ލާމަރުކަޒީ ގާނޫނަށް ގެނައި އިސްލާހުގެ ސަބަބުން ކުޅުދުއްފުށި ސިޓީގެ ރައްޔިތުން އެންމެ ބޭނުންވި މަސައްކަތް ވަނީ ހުއްޓިފައި: މޭޔަރު

ރާއްޖެ ދުނިޔެ ކުޅިވަރު ވިޔަފާރި/އިގްތިސާދު ސިއްހަތު ރިޕޯޓު ލައިފް ސްޓައިލް ލުއިޚަބަރު ވާހަކަ ފޮޓޯ

ކ. މާލެ

22 އޯގަސްޓް 2025 | ހުކުރު 13:13

ރާއްޖެޓީވީގެ ޓީވީޓޯކް ޕްރޮގްރާމްގައި ކުޅުދުއްފުށި ސިޓީގެ މޭޔަރު މުހައްމަދު އާތިފް ވާހަކަދައްކަވަނީ

ރާއްޖެއެމްވީ

ކުޅުދުއްފުށި ސިޓީ

ލާމަރުކަޒީ ގާނޫނަށް ގެނައި އިސްލާހުގެ ސަބަބުން ކުޅުދުއްފުށި ސިޓީގެ ރައްޔިތުން އެންމެ ބޭނުންވި މަސައްކަތް ވަނީ ހުއްޓިފައި: މޭޔަރު

މިއަހަރު އެންމެ އިސްކަންދީފައިވަނީ ފަތުރުވެރިކަން ކުރިއެރުވައި ރަށުން ބިން ދޫކުރުން

އިދާރީ މުވައްޒަފުން ކައުންސިލްތަކަށް ނަގަނީ ބަޖެޓު ކޮށްގެން ސިވިލް ސަރވިސް އޮނިގަނޑާ ގަވާއިދުގެ ދަށުން

ސަރުކާރުން ބޭނުންވުމުން އެލްޖީއޭ، އޮޑިޓް އޮފީސް އަދި އޭސީސީން ކައުންސިލްތަކުގެ މައްސަލަތައް ބަލައި ފިޔަވަޅު އަޅާ

އަމްނާ އިމާދު

2,453

މިސަރުކާރުން ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު (ލާމަރުކަޒީ ގާނޫން) އަށް ގެނައި އިސްލާހުގެ ސަބަބުން ކުޅުދުއްފުށި ސިޓީގެ ރައްޔިތުން އެންމެ ބޭނުންވި މަސައްކަތް ހުއްޓިފައިވާ ކަމަށް އެސިޓީގެ މޭޔަރު މުހައްމަދު އާތިފް ވިދާޅުވެއްޖެ އެވެ.

ރާއްޖެޓީވީގެ ޓީވީޓޯކް ޕްރޮގްރާމްގައި އާތިފް ވިދާޅުވީ ކޮންމެ އަހަރެއްގެ މަސައްކަތު ޕްލޭން އެކުލަވާލާ ކަމަށާއި، އެޕްލޭން ރާވައި، އެއަހަރު އެންމެ އިސްކަން ދޭ މަސައްކަތްތައް ކަނޑައަޅަނީ ރައްޔިތުންނާ ބައްދަލުކުރުމަށްފަހު، ރައްޔިތުން ބޭނުންވާ ގޮތަށް ކަމަށެވެ. އަދި ކޮންމެ އަހަރެއްގެ ނޮވެންބަރު މަހު އެ ބައްދަލުވުން ބާއްވާ ކަމަށް އޭނާ ވިދާޅުވި އެވެ.

މިއަހަރު އެންމެ އިސްކަންދީފައިވަނީ ފަތުރުވެރިކަން ކުރިއެރުވުމަށް ރަށުން ބިން ދޫކުރުންކަން ފާހަގަކުރައްވައި އާތިފް ވިދާޅުވީ ބިން ދޫކުރުމުގެ މަސައްކަތް ކުރަމުންދިޔައީ ގަނޫނާ ގަވާއިދާ އެއްގޮތަށް ކަމަށާއި، ބީލަމަށް ހުޅުވާލައިގެން ދެފުށް ފެންނަ ގޮތަށް ކަމަށެވެ. ނަމަވެސް މިސަރުކާރުން ލާމަރުކަޒީ ގާނޫނަށް ގެނައި ބާރުތައް ހަނިކުރި އިސްލާހާއެކު އެމަސައްކަތް ހުއްޓިފައިވާ ކަމަށް އޭނާ ވިދާޅުވި އެވެ.

