ފާއިތުވި 24 ގަޑިއިރު މާލެއިން އެކަނި 93 މީހުން ޕޮޒިޓިވްވެއްޖެ
26 ޖެނުއަރީ 2021 | އަންގާރަ 17:37ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ އަދަދު ވަނީ 15،247ށް އަރާފައި
މީހުން އެއްވެ އުޅޭ މާހައުލުތަކުގައި ހުން ބަލަނީ
ފާއިތުވި 24 ގަޑިއިރު މާލެއިން އެކަނިވެސް 93 މީހުން ކޮވިޑް-19ށް ޕޮޒިޓިވްވެފައި ވާކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނެފިއެވެ.
އެޗްޕީއޭއިން އާއްމު ކޮށްފައިވާ ތަފާސްހިސާބުތައް ދައްކާގޮތުން ހޯމަ ދުވަހުގެ އިރުއޮއްސި 6:00ން އަންގާރަ ދުވަހުގެ އިރުއޮއްސި 6:00 އާއި ހަމައަށް 145 މީހަކު ވަނީ ކޮވިޑް-19ށް ޕޮޒިޓިވްވެފައެވެ.
މީގެތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 93 މީހަކާއި އަތޮޅުތެރޭގެ ރަށްތަކުން ޕޮޒިޓިވްވި 14 މީހަކާއި، ރިސޯޓުތަކުން ޕޮޒިޓިވްވި 36 މީހެއްގެ އިތުރުން ސަފާރީ އަދި ޔޮޓްތަކުން ޕޮޒިޓިވްވި 2 މީހެކެވެ. މިއާއިއެކު ރާއްޖެއިން ބައްޔަށް ޕޮޒިޓިވްވި މީހުންގެ ޖުމްލަ އަދަދު ވަނީ 15،247ށް އަރާފައެވެ.
ފާއިތުވި 24 ގަޑިއިރު ޖުމްލަ 3،338 ސާމްޕަލް ނަގާފައިވާއިރު ނެގިފައިވާ ޖުމްލަ ސާމްޕަލްގެ އަދަދު ވަނީ 3،94،278ށް އަރާފައެވެ.
މީގެ އިތުރުން އެކްޓިވް ކޭސްތަކުގެ އަދަދު 1،273ށް އަރާފައިވާއިރު މިހާތަނަށް 13،916 މީހަކު ވަނީ މި ބަލިން ފަސޭހަވެފައެވެ. ރާއްޖެއިން ކޮވިޑް-19 ޖެހިގެން ނިޔާވެފައިވަނީ 51 މީހުންނެވެ.
ރާއްޖޭގައި ކޮވިޑް-19ގެ ކޭސްތައް ފެންނަމުންދާ މިންވަރު އަނެއްކާވެސް އިތުރުވާން ފަށާފައިވާއިރު ރާއްޖޭގައި ވެކްސިންޖެހުމަށް ވާންޖެހޭ ތައްޔާރީތައް ކަމާބެހޭ އިދާރާތަކުން އަންނަނީ ވަމުންނެވެ.
އެގޮތުން ވެކްސިން ޖެހުމަށް ރަޖިސްޓްރީވާން ހުޅުވާފައިވާ ޕޯޓަލްގައި ދުވާލަކަށް 1،000އެއްހާ މީހުން ރަޖިސްޓަރވަމުން ދާކަމަށް ހެލްތް އިމަރޖެންސީ އޮޕަރޭޝަންސް ސެންޓަރ (އެޗްއީއޯސީ) ގެ ތަރުޖަމާނު ޑޮކްޓަރ ނަޒްލާ ރަފީޤުވަނީ ވިދާޅުވެފައެވެ.
