ރާއްޖޭގައި ވިޔަފާރި އާއި އިންވެސްޓްމެންޓްގެ ފަހި ފުުރުސަތުތަކެއް އެބައޮތް- ޝާހިދު
19 މާރިޗު 2021 | ހުކުރު 09:17ބަންގްލަދޭޝްއިން ރާއްޖެއަށް އިމްޕޯޓްކުރާ މުދާ އިތުރުކުރުން
ފޮރިން މިނިސްޓަރ އަބްދުﷲ ޝާހިދު
ރާއްޖޭގައި ވިޔަފާރި އާއި އިންވެސްޓްމެންޓްގެ ފަހި ފުުރުސަތުތަކެއް އެބައޮތް ކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.
ރާއްޖެއާ ބަންލަދޭޝްގެ ގުޅިފައިވާ ބަޔާނަށްފަހު ނޫސްވެރިއަކު ކުރި ސުވާލަށް ޖަވާބު ދެއްވަމުން މިނިސްޓަރ ޝާހިދު ވިދާޅުވީ، ރާއްޖެއަކީ އާބާދީގެ ގޮތުން ކުޑަ ގައުމެއް ނަމަވެސް ރާއްޖެއަކީ ކޮންމެ އަހަރަކު ގާތްގަނޑަކަށް 2 މިލިއަނާ ގާތްކުރާވަރަށް ފަތުރުވެރިން އަންނަ ގައުމެއް ކަމުން، ރާއްޖޭގައި ވިޔަފާރި އިންވެސްޓްމެންޓްތައް ކުރިއަށް ގެންދިޔުމުގެ ފުރުސަތު އެބައޮތް ކަމަށެވެ. އަދި ބަންގްލަދޭޝްއިން ރާއްޖެއަށް އިމްޕޯޓްކުރާ މުދާ އިތުރުކުރުމަށްޓަކައި ދެގައުމުގެ ދޭތެރޭގައި ކަނޑުގެ ދަތުރުފަތުރު ކުރުމާ ބެހޭގޮތުން ވެސް މިހާރު މަޝްވަރާ ކުރައްވާފައިވާ ކަމަށެވެ.
ސައްޚަ ލިޔެކިޔުން ނެތި ރާއްޖޭގައި އުޅެމުންދާ ބިދޭސިންގެ ކަންކަން ހަމަޔަކަށް އެޅުވުމުގެ މަސައްކަތްކުރަމުން އަންނަކަން ފާހަގަ ކުރައްވައި މިނިސްޓަރ ވިދާޅުވީ، އެމީހުންގެ ނާޖައިޒު ފައިދާ ނެގުމަކީ އެދޭ ގޮތެއްނޫން ކަމަށެވެ.
