މާރާމާރީއެއްގައި ތޫނުއެއްޗަކުން ހަމަލާދިނުމުގެ ސަބަބުން ބިދޭސީއެއް މަރުވެއްޖެ
މި މައްސަލަ ހޮނިހިރު ދުވަހުގެ ރޭ 03:50 އެހާކަންހާއިރު ފުލުހުންނަށް ރިޕޯޓު ކޮށްފައިވޭ
ތ. ވޭމަންޑޫ ހޮސްޕިޓަލް
ދެ ބިދޭސީންގެ މެދުގައި ހިނގި މާރާމާރީއެއްގައި ތޫނު އެއްޗަކުން ހަމަލާދީ ޒަހަމްކޮށްލި މީހާއަށް ތ. ވޭމަންޑޫ ހޮސްޕިޓަލުގައި ފަރުވާ ދެމުން ދަނިކޮށް މަރުވެފައިވާކަމަށް އެ ހޮސްޕިޓަލުން ބުނެފިއެވެ.
އެންދަމަން އޮތް ދޯންޏެއްގައި ދެ ބިދޭސީންގެ މެދުގައި މާރާމާރީއެއް ހިނގައި އެކެއްގެ ގަޔަށް ތޫނު އެއްޗަކުން ހަމަލާދީފައިވާއިރު މި މައްސަލަ ހޮނިހިރު ދުވަހުގެ ރޭ 03:50 އެހާކަންހާއިރު ފުލުހުންނަށް ރިޕޯޓު ކޮށްފައިވާ ކަމަށް ފުލުހުން ބުނެއެވެ.
މިކަމާއި ގުޅިގެން ޒަހަމްވި މީހާއަށް ފަރުވާ ދިނުމަށް ތ. ވޭމަންޑޫ ހޮސްޕިޓަލަށް ގެންދެވުނު ނަމަވެސް ފަރުވާ ދެމުން ދަނިކޮށް އާދީއްތަ ދުވަހުގެ މެންދުރުކުރި 11:59ގައި އެ މީހާ މަރުވެފައިވާ ކަމަށް އެ ހޮސްޕިޓަލުން ވަނީ މައުލޫމާތު ދީފައެވެ.
މި މައްސަލައާއި ގުޅިގެން ބަންގްލަދޭޝަށް ނިސްބަތްވާ އުމުރުން 42 އަހަރުގެ ފިރިހެނަކު ހައްޔަރު ކޮށް، މި މައްސަލަ ތަހުގީގު ކުރަމުންދާކަމަށް ފުލުހުން ބުނެއެވެ.
