް ދައްކާ މި ގުރުއަތުލުން ފެންނާނީ ދައުލަތުގެ މީޑިއާ ޕީއެސްއެމް އިންނެވެ.

އެޗްޑީސީން ބުނީ ގުރުއަތުލުން ކުރިއަށްދާނީ 28 އޭޕްރީލްވާ ބުދަ ދުވަހުކަމަށެވެ. އެގޮތުން ފުރަތަމަ ދަންފަޅި ހެނދުނު 9:00ން ފެށިގެން މެންދުރު 12:00ށް އަދި ދެވަނަ ދަންފަޅި މެންދުރުފަހު 12:30ން ފެށިގެން ހަވީރު 3:15ށް ކުރިއަށްދާނެ ކަމަށެވެ.

އެޗްޑީސީން ބުނީ ގުރުއަތު ނަގާނީ އެ ކޯޕަރޭޝަނަށް ލިބިފައިވާ ފްލެޓް ލިސްޓުގައި ހިމެނޭ މީހުންގެ އައިޑީ ކާޑު ނަންބަރު ތަރުތީބުން ކަމަށެވެ. އަދި މި ގުރުއަތުލުން ކުރިއަށްދާ ވަގުތު އެ މީހަކަށް ލިބުނު ފްލެޓް ހުންނަ ޓަވަރާއި ފްލޯރ އަދި އެޕާރޓްމެންޓް އެނގޭގޮތަށް ޓީވީ ސްކްރީނުން ފެންނަން ހުންނާނެކަމަަށް އެޗްޑީސީން ބުނެއެވެ. އެއަށްފަހު ފޯމުގައިވާ އެ މީހެއްގެ ފޯނު ނަމްބަރަށް މެސެޖަކުން މި މައުލޫމާތު ފޮނުވާނެ ކަމަށް އެޗްޑީސީން ބުނެއެވެ.

ފްލެޓް ލިބުނު އެންމެންނަށް ފްލެޓްތައް ހަވާލުކޮށް ނިމެންދެން، ސަރުކާރު ބަންދުނޫން ކޮންމެ ދުވަހަކު ގުރުއަތުލުން ކުރިއަށް ގެންދިޔުމަށްވަނީ ނިންމާފައެވެ.

އެޗްޑީސީން ބުނީ ފްލެޓްތަކުގެ އެގްރީމަންޓުގައި ސޮއިކޮށް، ތަޅުދަނޑިތައް ހަވާލުކުރާނެ ތާރީހެއް ފަހުން އިއުލާން ކުރާނެ ކަމަށެވެ. ހިޔާ ފްލެޓްތައް ލިބެނީ ދޮރާއި ބޮއްކާއި ޓައިލްސް ހަރު ނުކޮށެވެ. އެހެންކަމުން މި ފްލެެޓްތަކުގެ ތަޅުދަނޑި ހަވާލުކުރާ ދުވަހުން ފެށިގެން ތިން މަސް ދުވަސް މި މަސައްކަތް ކުރަން ލިބޭނެކަމަށް ސަރުކާރުންވަނީ ބުނެފައެވެ. މި މުއްދަތުގައި ކުލި ނުނަގާނެ ކަމަށް ސަރުކާރުން އިއުލާނު ކޮށްފައިވާއިރު، ހިޔާ ފްލެޓެއްގެ ކުލި 7000ރ. އަށް ވުރެ ބޮޑު ނުވާނެކަމަށްވެސް ސަރުކާރުން ބުނެފައިވެއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ޒަމްޢަތު އަޙްމަދު ވަހީދު
56%
11%
0%
22%
11%
0%
ކޮމެންޓް
ގުޅުންހުރި