ސ. މަރަދޫ، ސ. މަރަދޫފޭދޫ އަދި ސ. ފޭދޫގެ ނަރުދަމާ މަޝްރޫއުގެ މަސައްކަތް ނިމުމުގެ ރަސްމިއްޔާތު ބާއްވައިފިއެވެ.
ފޭދޫގައި ބޭއްވި މި ރަސްމިއްޔާތުގައި ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދުއާއި، ޕްލޭނިންގް މިނިސްޓްރީގެ އިސްވެރިންނާއި، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ގެ ސީއީއޯ އާދަމް އާޒިމްގެ އިތުރުން ފެނަކަ ކޯޕަރޭޝަން ލިމިޓެޑްގެ މެނޭޖިންގ ޑިރެކްޓަރ އަހުމަދު ސައީދު މުހައްމަދު ބައިވެރިވެ ވަޑައިގެންނެވިއެވެ.
މި މަޝްރޫއޫގެ ދަށުން، 1978 ގެއަށް ހޮޅި ގުޅައިދިނުމާއި، 33,522 ނަރުދަމާ ހޮޅި ވަޅުލުމާއި، 314 މޭންރޯލް ކޮނުމާއި، 8,595 ޕްރެޝަރ ހޮޅި ވަޅުލުމުގެ މަސައްކަތް ވަނީ ކޮށްފައެވެ.
މިނިސްޓްރީ އޮފް އެންވަޔަރަންމަންޓް އެންޑް އެނަރޖީން އެމްޓީސީސީއާއި ހަވާލުކުރި މި މަޝްރޫޢަކީ 129.581 މިލިއަންރުފިޔާގެ މަޝްރޫއެކެވެ. މި މަޝްރޫއުގެ އަމަލީ މަސައްކަތް ނިމުނީ 11 އޮކްޓޯބަރ 2019 ވަނަ ދުވަހުއެވެ.
