މަޑިފުށިން އެމްޑީޕީ ޓީމަށް ހޫނު މަރުހަބާއެއް ކިޔައިފި
30 އެޕްރީލު 2017 | އާދީއްތަ 16:34އެމްޑީޕީގެ ބޮޑު ޖަލްސާ މިރޭ އޮންނާނެ
ދިޔަމިގިލިން މަރުހަބާ ކިޔުން
ލޯކަލް ކައުންސިލް އިންތިހާބުގައި ކެމްޕެއިން ހަރަކާތްތައް ކުރިއަށް ގެންދިއުމަށް ތ.މަޑިފުއްޓަށް އެމްޑީޕީން ޒިޔާރަތް ކުރުމުން ހޫނު މަރުހަބާއެއް ކިޔައިފި އެވެ.
އާދިއްތަ ދުވަހު ހަވީރު ކެމްޕެއިން ޓީމް މަޑިފުއްޓަށް ދިޔުމުން އެރަށުން މަރުހަބާ ކިޔާފައިވަނީ ކައުންސިލް އިންތިހާބަށް ކުރިމަތިލާފައިވާ ކެންޑިޑޭޓުންނާއި އެމްޑީޕީއަށް ތާއީދު ކުރާ މީހުންނެ އެވެ.
މަޑިފުށީގައި އެމްޑީޕީގެ ބޮޑު ޖަލްސާއެއް މިރޭ ބާއްވާއިރު މިޖަލްސާގައި ކެންޑިޑޭޓުން ތަޢާރަފްކޮށް އެރުވުން އޮންނާނެ އެވެ. އަދި މިޖަލްސާގައި ވީހާވެސް ގިނަ މީހުން ބައިވެރިވުމަށް އެމްޑީޕީން އެދިވަޑައިގަންނަވައެވެ.
އެމްޑީޕީން މިއަދު ވަނީ ދިޔަމިގިލީ ރައްޔިތުންނާއި ބައްދަލުކޮށް ކެމްޕެއިން ހަރަކާތްތައް ކުރިއަށްގެންގޮސްފައެވެ. އަދި ކައުންސިލަރުން ވެސް ކެމްޕެއިން ހަރަކާތްތައް ވަރުގަދަކޮށް އެމްޑީޕީން މި އިންތިހާބު ކާމިޔާބު ކުރުމަށް އެމްޑީޕީގެ ޓީމުން ވަނީ އިލްތިމާސްކޮށްފައެވެ.
ތ.އަތޮޅަށް ކުރަމުންދާ މިދަތުރުގައި މާދަމާވެސް އަތޮޅުގެ އެހެނިހެން ރަށްރަށަށް ޒިޔާރަތް ކުރުމަށްވަނީ ހަމަޖެހިފައެވެ.
ތ.އަތޮޅުގައި ކެމްޕެއިން ހަރަކާތްތައް ވަރުގަދަކޮށް ތަފާތު ގިނަ ހަރަކާތްތައް ދަނީ ހިންގަމުންނެއެވެ.
