އއ. އަތޮޅުގައި ހިންގަމުން އަންނަ ވެލިގަނޑު އައިލެންޑް ރިސޯޓުގައި ހިނގި އަލިފާނުގެ ހާދިސާއެއްގައި، އަލިފާން ރޯވި ކޮޓަރި ބޭނުން ނުކުރެވޭ ވަރަށް އަނދާ ހުލިވެފައިވާ ކަމަށް އެމްއެންޑީއެފް އިން ބުނެފިއެވެ.
އެމްއެންޑީއެފުން ބުނީ، މި ހާދިސާ ހިނގައިިގެން ރިޕޯޓްކޮށްފައި ވަނީ ހޯމަ ދުވަހުގެ މެންދުރު 14:15 ހާއިރު ކަމަށާއި މި ހާދިސާ ހިނގަން މެދުވެރިވެފައި ވަނީ ކަރަންޓް ސޯޓެއް ވެގެން ކަމަށެވެ.
މި ހާދިސާގައި މީހަކަށް އަނިޔާ ވެފައި ނުވާއިރު، ރޯވި އަލިފާންގަނޑު ނިއްވާލާފައި ވަނީ ރިސޯޓުގެ މުވައްޒަފުން ކުރި މަސައްކަތުންނެވެ.
މިފަހަކަށް އައިސް ރާއްޖޭގެ ރިސޯޓުތަކުގައި އަލިފާނުގެ ހާދިސާ ހިނގުން ވަނީ އިތުރުފައެވެ. އަދި މިފަދަ ހާދިސާތަކުގައި މީހުންނަށާއި ތަކެއްޗަށް އަންނަނީ އެކިވަރުގެ އަނިޔާތަކާއި ގެއްލުންތައް ލިބެމުންނެވެ.
