އަދާލަތު ޕާޓީގެ ރައީސާއި ނައިބް ރައީސް ހޮވުމަށް ބާއްވާ އިންތިޚާބުގައި ވާދަކުރުމުގެ ފުރުސަތު ހުޅުވާލައިފި
2 ޖެނުއަރީ 2021 | ހޮނިހިރު 13:209 ޖަނަވަރީ 2021 ވަނަ ދުވަހު 14:00 ގެ ކުރިން ފޯމް ހުށަހަޅަން ޖެހޭ
އަދާލަތު ޕާޓީގެ މެމްބަރުން ކުރިއަށް ގެންދިޔަ ބައްދަލުވުމެއްގެ ތެރެއިން
އަދާލަތު ޕާޓީގެ ރައީސާއި ނައިބް ރައީސް ހޮވުމަށް ބާއްވާ ރިޔާސީ އިންތިޚާބަށް ކުރިމަތިލުމުގެ ފުރުސަތު ހުޅުވާލައިފިއެވެ.
އަދާލަތު ޕާޓީން ބުނީ އެޕާޓީގެ ދުސްތޫރުގެ 41.1 ވަނަ މާއްދާގެ (ށ) އަދި 41.3 ވަނަ މާއްދާގެ (ނ) ގެ ނަންބަރުގެ ދަށުން، ޕާޓީގެ 3 ވަނަ ދައުރަށް ޕާޓީގެ ރައީސާއި ނައިބު ރައީސް ހޮވުމަށް ބާއްވާ އަދާލަތު ޕާޓީގެ ރިޔާސީ އިންތިޚާބު 23 ޖަނަވަރީ 2021 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ކަމަށެވެ.
އެގޮތުން އެޕާޓީގެ ރިޔާސީ އިންތިޚާބުގައި ވާދަކުރުމަށް ބޭނުންވާ ފަރާތްތަކުން އެކަމަށް ޚާއްސަ ފޯމާއި ފޯމާއެކު ހުށައަޅަންޖެހޭ ލިޔެކިޔުން 9 ޖަނަވަރީ 2021 ވަނަ ދުވަހު 14:00 ގެ ކުރިން ޕާޓީގެ މައި އޮފީހަށް ހުށަހެޅުމަށް އަދާލަތު ޕާޓީން ވަނީ އެދިފައެވެ.
އަދާލަތު ޕާޓީގެ ރިޔާސީ އިންތިޚާބަށް ކުރިމަތިލުމަށް އެދޭ ފޯމް މިލިންކްhttp://bit.ly/3rgzPzGcoމިލިންކުން ލިބޭނެއެވެ. އަދި އަދާލަތު ޕާޓީގެ ރިޔާސީ އިންތިޚާބަށް ކުރިމަތިލާ މީހުންގެ ކުށުގެ ރިކޯޑް ބެލުމަށް އެދޭ ފޯމްhttp://bit.ly/2WZfVmfމިލިންކު ލިބޭނެ އެވެ.
އިންތިޚާބްތަކާއި ގުޅޭގޮތުން އެއްވެސް މައުލޫމާތެއް ސާފުކުރަން އެދޭނަމަ އަދާލަތު ޕާޓީގެ މައި އިދާރާގެ ނަންބަރު 3342671 އަށް ގުޅުމަށް ނުވަތަ admin@adhaalath.org.mv އަށް އީމެއިލް ކުރުމަށް ވަނީ އެދިފައެވެ.
