މި އަހަރު ޝަރަފުވެރިކަމުގެ ގައުމީ އިނާމު 14 ބޭފުޅަކަށް އަދި ހިތްވަރު ދިނުމުގެ ގައުމީ އިނާމު 24 ބޭފުޅަކަށް ދެއްވައިފިއެވެ.
މިއިނާމުތައް ދެއްވެވީ އެއްބައިވަންތަކަމުގެ ދުވަހުގެ މުނާސަބަތާއި ދިވެހި ދައުލަތުން ދެއްވާ އެކިއެކި އިނާމުތައް ދެއްވުމަށް ހޮނިހިރު ދުވަހުގެ ރޭ ޖުމްހޫރީ މައިދާނުގައި ބޭއްވެވި ޚާއްސަ ރަސްމިއްޔާތުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހެވެ.
ޝަރަފު ޝަރަފުވެރިކަމުގެ ޤައުމީ އިނާމު ލިބިވަޑައިގެންނެވި ބޭފުޅުން:
- ގ. ފެއިތް ޑރ ނާއިލާ އިބްރާހިމް
- ހ. ގަދަމޫ އަހުމަދު ސަލީމް
- މއ. ކޮޕީގެ މުހައްމަދު ރަޝީދު
- ހައްދުންމަތީ މާވަށު މާޒީ އަބްދުލް އަޒީޒް ޖަމާލު އަބޫބަކުރު
- އަލްމަރުހޫމް މުހައްމަދު ވަހީދު
- ގ. ކަލާވެހި އިބްރާހިމް ވަހީދު ( އޮގަރު)
- ގ. އާސަމް އަދުނާން އަލީ
- ށ. މަރޮށި އައްސޭރި މުހައްމަދު ވަހީދު
- ހ. ދުނި މަރިޔަމް ވަހީދު
- ހ. ނޫމާގެ މުއުމިނާ އިބްރާހިމް
- ގދ. ތިނަދޫ ކުދިމާވިލާ މުހައްމަދު ސައީދު
- ގ. އުދުރުވާގެ ހުސެއިން ރަޝީދު ހަސަން
- ހ. ސީވިޑް އަހުމަދު ލަތީފް
- ވިޝުއަލް އަރޓްސްގެ ދާއިރާއިން މުހައްމަދު މަނިކް
ހިތްވަރު ދިނުމުގެ ޤައުމީ އިނާމު ލިބިވަޑައިގެންނެވި ބޭފުޅުން:
- ކ. ކާށިދޫ ޝަބްނަމްގެ މައުސޫމް ސަލީމް
- ރ. އަލިފުށި، ފަލާހީ ޝަރަފުއްދީން އަލީ
- ގ. ޒަމާނީ ގުލްޝަން އަބްދުﷲ އިމާދު
- ބ. ކެންދޫ އެއްގަމުގޭ ޑރ ސައުދުﷲ އަލީ
- ނ. ކުޑަފަރި ރޭނުގޭ ޑރ އަޝްރަފް އަބްދުއްރަހީމް
- ނ. މަނަދޫ ރަތްވިލާގެ މުހައްމަދު ތޯރިގު
- މއ. މާވަރު ހަސަން މުހައްމަދު
- ގ. ނިލަންދޫ ޑރ ޖުމައިލާ ބޭގަމް
- ސ. ހުޅުދޫ ކުއްޅަވަށްގޭ ޑރ މުހައްމަދު ސޯލިހު
- މ. އޯލްސްޓާރ ޑރ މުހައްމަދު ޝާފިޢު
- މއ. ކިނާރާ ހައުސް މައީދު މުހައްމަދު ޒާހިރު
- ގދ. ތިނަދޫ ފަތިސް ސައުދުﷲ ހިލްމީ
- ވ. ނޯޗާންސް މުހައްމަދު މާޒީން
- ރ. ކަނދޮޅުދޫ އައިރިސްގެ ހަސަން ހުސެއިންފުޅު
- މ. ވޭލްޝާކް ޝީޒާ އިމާދު
- ހއ. ކެލާ ފެހިވިލާގެ އަލީ ޝައްމާނު
- ހ. މާކަރީ ހައުސް އަލީ ހުޝްރުވާން (ކުޑަ އައްޔަ)
- ރ. ރަސްމާދޫ ނެދުންގެ އަބްދުﷲ އަރީފް
- ގ. އޮއިވާލި އިބްރާހިމް ހުސެއިން
- ހ. ރުމޭނިއާ ސުޖާއު ސަލީމް
- ހ. ފެއަރީ ޕެލެސް ޔޫސުފް އަޒީމް
- ގ. ކޫލްގްރާސް އަލީ ނިޝާން
- ހ. ފްލެޝް ހުސެން އިހްފާލް
- ދ. ރިނބުދޫ ކުންނާރުގެ އަލީ ރަޝީދު
ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 10ގެ ސަނަދެއް ހާސިލު ކުރުމުގައި ފާހަގަކޮށްލެވޭ ކާމިޔާބީއެއް ހާސިލްކުރައްވައިގެން ރައީސުލްޖުމްހޫރިއްޔާ ދެއްވާ މެޑެލް ހާސިލު ކުރައްވާފައިވަނީ މއ. އަމީނީވިލާ ޑރ ނައުޝާދު މުހައްމަދެއެވެ.
މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ޚާއްސަ އިނާމު ލިބިވަޑައިގެންނެވި ފަރާތްތައް:
- މއ. ހުދުއާނު މަރިޔަމް އަނާ
- ހއ. އިހަވަންދޫ ކުދިމާގެ އަލީ ސުޒޭން
- ގ. އޮނުހިރި މުންޝިދާ އިބްރާހިމް
- މ. ކޮކާވިލާ އުޒްމާ އަބްދުއްލަތީފް
- ރ. އަލިފުށި ވެނީލާގެ އަހުމަދު ފިޒާލް
- މ. ލުނާވަ މަރިޔަމް ނަޒާހާ
- ސ. ފޭދޫ ކަރަންކާވިލާ މަރިޔަމް މޫނިސާ ހުސެއިން
- އއ. ފެރިދޫ ދިލާސާގެ އާމިނަތު ރަޝްފާ
- މއ. ރޯޒްއެކެއް އާމިނަތު އީމާން އަބްދުލްޣަފޫރް
- ރ. ރަސްގެތީމް ކަނީރްހިޔާ ފާތިމަތު މިޒްނާ
- ނ. ކުޑަފަރީ ވާދީ އައިޝަތު ލަމްހާ ހުސެއިން ރަމީޒް
- ޅ. ކުރެންދޫ ތަރި ހަސަން ސާމިލް
- ގ. ކިސޫމޫ އަމާނީ އަޓިއަނޯ އޮނިޔަންގޯ
ބައިނަލްއަގުވާމީ މުބާރާތްތަކުން ނުވަތަ މިނޫން ވެސް ބައިނަލްއަގުވާމީ މިންކުރުމަކުން އެންމެމަތީ ވަނަ ހޯއްދެވި ފަރާތްތައް:
- މ. މުލައް ފެހިވާދީ ސިފްނާ އިބްރާހިމް
- ހ. އަރުއްލިލީ މިޝްކާ އަފްރާހް ހަސަން
- މ. ނޫރާނީގެ ހުސެއިން ޒަޔާން ޝަހީދު ޒަކީ
- ދަފްތަރު ރ.ސ 4843 ފާތިމަތު ނަބާހާ އަބްދުއްރައްޒާގް
- ދަފްތަރު ރ.ސ 4844 ފާތިމަތު ނަބީހާ އަބްދުއްރައްޒާގް
- ކ. ގާފަރު ނިޔަމި ހަސަން ސާއިދު
ކީރިތި ގުރުއާން ހިތުދަސްކޮށް 1 ވަނަ ދަރަޖައިގައި ފާސްވެގެން ރައީސުލްޖުމްހޫރިއްޔާ ދެއްވާ ޚާއްސަ މެޑެލް ހާސިލްކުރެއްވި ހާފިޒުން
- މއ. ހެބޫދޫގެ އައިޝަތު ރަފާހު އަލީ
- ޅ. ނައިފަރު ވިންޓަރގްރީން ނަވާރު ފިރާގު މުހައްމަދުފުޅު
- ދ.ކުޑަހުވަދޫ ޝަބްނަމީގެ އަހުމަދު ޒައުލް
ގައުމީ އިނާމަށް ބޭފުޅުން ހޮއްވެވީ، އެކަމަށްޓަކައި ރައީސުލްޖުމްހޫރިއްޔާ އެކުލަވައިލެއްވި ގައުމީ އިނާމާބެހޭ ކޮމިޓީއިންނެވެ. ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި 14 ބޭފުޅުންގެ ތެރެއިން 6 ބޭފުޅުންނަކީ، މީގެކުރިން ހިތްވަރު ދިނުމުގެ ގައުމީ އިނާމު ލިބިވަޑައިގެންފައިވާ ބޭފުޅުންނެވެ.
ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސުލްޖުމްހޫރިއްޔާ ދެއްވާފައިވަނީ، ޝަރަފުގެ އައްޑަނައާއި ޝަރަފުގެ ބެޖެވެ. ހިތްވަރު ދިނުމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސް ސޯލިހު ދެއްވީ، ހަނދާނީ ފިލާއެކެވެ.
