މަޑުއްވަރީ ބަނދަރުގެ 60 އިންސައްތަ ނިމިއްޖެ
25 މާރިޗު 2021 | ބުރާސްފަތި 04:16އެއްގަމު ތޮށި ލުމަށް ބޭނުންވާ ކޮންކްރީޓް ގައު އެތުރުމުގެ 65 އިންސައްތަ ނިމިފައި
މަޑުއްވަރީ ބަނދަރު
ރ. މަޑުއްވަރީ ދެކުނު ބަނދަރު ތަރައްޤީކުރުމުގެ މަޝްރޫޢުގެ މަސައްކަތުގެ 60 އިންސައްތަ ނިމިއްޖެއެވެ.
އެމްޓީސީސީން ބުނީ މަޑުއްވަރީ ބަނދަރުގެ 60 އިންސައްތަ މަސައްކަތް ނިމިފައިވާއިރު، މިހާރު ކުރިއަށްދަނީ އެއްގަމު ތޮށި ލުމަށް ބޭނުންވާ ކޮންކްރީޓް ގައު އެތުރުމުގެ މަސައްކަތް ކަމަށެވެ. މި މަސައްކަތުގެ ވެސް 65 އިންސައްތަ މިހާރު ނިމިފައިވާ ކަމަށް އެމްޓީސީސީން ބުންޏެވެ.
ޖުމްލަ 68.6 މިލިއަން ރުފިޔާއަށް އެމްޓީސީސީއާ ހަވާލުކުރި މި މަސައްކަތް މޮބިލައިޒް ކޮށްފައިވަނީ 2020 ނޮވެމްބަރ 29 ވަނަ ދުވަހުއެވެ.
މި މި މަޝްރޫއުގެ ދަށުން 7،280 އަކަ މީޓަރުގެ ސަރަހައްދެއްގެ ނެރު ފުންކުރުމާއި 65،520 އަކަ މީޓަރުގެ ސަރަހައްދެއްގެ ފުންކުރުމާއި 411 މީޓަރުގެ ބޭރު ތޮއްޓަކާއި 566 މީޓަރުގެ އެއްގަމު ތޮއްޓެއްލުން ހިމެނެއެވެ.
އޭގެ އިތުރުން 135 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި ނެރު ބައްތި އާއި މަގު ބައްތި ހަރުކުރުމާއި 2،825 އަކަ މީޓަރު ސަރަހައްދެއްގައި ޕޭވްމަންޓް ހެދުން ހިމެނެއެވެ.
