ވެކްސިން ޖެހި މީހުންގެ އަދަދު 20،000ށް އަރައިފި
10 ފެބުރުއަރީ 2021 | ބުދަ 17:36މިއަދު ވެކްސިން ޖެހީ 3،910 މީހުން
ޝުރުފާ މުހައްމަދު | 10 ފެބުރުއަރީ 2021 | ބުދަ 17:36
ރާއްޖޭގައި ވެކްސިން ޖެހުން
މުޅި ރާއްޖެއިން ކޮވިޑް-19ގެ ދިފާއުގައި ވެކްސިން ޖެހި މީހުންގެ ޖުމްލަ އަދަދު 20،00ށް އަރައިފިއެވެ.
އެޗްޕީއޭއިން އާންމުކުރި ތަފާސްހިސާބުތައް ދައްކާގޮތުން މިއަދު ވެކްސިން ޖެހި 3،910 މީހުންނާއެކު މުޅި ރާއްޖެއިން ވެކްސިން ޖެހި މީހުންގެ ޖުމްލަ ވަނީ 20،161ށް އަަރާފައެވެ.
މިއަދު ވެކްސިން ޖެހި މީހުންގެ ތެރެއިން 3،235 މީހުންނަކީ މާލެ ސަރަހައްދުން ވެކްސިން ޖެހި މީހުންނެވެ. އަދި 625 މީހުންނަކީ އަތޮޅުތެރެއިން ވެކްސިން ޖެހި މީހުންނެވެ.
މުޅި ރާއްޖެއިން ވެކްސިން ޖެހި މީހުންގެ އަދަދު 20،106ށް އަރާފައިވާއިރު އޭގެ ތެރެއިން 16،703 މީހުންނަކީ މާލެ ސަރަހައްދުން ވެކްސިން ޖެހި މީހުންނެވެ. އަދި 3،458 މީހުން ވެކްސިން ޖެހީ އަތޮޅުތެރެއިންނެވެ.
ރާއްޖޭގައި ވެކްސިން ޖަހަން ފަށާފައި ވަނީ މިމަހު އެކެއްގައެވެ.
