މާލޭގައި ހިންގި މާރާމާރީއެއްގައި މީހަކު ޒަޚަމްވެ ފަރުވާދެނީ
15 މާރިޗު 2021 | ހޯމަ 13:22ޒަޚަމްވީ އުމުރުން 27 އަހަރުގެ ދިވެހި ފިރިހެނެއް
މޯލްޑިވްސް ޕޮލިސް ސަރވިސް
މާލޭގައި ހިންގި މާރާމާރީއެއްގައި މީހަކަށް އަނިޔާވެ ފަރުވާދެމުން އަންނަ ކަމަށް ފުލުހުން ބުނެފިއެވެ.
ފުލުހުން ބުނީ ހޯމަ ދުވަހު މެންދުރު 1:00ޖަހާއެހާއިރު، މާލެ ގަލޮޅުގައި ތޫނު އެއްޗެހި ބޭނުންކޮށްގެން ހިންގި މާރާމާރީއެއްގައި އެކަކަށް އަނިޔާވެފައިވާ ކަމަށެވެ. އަނިޔާވީ އުމުރުން 27 އަހަރުގެ ދިވެހި ފިރިހެނަކަށް ކަމަށާއި އެމީހާއަށް އައިޖީއެމްއެޗްގައި ފަރުވާދެމުން އަންނަ ކަމަށެވެ.
އައިޖީއެމްއެޗް އިން ބުނީ، އެމީހާގެ އެކްސްރޭއާއި ސީޓީ ސްކޭންގެ އިތުރަށް ބައެއް އެހެން ސްކޭންތައްވެސް ހަދާފައިވާ ކަމަށެވެ. އެމީހާއަށް ލިބިފައިވާ އަނިޔާތައް އަދި ޔަގީން ނުވާ ކަމަށާއި ހާލު އެހާ ދެރަ ނޫން ކަމަށެވެ.
ފުލުހުން ބުނީ އެ މައްސަލަ މިހާރު ބަލަމުން އަންނަ ކަމަށާއި އެކަމާ ގުޅިގެން އަދި މީހަކު ހައްޔަރުކޮށްފައި ނުވާ ކަމަށެވެ.
އެ މާރާމާރީގެ ވީޑިއޯ ސޯޝަލް މީޑިއާގައި ދައުރުވަމުން އަންނައިރު ވީޑިއޯއިން ފެންނަ ގޮތުގައި ބޮޑު ގްރޫޕަކުން ބަޔަކު ގައިގައި ތަޅާ އަނިޔާކުރާ މަންޒަރު ފެނެއެވެ. އަދި ވަޅިޔާއި އެކި ކަހަލަ ތޫނު އެއްޗެހީގެ އިތުރަށް ދަގަނޑު ބުރި ބުރި ފަދަ ތަކެތިވެސް ބޭނުންކުރާތަން ފެނެއެވެ. އެނގިފައިވާ ގޮތުގައި އެ މާރާމާރީ ހިންގީ ގ. ސެންޓުގެ ކައިރީގައެވެ.
