އައްޑޫ ސިޓީގައި ނުރައްކާތެރި އެކްސިޑެންޓެއް ހިނގައި ތިން މީހަކަށް އަނިޔާވެއްޖެއެވެ.
ފުލުހުން ބުނީ އައްޑޫ ސިޓީ ހިތަދޫގައި ބޮޑު މަގުގައި ދުއްވާފައި ދިޔަ ސައިކަލެއް އޯވަރ ޓޭކްކުރަން އުޅުމުގެ ތެރޭގައި ޖެހި އެކްސިޑެންޓެއް ވެފައިވާކަމުގެ މައުލޫމާތު ހުކުރު ދުވަހުގެ 11:30 އެހާކަންހާއިރު ލިބިފައިވާ ކަމަށެވެ.
ފުލުހުން ބުނީ މިއެކްސިޑެންޓްގައި ތިން މީހަކަށް އަނިޔާވެފައިވާ ކަމަށެވެ. އެއީ ސައިކަލުގައި ދުއްވަން އިން ބަންގްލަދޭޝް ފިރިހެން މީހާގެ އިތުރުން އަނެއް ސައިކަލު ދުއްވަން އިން ދިވެހި ފިރިހެނަކާއި ފަހަތުގައި އިން ދިވެހި އަންހެން މީހާއަށް ކަަމަށް ފުލުހުން ބުނެއެވެ.
މީގެ އިތުރުން ފުލުހުން ބުނީ މިއެކްސިޑެންޓްގައި ހިމެނޭ ދެ ސައިކަލު ވެސް ދުއްވާފައިވަނީ އެ ކެޓަގަރީގައިގެ އުޅަނދު ދުއްވުމުގެ ލައިސެންސް ނޯންނަ ދެމީހުން ކަމަށެވެ.
މިތިން މީހުންނަށް ލިބުނު އަނިޔާގެ ތަފްސީލް އަދި ވަނީ ލިބޭ ގޮތް ނުވެފައެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
