ކޮވިޑް-19ގެ ނުރައްކަލުން ސަލާމަތްނުވާ ކަމަށާއި، ނިއު ނޯރމަލްއާ އެއްގޮތަށް އައު އަހަރު ފާހަގަކުރާ ފަރާތްތަކުން އަމަލުތައް ބެހެއްޓުމަށް އިލްތިމާސްކޮށްފިއެވެ.

އާދިއްތަ ދުވަހުގެ ރޭ ހެލްތް އިމަރޖެންސީ އޮޕަރޭޝަންސް ސެންޓަރު (އެޗްއީއޯސީ)ން ބޭއްވި ނޫސްވެރިންގެ ބައްދަލުވުމުގައި ހެލްތު މިނިސްޓްރީގެ ޗެއަރޕަރސަން އޮފް ސްޓިއަރިންގ ކޮމިޓީ ފޯރ ކޮވިޑް ވެކްސިން، ޑރ. ޝާހު އަބްދުﷲ މާހިރު ވިދާޅުވީ 2021 ވަނަ އަހަރު ފާހަގަކުރުމަށް ވަރަށް ގިނަ ފަރާތްތައް ތައްޔާރުވަމުންދާ ކަމަށެވެ.

ޑރ.ޝާހު ވިދާޅުވީ އައު އަހަރު ފާހަގަކުރުމުގައި ވެސް ނިއު ނޯރމަލްއާ އެއްގޮތަށް އަމަލުކުރުމުކީ ވަރަށް މުހިންމު ކަމެއް ކަމަށާއި، ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ގައިޑްލައިންތަކާއި އެއްގޮތަށް ޕާޓީތަކުގެ އިންތިޒާމްތައް ހަމަޖައްސަން ޖެހޭ ކަމަށެވެ.

ޑރ.ޝާހު ވިދާޅުވީ މާސްކް އެޅުމާއި، އަތް ސާފުކޮށް ބެހެއްޓުމާއި ތިން ފޫޓުގެ ގައިދުރުކަން ބެހެއްޓުމަކީ ބަލިން ރައްކާތެރިވުމަށްޓަކައި އެޅޭނެ އެންމެ މުހިންމު ތިން ފިޔަވަޅު ކަމަށެވެ. އެހެންކަމުން އައު އަހަރު ފާހަގަކުރުމުގައި ބާއްވާ ޕާޓީތަކުގައި ވެސް އެކަންކަން ހަނދާން ކޮށްދިނުމަށް ޑރ.ޝާހު ވަނީ އިލްތިމާސްކޮށްފައެވެ. އަދި ވިދާޅުވީ ކެއުމުގެ އިންތިޒާމްތައް ހަމަޖައްސާއިރު ބުފޭތައް ބެހެއްޓުމުގެ ބަދަލުގައި ވަކިވަކި މޭޒަށް އެސަރވިސް ދިނުން ވަރަށް މުހިންމު ކަމަށެވެ.

ކޮވިޑް-19ގެ ނުރައްކާ ކުޑަނުވާކަން ފާހަގަކުރައްވައި ޑރ.ޝާހު ވިދާޅުވީ ވައިރަސްގެ އައު ވޭރިއެންޓެއް ފެނިފައިވާ ދުވަސްވަރެއްގައި އިތުރަށް ސަމާލުވާން ޖެހޭ ކަމަށެވެ. އަދި ވެކްސިންއެއް ލިބެންދެން ނިއު ނޯރމަލްއާ އެއްގޮތަށް ދިރިއުޅުމުގެ އެންމެހައި ކަންކަން އިންތިޒާމް ކުރަންޖެހޭ ކަމަށެވެ.

ކޮވިޑް-19ގެ ނުރައްކާ ކުޑަނުވާކަން ފާހަގަކުރައްވައި ޑރ.ޝާހު ވިދާޅުވީ ވައިރަސްގެ އައު ވޭރިއެންޓެއް ފެނިފައިވާ ދުވަސްވަރެއްގައި އިތުރަށް ސަމާލުވާން ޖެހޭ ކަމަށެވެ. އަދި ވެކްސިންއެއް ލިބެންދެން ނިއު ނޯރމަލްއާ އެއްގޮތަށް ދިރިއުޅުމުގެ އެންމެހައި ކަންކަން އިންތިޒާމް ކުރަންޖެހޭ ކަމަށެވެ.