އެޗްއާރްސީއެމުން ބަލަމުންދާ މައްސަލައަކާ ގުޅިގެން ދެ މީހަކު ހޯދަނީ
ގުޅޭނެ ގޮތެއް އެނގޭނަމަ ކޮމިޝަނާ އެ މައުލޫމާތު ހިއްސާ ކުރުމަށް އެދިފައިވޭ
އެޗްއާރްސީއެމް - ގިނަ މައްސަލަތަކެއް ހުށަހެޅުނު ނަމަވެސް، މައްސަލަތައް އެކަށީގެންވާ ސްޕީޑެއްގައި ކުރިއަށް ނުދާކަމުގެ ޝަކުވާތައް ގިނަ
ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް) އިން ބަލަމުންދާ މައްސަލައަކާ ގުޅިގެން ދެ މީހަކު ހޯދުމަށް އެ ކޮމިޝަނުން އިއުލާންކޮށްފިއެވެ.
ބުދަ ދުވަހު އެޗްއާރްސީއެމުން ނެރުނު އިއުލާނެއްގައި ބުނީ، އެ ކޮމިޝަނުން ބަލަމުންދާ މައްސަލައަކާ ގުޅިގެން ދެ މީހެއްގެ މައުލޫމާތު ބޭނުންވާ ކަމަށެވެ. އެގޮތުން މއ. ގްރީންވިލް، އަޙްމަދު އިލްހާޒާއި، ދަފްތަރު ނަމްބަރު 856، މުޙައްމަދު ޔާމީނާ ގުޅޭނެ ގޮތެއް އެނގޭނަމަ، ކޮމިޝަނާ އެ މައުލޫމާތު ހިއްސާކުރުމަށް ވަނީ އެދިފައެވެ.
އަދި އެ ފަރާތްތަކުން އަމިއްލައަށްވެސް ކޮމިޝަނުގެ ހިލޭ ގުޅޭ ނަމްބަރު 1424 ށް ގުޅުމަށް އިއުލާނުގައި އެދިފައިވެއެވެ.
އެޗްއާރްސީއެމުގެ ތަހުގީގުތައް ލަސްވާ ވާހަކަ އާއި، އެ ކޮމިޝަނަށް ހުށަހެޅޭ މައްސަލަތައް ކުރިއަށްނުދާ ވާހަކައަކީ ގިނަ ދުވަސްތަކެއް ވަންދެން ރައްޔިތުން ދައްކަމުން ގެންދާ ވާހަކައެކެވެ. އެކަމުގެ ޝަކުވާތައް ރައްޔިތުންގެ މަޖިލީހުގެ ކަމާގުޅޭ ކޮމިޓީތަކަށްވެސް ހުށަހެޅިފައިވާއިރު، މަޖިލީހުގެ ގިނަ މެމްބަރުންވެސް އެކަމުގެ ކަންބޮޑުވުންތައް ފާޅުކޮށްފައިވެއެވެ.
