ބްރޯޑްކޮމްގެ މެންބަރުކަމަށް ކުރިމަތިލުމުގެ ފުރުސަތު ހުޅުވާލައިފި
މި ފުރުސަތު ހުޅުވާލައްވާފައި މިމަހުގެ 22 ވާ ހޯމަ ދުވަހުގެ މެންދުރު 1:30ގެ ނިޔަލަށް
މޯލްޑިވްސް ބްރޯޑްކާސްޓިންގ ކޮމިޝަންގެ އިދާރާ،
މޯލްޑިވްސް ބްރޯޑްކާސްޓިންގ ކޮމިޝަން (ބްރޯޑްކޮމް) ގެ މެންބަރުކަމަށް ކުރިމަތިލުމުގެ ފުރުސަތު ހުޅުވާލައިފިއެވެ.
ރައީސް އޮފީހުން ބުނީ ބްރޯޑްކޮމްގެ މެންބަރެއްގެ މަގާމުގެ މުއްދަތު ހަމަވާތީ އެކޮމިޝަނަށް މެންބަރަކު އައްޔަންކުރުމަށް އެ މަގާމަށް ކުރިމަތިލުމުގެ ފުރުސަތު ބުރާސްފަތި ދުވަހު ހުޅުވާލާފައިވާ ކަމަށެވެ.
މި ފުރުސަތު ހުޅުވާލައްވާފައި ވަނީ ބުރާސްފަތި ދުވަހުން ފެށިގެން މިމަހުގެ 22 ވާ ހޯމަ ދުވަހުގެ މެންދުރު 1:30ގެ ނިޔަލަށެވެ. މި މަގާމަށް ކުރިމަތިލުމަށް އެދޭ ފޯމު ރައީސުލްޖުމްހޫރިއްޔާގެ އޮފީހުގެ ރިސެޕްޝަނުން ލިބެން ހުންނާނެއެވެ. އަދި ރައީސުލްޖުމްހޫރިއްޔާގެ އޮފީހުގެ ވެބްސައިޓުން ވެސް ފޯމް ޑައުންލޯޑް ކުރެވޭނެއެވެ.
ބްރޯޑްކޮމްގައި ހަތް މެމްބަރުން ތިބެންޖެހެއެވެ. އެގޮތުން މި ވަގުތު ކޮމިޝަންގައި ތިއްބެވީ ކޮމިޝަންގެ ރައީސް މަރިޔަމް ވަހީދާ، ނައިބު ރައީސް އަހުމަދު ގައިސް، ކޮމިޝަނަރ އަމްޖަދު ވަހީދު، ކޮމިޝަނަރ އަލީ ޔޫސުފް، ކޮމިޝަނަރ އާމިނަތު އަމީނާ، ކޮމިޝަނަރ އާމިނަތު ސަރާހަތު އިއްޒަތު އަދި ކޮމިޝަނަރ މުހައްމަދު ފަޒީނެވެ.
