ހިބަރު ދޯނީގައި ރޯވި އަލިފާން ނިއްވުމުގައި އެމް.އެން.ޑީ.އެފް.އިން ހަރަކާތްތެރިވެއްޖެ
މި ހާދިސާ ރިޕޯޓް ކޮށްފައިވަނީ ބުރާސްފަތި ދުވަހުގެރޭ 10:30 ހާއިރު
އެމްއެންޑީއެފް ކޯސްޓު ގާރޑް އުޅަނދެއް ކަނޑުމަތީގައި ހަރަކާތްތެރިވަމުން ދަނިކޮށް
ހިބަރު ދޯނީގެ އިންޖީނު ރޫމުގައި ރޯވި އަލިފާން ނިއްވުމުގައި މޯލްޑިވްސް ނެޝަނަލް ޑިފެންސް ފޯރސް (އެމްއެންޑީއެފް)އިން ހަރަކާތްތެރިވެއްޖެއެވެ.
އެމްއެންޑީއެފްއިން ބުނީ ގދ. އަމާރީ ހޮވައްޑާއިން ފުރައިގެން މާލެ ދަތުރުކުރަމުން އައި ހިބަރު ސަޕްލައި ދޯނީގެ އިންޖީނު ރޫމުގައި އަލިފާން ރޯވެގެން ބުރާސްފަތި ދުވަހުގެރޭ 10:30 ހާއިރު ރިޕޯޓުކޮށްފައިވާ ކަމަށާއި، އެއާއިއެކު އެމްއެންޑީއެފްގެ ސެންޓްރަލް އޭރިއާ ސީޖީ ސްކޮޑްރަން އިން ހަރަކާތްތެރިވާން ފެށި ކަމަށެވެ.
އެމް.އެން.ޑީ.އެފް.އިން ބުނީ މިހާދިސާ ހިނގާފައިވަނީ ލ. އަތޮޅު އިރުން 38 ނޮޓިކަލް މޭލު ބޭރުން ކަމަށާއި، ހާދިސާ ހިނގި ވަގުތު ހަ މީހުން ދޯނީގައި ތިބި ކަމަށެވެ. އެއީ ދެ ދިވެހިންނާއި ހަތަރު ބިދޭސީ ފަޅުވެރިން ކަމަށް އެމްއެންޑީއެފްއިން ބުނެއެވެ.
އެމްއެންޑީއެފްއިން ބުނީ މި ހާދިސާގައި އެއްވެސް މީހަކަށް ގެއްލުންވެފައި ނުވާ ކަމަށެވެ.