ކޮންމެ އަހަރެއްގެ ވޯކް ޕްލޭން މިހަދަނީ އަޅުގަނޑުމެން ނޮވެންބަރު މަހުގައި އަޅުގަނޑުމެން ބާއްވާ ބައްދަލުވުމެއްގެ ތެރެއިން ރައްޔިތުން އެންމެ ޕްރޮއެޓައިޒް ކުރާ ކަންތައްތަކެއް އެއަހަރަށް ޖަހައިގެން. އެގޮތުގެ މަތިން މިއަހަރު އަޅުގަނޑުމެން ކުޅުދުއްފުށީގައި އޮންނާނެ ވަރަށް ބޮޑަށް ލޯކަލް ޓޫރިޒަމަށް ކުޅުދުއްފުށި ރެޑީވުމަށް ފައްކާ ކުރުމަށް ބިން ދޫކުރުން ވެސް އެހެން ޚިދުމަތްތައް ވެސް ތަރައްގީ ކުރުން ވެސ، އެކި ފުރުސަތުތައް ހުޅުވުން ވެސް. އެހެންނަމަވެސް އެގެނައި ބަދަލާއެކު މިއަހަރު ރައްޔިތުން އެންމެ ބޮޑަށް ބޭނުންވި ކަންތައް އެ ހުއްޓިގެން ދިޔައީ. ހަމައެއްވެސް ސަބަބަކާ ނުލާ.

ކުޅުދުއްފުށި ސިޓީގެ މޭޔަރު މުހައްމަދު އާތިފް

ކައުންސިލްތަކުން މުވައްޒަފުން ނެގުމާ ގުޅޭގޮތުން އަމަލުކުރާ ގޮތަށް އިޝާރާތް ކުރައްވައި އާތިފް ވިދާޅުވީ ކޮންސަލްޓަންޓުން ހޯދުމަކީ އުދަނގޫ ކަމެއް ކަމަށާއި، އިދާރީ މުވައްޒަފުން ކައުންސިލްތަކަށް ނަގަމުންދަނީ ވެސް ބަޖެޓު ކޮށްގެން ސިވިލް ސަރވިސް އޮނިގަނޑާ ގަވާއިދުގެ ދަށުން ކަމަށެވެ. ނަމަވެސް މާލެސިޓީ ކައުންސިލުގައި މޭޔަރަކަށް ޑރ.މުހައްމަދު މުއިއްޒު ހުންނެވި ދުވަސްވަރު އެކައުންސިލަށް ގިނަ އަދަދެއްގެ ކޮންސަލްޓަންޓުން ނަގާފައިވާ ކަމަށް އޭނާ ވިދާޅުވި އެވެ.

ރާއްޖޭގައި މާލެސިޓީ ކައުންސިލުން އެކަނި ކަންނެންގެ އަނެހެން މާ ބޮޑަށް ފެނިވަޑައިގަންނަވާނީ ކޮންސަލްޓަންޓުގެ ގޮތުގައި މަސައްކަތް ކުރައްވާ ބޭފުޅުން. އެބޭފުޅުންނަށް އެ ނީޑް އޮތީމަ ކަމަށް އަޅުގަނޑަށް ގަބޫލުކުރެވޭ ރައީސް މުއިއްޒު މޭޔަރަކަށް ހުންނެވިއިރު ކަންނެންގެ އެ މަސައްކަތް ފެށިގެންދިޔައީ. ޓެކްނިކަލް މުވައްޒަފުން ހޯދަން އަޅުގަނޑުމެންނަށް ވަރަށް ދަތި ހަގީގަތުގައި މިސިވިލް ސަރވިސްގެ އޮނިގަނޑުގެ ތެރޭގައި ކައުންސިލްތައް ދަރަޖަ ވެސް ކުރެވިފައި މިއޮންނަނީ 4 ވަނަ ދަރަޖާގައި. އޮންނައިރުގައި އަޅުގަނޑުމެންގެ އިދާރާގައި މަސައްކަތް ކުރަން ޓެކްނިކަލް ރަނގަޅު މުވައްޒަފުން ހޯދަން މަސައްކަތް ކުރުމަކީ މިހާރު މިއޮތް ޕޭ ފްރޭމް ވޯކްގެ ތެރެއިން ވަރަށް ދަތިކަމެއް. އެހެންވީމަ މާލެ ސަރަހައްދުން ވަކިން ދަތިވާނެ ކަމަށް އަޅުގަނޑަށް ގަބޫލުކުރެވޭ އެހެންވަޒީފާތައް ހުރީމަ. ކުޅުދުއްފުށީގައި ވެސް އެޗެލެންޖް އެބައޮތް. އެހެންނަމަވެސް އަޅުގަނޑުމެންގެ ބަޖެޓާ މިކަންކަންހުރި ގޮތުން އަޅުގަނޑުމެންނަށް ނެތް މާގިނަ ކޮންސަލްޓެންޓުން ނެގޭކަށް.

ކުޅުދުއްފުށި ސިޓީގެ މޭޔަރު މުހައްމަދު އާތިފް

އާތިފް ވިދާޅުވީ ލާމަރުކަޒީ ގާނޫނަށް އިސްލާހު ގެނެސްފައިވަނީ އެ ބަދަލު ގެންނަން ޖެހިގެން ނޫން ކަަމަށެވެ. އޭގައި އެހެން މަގުސަދުތަކެއްވާ ކަމަށާއި، ކުރިންވެސް ސަރުކާރުން ބޭނުންވުމުން އެލްޖީއޭ، އޮޑިޓް އޮފީސް އަދި އޭސީސީން ކައުންސިލްތަކުގެ މައްސަލަތައް ބަލައި ފިޔަވަޅު އަޅާ ކަމަށް އޭނާ ވިދާޅުވި އެވެ.