ކ. މާލެ
|
8 ފެބްރުއަރީ 2021 | ހޯމަ 15:49
ހަންގޭރީގެ ބުޑަޕެސްޓުގައި ހުންނަ ޕުސްކަސް އެރީނާ
ހަންގޭރީގެ ބުޑަޕެސްޓުގައި ހުންނަ ޕުސްކަސް އެރީނާ
ގެޓީ އިމޭޖަސް
ލައިޕްޒީގާއި ލިވަޕޫލުގެ މެޗު
ލައިޕްޒީގާއި ލިވަޕޫލުގެ މެޗު ހަންގޭރީއަށް ބަދަލުކޮށްފި
 
މި މެޗު ކުޅޭނީ ޕުސްކަސް އެރީނާގައި މި މަހުގެ 17 ވަނަ ދުވަހު
 
ކޮވިޑް-19 ގެ އުސޫލުތަކާ ގުޅިގެން މި މެޗު ޖަރުމަނުގައި ނުކުޅެވުނު

ޔުއެފާ ޗެމްޕިއަންސް ލީގުގެ ދެވަނަ ބުރުގެ ފުރަތަމަ ލެގުގައި އާރްބީ ލައިޕްޒީގާއި ލިވަޕޫލް ބައްދަލުކުރަން އޮތް މެޗު ޖަރުމަނުގައި ކުޅެވޭނެ ގޮތް ނުވުމުން، އެ މެޗު ހަންގޭރީގެ ބުޑަޕެސްޓުގައި ކުޅެން ނިންމައިފިއެވެ.

ޗެމްޕިއަންސް ލީގުގެ ދެވަނަ ބުރުގެ ފުރަތަމަ ލެގުގައި ލައިޕްޒީގާއި ލިވަޕޫލް ބައްދަލުކުރާއިރު، މި މެޗު ކުޅުމަށް މީގެ ކުރިން ތާވަލުކޮށްފައި އޮތީ މި މަހުގެ 17 ވަނަ ދުވަހު ޖަރުމަނުގައެވެ. އަދި ދެވަނަ ލެގު އިންގްލެންޑުގައި ކުޅޭނީ އަންނަ މާޗު މަހުގެ 11 ވަނަ ދުވަހުއެވެ.

ޖަރުމަނުގައި ކުޅެން އޮތް މެޗު އެ ގައުމުގައި ކުޅެވޭ ގޮތް ނުވީ ކޮވިޑް-19 އާ ގުޅިގެން ކަނޑައަޅާފައިވާ އުސޫލުތަކާ ގުޅިގެންނެވެ. އެގޮތުން ކޮވިޑުގެ އައު ވޭރިއަންޓުގެ ނުރައްކާ ބޮޑުވުމާ ގުޅިގެން ޖަރުމަނު ސަރުކާރުން އެންމެ ފަހުން އެޅި ފިޔަވަޅުތަކުގެ ތެރޭގައި އިންގްލެންޑް ހިމެނޭ ގޮތަށް އެކި ގައުމުތަކުން އަންނަ މީހުންނަށް ޖަރުމަނަށް އެތެރެނުވެވޭ ގޮތަށް ވަނީ ކަނޑައަޅާފައެވެ. އެހެންކަމުން މި މެޗު ޖަރުމަނުގައި ނުކުޅެވޭނެކަން އެ ގައުމުގެ ސަރުކާރުން މީގެ ކުރިން ލައިޕްޒީގުގެ އޮފިޝަލުންނަށް އަންގާފައެވެ.

އެއާއެކު ލައިޕްޒީގުން ވަނީ މި މެޗު ހަންގޭރީގެ ބުޑަޕެސްޓުގައި ހުންނަ ޕުސްކަސް އެރީނާގައި ކުޅުމަށްޓަކައި ހަންގޭރިއަން ފުޓްބޯލް ފެޑެރޭޝަން އަދި ޔުއެފާއާއެކު މަޝްވަރާތައް ފަށާފައެވެ. އަދި އެ ދަނޑުގައި މި މެޗު ކުޅެން އާދީއްތަ ދުވަހުގެރޭ ނިންމީ ޔުއެފާއިން އެކަމަށް އެއްބަސްވުމުންނެވެ.

ކޮވިޑާ ގުޅިގެން ޗެމްޕިއަންސް ލީގުގެ މެޗުތަކަށް ބުރޫ އަރާނެ ކަމަށް ބެލެވޭއިރު، ޗެމްޕިއަންސް ލީގުގެ ދެވަނަ ބުރުގެ ކުޅުން ފެށުމަށް ތާވަލުކޮށްފައިވަނީ މި މަހުގެ 17 ވަނަ ދުވަހުއެވެ. އަދި މި ސީޒަނުގެ ޗެމްޕިއަންސް ލީގުގެ ފައިނަލް މެޗު އޮންނާނީ މެއި މަހުގެ 29 ވަނަ ދުވަހު ތުރުކީގެ އިސްތަންބޫލުގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސައިން ފަރިޔާޒް
50%
50%
0%
0%
0%
0%
ކޮމެންޓް