ލަންކާގައި ވެސް މާދަމާ ވެކްސިން ޖަހަން ފަށަނީ
28 ޖެނުއަރީ 2021 | ބުރާސްފަތި 08:53ލަންކާގެ 6 ހޮސްޕިޓަލެއްގައި ވެކްސިން ދިނުމުގެ ކަންކަން ވަނީ ހަމަޖެހިފައި
ސްރީލަންކާއަށް ވެކްސިން ގެނެސް، ވެކްސިން ދިނުމުގެ ތައްޔާރީތައް ވަނީ
އިންޑިއާގެ ސިރަމް އިންސްޓިޓިއުޓް އޮފް އިންޑިއާއިން އުފެއްދި ކޮވިޝީލްޑް ވެކްސިން ސްރީލަންކާގައި މާދަމާ ޖަހަން ފަށާނެ ކަމަށް އެގައުމުން ބުނެފިއެވެ.
އިންޑިއާއިން ވަނީ ކޮވިޝީލްޑް ވެކްސިންގެ ފަސްލައްކަ ޑޯޒް ލަންކާއަށް ފޮނުވާފައެވެ. ޚާއްޞަ ފުލައިޓެއްގައި ވެކްސިން އެ ގައުމަށް ގެނެސްފައިވާ އިރު، އެ ފުލައިޓް ލަންކާއަށް ގޮސްފައިވަނީ ބުރާސްފަތި ދުވަހުގެ މެންދުރުގެ ވަގުތެއްގައެވެ. ލަންކާގެ ހެލްތް މިނިސްޓްރީން ބުނީ ވެކްސިންދިނުމުގެ ޕްރޮގްރާމް ލަންކާގެ ވެރިރަށް ކޮލޮމްބޯގެ 6 ހޮސްޕިޓަލެއްގައި ކުރިއަށްދާނެ ކަމަށެވެ.
ލަންކާގެ ހެލްތް މިނިސްޓްރީން ބުނީ ވެކްސިން ފުރަތަމަދޭން ނިންމާފައިވަނީ އެ 6 ހޮސްޕިޓަލުގެ މުވައްޒަފުންނަށް ކަމަށެވެ. މުވައްޒަފުން ހަމަޖައްސާފައިވަނީ ކޮލަމްބޯ ނެޝަނަލް ހޮސްޕިޓަލް، ކޮލަމްބޯ ސައުތް ޓީޗިންގ ހޮސްޕިޓަލް، ކޮލަމްބޯ ނޯތް ޓީޗިންގ ހޮސްޕިޓަލް، ހޮމަގާމާ ބޭސް ހޮސްޕިޓަލް، ކޮލަމްބޯ އީސްޓް ބޭސް ހޮސްޕިޓަލް އަދި އަގޯޑާގައި ހުންނަނެޝަނަލް އިންސްޓިޓިއުޓް އޮފް އިންފެކްޝިއަސް ޑިސީސް ހިމެނެއެވެ.
މި ހޮސްޕިޓަލްތަކުގެ 25 އިންސައްތަ މުވައްޒަފުންނަށް ވެކްސިން ދެވޭނެ ކަމަށް ލަންކާގެ ހެލްތް މިނިސްޓްރީން ބުނެއެވެ.
