ހޮސްޕިޓަލްއަށް ގެންދިޔައިރު ވެސް ނިޔާވެފައިމީހަކު ކޮވިޑަށް ޕޮޒިޓިވްވެ، ނިޔާވި މީހުންގެ އަދަދު 57އަށް
13 ފެބުރުއަރީ 2021 | ހޮނިހިރު 05:05ގަލޮޅު ގެއެއްގައިވެސް މީހަކު ނިޔާވެފައި އޮއްވާ ފެނުމުން އެމީހާވެސް ވަނީ ކޮވިޑަށް ޓެސްޓްކޮށްފައި
އައިޖީއެމްއެޗް ހޮސްޕިޓަލް - ނިޔާވި މީހާގެ ޓެސްޓްތައް ދަނީ ހަދަމުން
ހޮސްޕިޓަލްއަށް ގެންދިޔައިރުވެސް ނިޔާވެފައިމީހަކު ކޮވިޑަށް ޕޮޒިޓިވްވެ، ޖުމުލަ މި ބަލީގައި ނިޔާވި މީހުންގެ އަދަދު 57ށް އަރައިފިއެވެ.
އެޗް.ޕީ.އޭ.އިން ބުނިގޮތުގައި މި ބަލީގައި ނޔާވީ ޙާލު ބޮޑުވެ އައިޖީއެމްއެޗަށް ގެނައި އުމުރުން 78 އަހަރުގެ ދިވެހި އަންހެނެއް ކަމަށެވެ. މި އަންހެންމީހާ ހޮސްޕިޓަލަށް ގެނައިރު ވެސް ނިޔާވެފައިވާކަމަށް އެޗްޕީއޭއިން ބުނެއެވެ. މިހާރު އޮންނަ އުސޫލުގެ ދަށުން ހޮސްޕިޓަލަށް ގެންނަ ކޮންމެ މީހަކު ވެސް ކޮވިޑަށް ޓެސްޓްކުރާއިރު، ހުކުރު ދުވަހުގެ ރޭ 08:12 އެހާކެއްހާއިރު އައިޖީއެމްއެޗަށް ގެނައި މި މީހާ ކޮވިޑް ޖެހިފައިވޭތޯ ވަނީ ޓެސްޓްކޮށްފައެވެ. މި ޓެސްޓްގެ ނަތީޖާ ހޮނިހިރު ދުވަހު ލިބިފައިވާއިރު، ނަތީޖާ ޕޮޒިޓިވްވެފައިވާކަމަށް އެޗްޕީއޭއިން ހާމަކުރެއެވެ. މިއާއެކު މި މީހާއަކީ ރާއްޖޭގައި މި ބަލީގައި ނިޔާވި 57 ވަނަ މީހާއެވެ.
ހޮސްޕިޓަލްއަށް ގެންދިޔައިރު ވެސް ނިޔާވެފައިމީހަކު ކޮވިޑަށް ޕޮޒިޓިވްވެފައިވާއިރު، ހޮސްޕިޓަލްއަށް ގެންދިޔައިރު ވެސް ނިޔާވެފައިމީހަކު ކޮވިޑަށް ޕޮޒިޓިވްވެފައިވާއިރު، ގަލޮޅުގައި ހުރި ގެއެއްގައި ދުވަސްވީ މީހަކު ނިޔާވެފައި އޮއްވާ ފެބުރުއަރީ 2 ވަނަ ދުވަހުގެ ރޭ ވަނީ ފެނިފައެވެ.
