ޕިއްޒާބޯނާގެ ކޭޝް ކައުންޓަރުގައި ބާއްވާފައި އޮތް މޯބައިލް ފޯނެއް ވަގަށް ނެގި މައްސަލާގައި ފުލުހުން މީހަކު ހޯދަނީ
މިމައްސަލައިގެ އިންސިޓެންޑް ނަންބަރަކީ 480632
ފުލުހުން އާންމުކުރި ވީޑިއޯ
ޕިއްޒާބޯނާގެ ކޭޝް ކައުންޓަރުގައި ބާއްވާފައި އޮތް މޯބައިލް ފޯނެއް ވަގަށް ނެގި މައްސަލާގައި ފުލުހުން މީހަކު ހޯދަން އިއުލާން ކޮށްފިއެވެ.
ފުލުހުން ބުނީ މޯބައިލް ފޯނެއް ވަގަށް ނަގާފައިވާ މައްސަލައަކާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް މީހަކު ހޯދަމުންދާ ކަމަށެވެ. އަދި ފުލުހުން ވަނީ އެމީހާގެ ވީޑިއޯ ވެސް އާންމުކޮށްފައެވެ. އެގޮތުން ވީޑިއޯއިން ފެންނަ އެ މީހާ ފޯނު ވަގަށް ނަގާފައިވަނީ މާރޗް 3 ވަނަ ދުވަހުގެރޭގެ ވަގުތެއްގައި ކަމަށް ފުލުހުން ބުންޏެވެ.
ވީމާ އެ މީހާއާބެހޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި މައްސަލައިގެ އިންސިޑެންޓް ނަންބަރު ވިދާޅުވެ، އެ މައުލޫމާތެއް ހިއްސާ ކުރުމަށް ވަނީ އެދިފައެވެ.
މިމައްސަލައިގެ އިންސިޓެންޑް ނަންބަރަކީ 480632 އެވެ.
