މަމެން ޑޭޓާ އެޑް އޮން ޕެކޭޖުތަކުން 15 އިންސައްތަ ޑިސްކައުންޓް

ދިރާގުން މަމެން ޑޭޓާ އެޑް-އޮން ޕެކޭޖުތަކުން ހާއްސަ ޕްރޮމޯޝަނެއް ފަށައިފިއެވެ.

މި ޕްރޮމޯޝަންގެ ދަށުން %15 ޑިސްކައުންޓް 20 މާރޗް 2021 އާ ހަމައަށް ޑޭޓާ އެޑް އޮން ޕެކޭޖުތަކުން ލިބިގެން ދާނެކަމަށް ދިރާގުން ބުނެއެވެ.

ޑޭޓާ އެޑް-އޮން ޕެކޭޖު ނަގަން ބޭނުންވާ ކަސްޓަމަރުން މަމެން އެޕްލިކޭޝަން މެދުވެރިކޮށް "އެޑް-އޮންސް" ޓެބުން ލިބެން ހުންނަ އެޑް-އޮން ޕެކޭޖުތައް ބަލާލެވޭނެއެވެ.

ޕެކޭޖްތަކުގެ އަދަދު ދައްކާފައި ހުންނާނީ "އާރބީ" އިންނެވެ. އަދި ޕެކޭޖް ގަތުމާއެކު "އާރބީ"ގެ ބެލެންސުން ކެނޑިގެން ދާނެއެވެ. ހުރިހާ ކަސްޓަމަރުންވެސް އެޑްއޮން ޕެކޭޖުގަތުމުގެ ކުރިން އެކައުންޓް ބެލެންސް ނުވަތަ ބާކީ ޗެކް ކުރުމަށް ދިރާގުން ވަނީ އިލްތިމާސް ކޮށްފައެވެ. އެގޮތުން އެކައުންޓްގެ ބާކީ ބެލުމަށް މަމެން މޮބައިލް އެޕް ނުވަތަ 727 އަށް އެސް.އެމް.އެސް ކޮށްގެން ނުވަތަ *142# އަށް ގުޅާލައިގެން ބަލާލެވޭނެއެވެ.

ދިރާގުން ވަނީ ހާއްސަ ޑޭޓާ އެޑްއޮން ޕެކޭޖްތަކެއް މިދިޔަ އަހަރު ޑިސެމްބަރ މަހުގެތެރޭގައި ތައާރަފްކޮށްފައެވެ. މި ޕެކޭޖުތަކަކީ ޗެޓް، ސޯޝަލް މީޑިއާ އަދި ސްޓްރީމިންގ ގެ ބޭނުންތަކަށް ހާއްސަ ކޮށްގެން ފަރުމާ ކޮށްފައިވާ ޕެކޭޖުތަކެކެވެ. ކަސްޓަމަރުންނަށް 7 ދުވަހާއި 15 ދުވަހާއި އަދި 30 ދުވަހުގެ މުއްދަތު ހިމެނޭ އެޑް-އޮން ނެގޭނެއެވެ.

ދިރާގު މަމެންއަކީ ޒުވާނުންނަށް އަމާޒު ކޮށްގެން ތައާރަފުކުރި އެމީހަކު ބޭނުންވާ ގޮތަށް ޑޭޓާ، ވޮއިސް އަދި އެސްއެމްއެސް އަމިއްލައަށް ކަނޑައެޅޭގޮތަށް އުފެއްދި އިންގިލާބީ މޯބައިލް ޕްލޭނެކެވެ.

މި މޮބައިލް ޕްލޭންއަކީ ޒުވާނުންގެ މެދުގައި މަޤުބޫލު ޕްލޭނެކެވެ.