ޓާޓާ އިން އެއަރ އޭޝިއާގެ 33 އިންސައްތަ ހިއްސާ އިތުރަށް ގަންނަނީ
31 ޑިސެމްބަރު 2020 | ބުރާސްފަތި 02:40ގާތްގަނޑަކަށް 38 މިލިއަން އެމެރިކާ ޑޮލަރު އިންވެސްޓް ކުރުމަށް ވަނީ ނިންމާފައި
އެއަރ އޭޝިއާ ފްލައިޓެއް
ޓާޓާ ގްރޫޕުން އެއަރ އޭޝިއާގެ 33 އިންސައްތަ ހިއްސާ އިތުރަށް ގަންނަން ނިންމައިފިއެވެ.
އިންޑިއާގައި ޤާއިމުކޮށްފައިވާ އެއަރ އޭޝިއާގެ ޖޮއިންޓް ވެންޗަރ ކުންފުނީގެ 51 އިންސައްތަ ހިއްސާ މިހާރު ވެސް ޓާޓާ ގްރޫޕުން ގަނެފައިވާއިރު މިހާރު ހިއްސާ އިތުރު ކުރުމަށް ހަމަޖެހިފައިވަނީ ޖުމްލަ 84 އިންސައްތަ އަށެވެ.
މި ހިއްސާ ގަތުމަށްޓަކައި ޓާޓާ އިން ވަނީ ގާތްގަނޑަކަށް 38 މިލިއަން އެމެރިކާ ޑޮލަރު އިންވެސްޓް ކުރުމަށް ވަނީ ނިންމާފައެވެ.
އެއަރ އޭޝިއާ ހިންގަމުން އަންނަނީ މޭލެޝިއާގެ މުއްސަނދި މީހެއް ކަމަށްވާ ޓޮނީ ފެނާންޑޭޒްއެވެ. ކޮވިޑާއި ގުޅިގެން އެއަރ އޭޝިއާގެ އޮޕަރޭޝަންތަކަށް ވެސް ވަނީ ބުރޫއު އަރާފައެވެ.
ޓާޓާ ގްރޫޕުން އެއަރ އޭޝިއާގެ ހިއްސާ އިތުރު ކުރުމަށް ނިންމާފައިވާއިރު އެ ކުންފުނިން ވަނީ އެއަރ އިންޑިއާ ގަތުމަށް ވެސް ބިޑް ހުށަހަޅާފައެވެ.
އިންޑިއާގައި އެއަރ އޭޝިއާގެ ޖޮއިންޓް ވެންޗަރ ކުންފުނީގެ މަސައްކަތް ފަށާފައިވަނީ 2014 ވަނަ އަހަރުއެވެ.
