ޓްރީ ޓޮޕް ހޮސްޕިޓަލުން ޕީ.ސީ.އާރު ޓެސްޓުގެ އަގު އަނެއްކާވެސް ހެޔޮކޮށްފި

ޓްރީ ޓޮޕް ހޮސްޕިޓަލުން ކޮވިޑް-19 ޕީ.ސީ.އާރް ޓެސްޓު ހެދޭ އަގުތައް ހެޔޮކޮށްފިއެވެ.

ޓްރީ ޓޮޕް ހޮސްޕިޓަލުން ބުނީ ޕިސީއާރް ޓެސްޓު ދިވެހި ރައްޔިތުންނާއި ވާރކް ޕަރމިޓް ގެންގުޅޭ ބިދޭސީންނަށް 699ރ. އަދި ފަތުރުވެރިންނަށް 45 ޑޮލަރަށް ހެދޭނެ ކަމަށެވެ.

ޓްރީ ޓޮޕް ހޮސްޕިޓަލުން ދާދި ފަހުން ވަނީ ކޮވިޑް-19ގެ ޕީ.ސީ.އާރް ޓެސްޓުކުރެވޭ އަދަދު އިތުރުކޮށްފައެވެ. އެގޮތުން ޕީ.ސީ.އާރް ޓެސްޓު ހެދުމަށްފަހު، 12 ގަޑިއިރު ތެރޭ ރިޕޯޓު ލިބުން ވަނީ އަވަސްކޮށްފައެވެ. އަދި ޕީ.ސީ.އާރު ނަތީޖާ އަވަހަށް ބޭނުންވާ ފަރާތްތަކަށް ނަތީޖާ އަވަސްކުރުމުގެ ޕްރިމިއަމް ޚިދުމަތް ލިބޭނެ ކަމަށް ވެސް އެ ހޮސްޕިޓަލުން ވަނީ ބުނެފައެވެ.

އެ ހޮސްޕިޓަލުން މީގެ ކުރިން ޕިސީއާރް ޓެސްޓު ހަދަމުން ދިޔައީ ދިވެހި ރައްޔިތުންނާއި ވާރކް ޕަރމިޓް ބިދޭސީންނަށް 1,149ރ. އަށް އަދި ފަތުރުވެރިންނަށް 1,199ރ އަށެވެ.

ޓްރީ ޓޮޕް ހޮސްޕިޓަލުން ޕީ.ސީ.އާރު ޓެސްޓު ހެއްދުމުގެ ޚިދުމަތް ވަނީ އައުޓް-ޕޭޝަންޓް (އޯ.ޕީ.ޑީ) އަދި އިން-ޕޭޝަންޓް (އައި.ޕީ.ޑީ) އަށް ހުޅުވާލެވިފައިވެއެވެ.