ރާއްޖެ
ކުޅުދުއްފުށީ އެކްސިޑެންޓް
ކުޅުދުއްފުށީގައި ހިނގި އެކްސިޑެންޓުގައި އަނިޔާވި ކުއްޖާ ނިޔާވެއްޖެ
މި އެކްސިޑެންޓު ހިނގައިފައިވަނީ ސައިކަލަކާއި ޕިކަޕެއް ޖެހި
އަތޫފް އާތިފް, ރާއްޖެ އެމްވީ | 23 މާރިޗު 2021 | އަންގާރަ 08:13
ކުޅުދުއްފުށި ސިޓީގައި ސައިކަލަކާއި، ޕިކަޕެއް ޖެހި ހިނގި އެކްސިޑެންޓް
މި މަހުގެ 12 ވަނަ ދުވަހު ކުޅުދުއްފުށީގައި ހިނގި އެކްސިޑެންޓުގައި އަނިޔާވި 17 އަހަރުގެ ކުއްޖާ ނިޔާވެއްޖެއެވެ.
މި އެކްސިޑެންޓު ހިނގައިފައިވަނީ ސައިކަލަކާއި ޕިކަޕެއް ޖެހިއެވެ. މި އެކްސިޑެންޓުގައި އަނިޔާވި ކުއްޖާއަށް ކުޅުދުއްފުށީ ރީޖަނަލް ހޮސްޕިޓަލުން ދެ އޮޕަރޭޝަނެއް ކޮށްފައިވާއިރު، ފުރަތަމަ އޮޕަރޭޝަނާއެކު ކުއްޖާގެ ހާލު ރަނގަޅުވަމުން އައިސްފައިވާ ކަމަށް އެ ހޮސްޕިޓަލުން ބުނެއެވެ. އެހެންނަމަވެސް ހޯމަ ދުވަހު ހާލު ދެރަވުމުން އިތުރު އޮޕަރޭޝަނެއް ވަނީ ކޮށްފައެވެ.
އެ އޮޕަރޭޝަނަށްފަހު އައިސީޔޫގައި ފަރުވާދެމުން ދަނިކޮށް އެ ކުއްޖާ ނިޔާވެފައިވަނީ އަންގާރަ ދުވަހުގެ ފަތިހު 4:50 ހާއިރު ކަމަށް ހޮސްޕިޓަލުން ބުނެއެވެ.
