742 މީހެއްގެ ގަޔަށް ވެކްސިން ޖެހިއިރު، މިއަދު އެކަނިވެސް 121 މީހަކު ޕޮޒިޓިވްވެފައިވޭ
ރާއްޖެއިން ހުއްދަދީ ބޭނުން ކުރަމުންދާ ވެކްސިނަކީ ކޮވިޝީލްޑް ވެކްސިން
ކޮވިޑް-19 ރޭންޑަމް ސާމްޕަލް ނަގަނިކޮށް
ރާއްޖެއިން ކޮވިޑް-19 އަށް އިތުރު 102 މީހުން ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ(އެޗްޕީއޭ)ން ބުނެފިއެވެ.
އެޗްޕީއޭއިން އެންމެ ފަހުން ނެރުނު ތަފާސް ހިސާބުތައް ދައްކާ ގޮތުން އަންގާރަ ދުވަހުގެ ހަވީރު 06:00ން ފެށިގެން ބުދަ ދުވަހުގެ ހަވީރު 06:00 އާއި ހަމައަށް 3،197 މީހެއް ބައްޔަށް ޓެސްޓު ކޮށްފައިވާއިރު އޭގެ ތެރެއިން 121 މީހަކު ވަނީ ޕޮޒިޓިވްވެފައެވެ.
އެޗްޕީއޭއިން ބުނީ ޕޮޒިޓިވްވި މީހުންގެ ތެރެއިން 102 މީހުން ޕޮޒިޓިވްވެފައިވަނީ މާލެ ސަރަހައްދުން ކަމަށާއި، އަތޮޅުތެރެއިން ޕޮޒިޓިވްވެފައިވަނީ 4 މީހަކު ކަމަށެވެ. އަދި ރިސޯޓުތަކުން 15 މީހަކު ވެސް ޕޮޒިޓިވްވެފައިވާކަމަށް އެޗްޕީއޭއިން ބުނެއެވެ.
މީގެ އިތުރުން 742 މީހަކަށް ބުދަ ދުވަހު ވެކްސިން ޖަހާފައިވާކަމަށް އެޗްޕީއޭއިން ވަނީ ބުނެފައެވެ. އެއީ މާލެ ސަރަހައްދުން 643 މީހަކާއި އަތޮޅުތެރެއިން 99 މީހަކަށެވެ. އެއާއިއެކު ރާއްޖެއިން ވެކްސިން ޖެހި މީހުންގެ އަދަދު ވަނީ 1،578ށް އަރާފައެވެ. އޭގެ ތެރެއިން 1،309 މީހުންނަކީ މާލެ ސަރަހައްދުން ވެކްސިން ޖެހި މީހުންނެވެ. އަދި އަތޮޅުތެރެއިން 269 މީހަކު ވަނީ ވެކްސިން ޖަހާފައެވެ.
ބުދަ ދުވަހު އިތުރު 121 މީހަކު ކޮވިޑަށް ޕޮޒިޓިވްވުމާއިއެކު ޕޮޒިޓިވްވި މީހުންގެ އަދަދު ވަނީ 16،276ށް އަރައިފައެވެ. އެކްޓިވް ކޭސްގެ އަދަދު 1،879ށް އަރާފައިވާއިރު ރާއްޖެއިން މިބަލީގައި މިހާތަނަށް 53 މީހުން ނިޔާވެފައިވެފައެވެ. އަދި 14،337 މީހަކުވަނީ ބަލިން ފަސޭހަވެފައެވެ.
