ކ. މާލެ
|
29 މާރޗް 2021 | ހޯމަ 16:00
މަޖިލިސް
މަޖިލިސް
ރައްޔިތުންގެ މަޖިލިސް
ފުލުހުންގެ ބޯޑަށް އާންމުންގެ ތެރެއިން ކުރިމަތިލި މީހުންގެ ނަންތައް ދިރާސާކުރުމަށް ކޮމިޓީއަށް ފޮނުވައިފި
 
ފުލުހުންގެ ބޯޑަށް އާންމުންގެ ތެރެއިން 6 މީހަކު ކުރިމަތިލާފައިވޭ

ފުލުހުންގެ ބޯޑަށް އާންމުންގެ ތެރެއިން ކުރިމަތިލި މީހުންގެ ނަންތައް ދިރާސާ ކުރުމަށް ކޮމިޓީއަށް ފޮނުވައިފިއެވެ.

ފުލުހުންގެ ބޯޑަށް އާންމުންގެ ތެރެއިން 6 މީހަކު ކުރިމަތިލާފައިވެއެވެ. ފުލުހުންގެ ޚިދުމަތުގެ ޤާނޫނުގެ ދަށުން އުފައްދާ ބޯޑުގެ މެންބަރުކަމަށް ޢާންމުންގެ ތެރެއިން 2 މެމްބަރަކު ތިއްބަވަން ޖެހެއެވެ. މިހާތަނަށް އާންމުންގެ ތެރެއިން އެބޯޑަށް ކަނޑައެޅުމަށް މަޖިލީހުން ރުހުން ދެއްވާފައިވަނީ ހާމިދު އަބްދުލް ޢަފޫރަށެވެ.

ފުލުހުންގެ ބޯޑަށް އާންމުންގެ ތެރެއިން ކަނޑައަޅާ ދެވަނަ މެންބަރަކު ކަނޑައެޅުމަށް ހުޅުވާލި ފުރުސަތުގައި ކުރިމަތިލާފައިވަނީ:

1. އިބްރާހީމް ތައުފީގް، މޫނިސް މއ. ރިހިވިލާގެ

2. މުހައްމަދު އިމްރާން ޝަރީފް މ. ތަންތަރާ

3. ޝަފާ ޝަރީފް ދެތަނޑިމާގެ، ސ. ހުޅުދޫ

4. އަހްމަދު އުސައިދު ހަސަން، ލަކީ ސްޓާރ، ގދ. ހޯޑެއްދޫ

5. އައިސްތު ރަޝީދު، ކޮކާގެ، ސ. ފޭދޫ

6. ހައްވާ ރީނާ ހަސަން، މ. ދިއްގަލި

މި ނަންތައް ދިރާސަކުރެއްވުމަށްފަހު ވީހާވެސް އަވަހަކަށް މިކަން ސަލާމަތީ ޚިދުމަތްތަކާ ބެހޭ ކޮމިޓީން ނިންމަވައި ދެއްވުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ ޖަލްސާގައި އެދިވަޑައިގެންފައެވެ.

ޕޮލިސް ބޯޑުގެ ނަމުގައި އެކުލަވާލާ އެބޯޑުގައި ހިމެނެނީ ރައީސުލްޖުމްހޫރިއްޔާ ޢައްޔަންކުރާ ދެ މެންބަރުންނާއި، ފަންނީ ދާއިރާއަކުން ތަޢުލީމާއި ތަޖުރިބާ ލިބިފައިވާ ތިން މެންބަރުންނާއި، ޢާންމުކޮށް ހުޅުވާލައިގެން ޢާންމު ރައްޔިތުންގެ ތެރެއިން، ކުރިމަތިލާ 2 މެންބަރުންނެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: ނަހްދާ އާދަމް
100%
0%
0%
0%
0%
0%
ކޮމެންޓް