ފުލުހުން ބުނީ ގަލޮޅު ގެއެއްގައި ނިޔާވެފައި އޮއްވާ ފެނުނީ 61 އަހަރުގެ ދިވެހި ފިރިހެނެއް ކަމަށެވެ. އޭނާ ނިޔާވެފައި އޮތް ކަމުގެ މައުލޫމާތު ފުލުހުންނަށް ލިބުނީ ހުކުރު ދުވަހުގެ ރޭ 10:43 ހާއިރު ކަމަށް ފުލުހުން ބުނެއެވެ. އަދި އެހާދިސާއާ ގުޅިގެން ބަލަން ޖެހޭ ކަންކަން ބަލަމުންދާ ކަމަށްވެސް ފުލުހުން ވަނީ ބުނެފައެވެ. ނިޔާވެފައި އޮއްވާ ފެނުނު މީހާ ނިޔާވެފައި ވަނީ ގުދުރަތީ މަރަކުން ކަމެއް ނުވަތަ އެނޫން ގޮތަކަށް ކަމެއް އަދި ސާފެއްނުވެއެވެ. މި މީހާވެސް ކޮވިޑަށް ޓެސްޓްކޮށްފައިވާއިރު، މިމީހާގެ ސާމްޕަލްގެ ނަތީޖާއެއް އެޗްޕީއޭއިން ހާމަކޮށްފައެއް ނުވެއެވެ.
ކޮވިޑް-19ގެ ކޭސްތައް އިތުރުވަމުންދާ ދަނޑިވަޅުގައި، އުމުރުން ދުވަސްވީ މީހުން މިބަލީގައި ނިޔާވާ މިންވަރު މިވަނީ އިތުރުވާން ފަށާފައެވެ. މިއީ މިއަހަރު ފެށުނުފަހުން މިބަލީގައި ރާއްޖެއިން ނިޔާވި 9 ވަނަ މީހާއެވެ. ރާއްޖޭގައި މި ބަލީގައި ނިޔާވި މީހުންގެ ޢަދަދު 57ށް އަރާފައިވާއިރު، އޭގެ ތެރޭގަިއ ހިމެނެނީ 49 ދިވެހިންނާއި 8 ބިދޭސީންނެވެ.
ރާއްޖޭގައި ކޮވިޑް-19ގެ ޙާލަތު އަނެއްކާ ވެސް ގޯސްވާން ފަށާފައިވާއިރު، މިއީ މިބަލީގެ ތިންވަނަ ރާޅުކަމަށް އެޗްއީއޯސީއިން ހާމަކުރެއެވެ. މި ބަލީގައި ޕޮޒިޓިވްވާ މީހުންގެ ޢަދަދު ދުވަހުން ދުވަހަށް ދަނީ އިތުރުވަމުންނެވެ. އެގޮތުން ރާއްޖޭގައި މިހާތަނަށް 17،000ށް ވުރެ ގިނަ މީހުންނަށް ވަނީ މި ބަލިޖެހިފައެވެ. އޭގެ ތެރެއިން 2000ށް ވުރެ ގިނަ މީހުންނަށް ދަނީ ފަރުވާ ދެމުންނެވެ. އަދި ހޮސްޕިޓަލްތަކުގައި އެޑްމިޓްކޮށްގެން 200ށް ވުރެ ގިނަ މީހުންނަށް މިވަގުތުވެސް ދަނީ ފަރުވާ ދެމުންނެވެ.
ރާއްޖެއިން މިހާރު ފެންނަމުންދާ ކޮވިޑް ކޭސްތަކަށް ބަލާއިރު، މިއީ މިހާތަނަށް ރާއްޖެއަށް ކުރިމަތިވި އެންމެ ނުރައްކާތެރި ކޮވިޑް-19 ވޭވްކަމަށް ހެލްތް އިމަރޖެންސީ އޮޕަރޭޝަންސް ސެންޓަރ (އެޗްއީއޯސީ) ގެ ތަރުޖަމާނު ޑޮކްޓަރ ނަޒްލާ ރަފީޤު ވަނީ ވިދާޅުވެފައެވެ. ޑރ ނަޒްލާ ވަނީ ރާއްޖެ އޮތީ "ކްރިޓިކަލް" ޙާލަތެއްގައިކަން ބަޔާން ކުރައްވާފައެވެ. އަދި ވައިރަސް ކޮންޓްރޯލް ކުރުމުގައި އެއްބާރުލުން ދެއްވުމަށް އިލްތިމާސް ކުރައްވަމުން ޑރ ނަޒްލާ ވަނީ އިހަށް ނުވި ރައްކަލެއް ފަހުން ނުވެވޭނެކަން ހަނދުމަ ކޮށްދީފައެވެ.
