އާންމުކޮށް ހުޅުވާލައިގެން ދެވަނަ ޑޯޒް ޖަހަން ފެށި ފުރަތަމަ ދުވަހު ވެސް 1149 މީހަކަށް ދެވަނަ ޑޯޒް ދީފި
3 އެޕްރީލު 2021 | ހޮނިހިރު 18:14ވެކްސިންގެ ދެ ވަނަ ޑޯޒް ޖެހި މީހުންގެ ޖުމްލަ އަދަދު އުޅެނީ 1721 ގައި
އައްޑޫގައި ކުރިޔަށްދާ ވެކްސިން ދިނުމުގެ ޕްރޮގްރާމްގެ ތެރެއިން
ހޮނިހިރު ދުވަހު މާލެ ސަރަހައްދުގައި ކޮވިޑް-19 ޖަހަން ފެށިއިރު އެދުވަހު 1149 މީހުން ވެކްސިން ޖަހާފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނެފިއެވެ.
އެޗްޕީއޭއިން އާންމުކުރި ތަފާސްހިސާބަށް ބަލާއިރު ވެކްސިންގެ ދެ ވަނަ ޑޯޒް ޖެހި މީހުންގެ ޖުމްލަ އަދަދު އުޅެނީ 1721 ގައެވެ. މިވަގުތު ދެ ވަނަ ޑޯޒް ޖަހަމުން އަންނަނީ މާލެ ސަރަހައްދުގައި އެކަންޏެވެ.
ހޮނިހިރު ދުވަހު ވެކްސިންގެ ފުރަތަމަ ޑޯޒް 2622 މީހަކު ވަނީ ޖަހާފައެވެ. އޭގެތެރެއިން މާލެއިން 409 މީހަކު ވެކްސިން ޖެހިއިރު އަތޮޅުތެރެއިން 2213 މީހަކު ވަނީ ވެކްސިން ޖަހާފައެވެ.
މިއާއެކު ރާއްޖޭގައި ފުރަތަމަ ޑޯޒް ޖެހި މީހުންގެ ޖުމްލަ އަދަދު ވަނީ 243،749ށް އަރާފައެވެ.
ރާއްޖޭގައި ކޮވިޑް ވެކްސިނޭޝަން ޕްރޮގްރާމް ފަށާފައިވަނީ ފެބްރުއަރީ މަހުގެ 1 ވަނަ ދުވަހުއެވެ. އެންމެ ފުރަތަމަ ރާއްޖޭގައި ޖެހީ ކޮވިޝީލްޑް ވެކްސިނެވެ. އެއަށްފަހު މިހާރު ޖަހަމުން އަންނަނީ ސިނޯފަރމް ވެކްސިނެވެ.
