އެމްސީއެސްއާ ގުޅިގެން ޔޫއެންއޯޑީސީ އިން ހިންގި ތިން ޓްރޭނިންގ ޕްރޮގްރާމް ކާމިޔާބު ކަމާއިއެކު ނިންމާލައިފި
24 ޑިސެމްބަރު 2020 | ބުރާސްފަތި 23:41ޤައިދީން ރިހެބިލިޓޭޓްކޮށް މުޖްތަމައުއަށް ނެރުމުގެ ޒިންމާ އަދާކުރެއްވުމުގައި ޕްރިޒަން އޮފިސަރުން ކުރަމުންގެންދާ މަސައްކަތްތަކަށް، މި ތަމްރީނަކީ މުހިންމު ތަމްރީނެއް
ޕްރިޒަން އޮފިސަރުންނަށް ހިންގި ތިން ޓްރޭނިންގ ޕްރޮގްރާމް ނިންމާލުމުގެ ރަސްމިއްޔާތުގެ ތެރެއިން، މި ރަސްމިއްޔާތު ޝަރަފުވެރި ކޮށްދެއްވީ ހޯމް މިނިސްޓަރ އިމްރާން އަބްދުﷲ
މޯލްޑިވްސް ކަރެކްޝަނަލް ސަރވިސް (އެމްސީއެސް) އާ ގުޅިގެން ޔުނައިޓެޑް ނޭޝަންސް އޮފިސް އޮން ޑްރަގްސް އެންޑް ކްރައިމް (ޔޫއެންއޯޑީސީ)، އިން ޕްރިޒަން އޮފިސަރުންނަށް ހިންގި ތިން ޓްރޭނިންގ ޕްރޮގްރާމް ކާމިޔާބު ކަމާއިއެކު ނިންމާލާފިއެވެ.
ޑިސެމްބަރު 11 އިން 22 އަށް ކުރިއަށް ގެންދިޔަ މި ތިން ޓްރޭނިންގ ޕްރޮގްރާމަކީ 19 އޮފިސަރުން ބައިވެރިވި "ޔޫއެންއޯޑީސީ ޑައިނަމިކް ޓްރޭނިންގ ޓީއޯޓީ" އާއި، 25 އޮފިސަރުން ބައިވެރިވި "ޔޫއެންއޯޑީސީ ޓްރޭނިންގ އޮން ރިހެބިލިޓޭޝަން އެންޑް ރީއިންޓެގްރޭޝަން އިން ޕްރިޒަން" އަދި 25 އޮފިސަރުން ބައިވެރިވި "ޔޫއެންއޯޑީސީ ޓްރޭނިންގ އޮން ކައުންޓަރިންގ ވަޔޮލެންޓް އެކްސްޓްރީމިސްމް އިން ޕްރިޒަން" އެވެ. މުޅިއަކު 69 އޮފިސަރުން ވަނީ މި ޕްރޮގްރާމްތަކުގައި ބައިވެރިވެ، ކާމިޔާބުކަމާއެކު ފުރިހަމަކޮށްފައެވެ.
މި ޓްރޭނިންގ ޕްރޮގްރާމްތަކުގެ ނިމުމުގެ ރަސްމިއްޔާތު ޝަރަފްވެރިކޮށްދެއްވީ މިނިސްޓަރ އޮފް ހޯމް އެފެއަރޒް އިމްރާން ޢަބްދުﷲއެވެ. މިނިސްޓަރގެ އިތުރުން މި ހަފްލާގައި ޔޫއެންއޯޑީސީގެ ނެޝަނަލް ޕްރޮގްރާމް ކޯޑިނޭޓަރ ތާއިބާ ސައީދު، ކޮމިޝަނަރ އޮފް ޕްރިޒަންސް އަޙްމަދު މުޙައްމަދުފުޅު، ޑެޕިއުޓީ ކޮމިޝަނަރ އޮފް ޕްރިޒަންސް އުސްތާޛް އިބްރާހިމް މުޙައްމަދު ދީދީގެ އިތުރުން ކޮމިޝަންޑް އޮފިސަރުން މި ރަސްމިއްޔާތުގައި ބައިވެރިވެލެއްވިއެވެ.
މި ރަސްމިއްޔާތުގައި ވާހަކަދައްކަވަމުން ޔޫއެންއޯޑީސީގެ ނެޝަނަލް ޕްރޮގްރާމް ކޯޑިނޭޓަރ ތާއިބާ ސައީދު ވިދާޅުވީ މި ތަމްރީންތައް އެއްވެސް ދަތިކަމެއް ނެތި ކުރިއަށް ގޮސްފައިވަނީ އިންސްޓިޓިއުޓް ފޯ ކަރެކްޝަނަލް ސްޓަޑީޒް (އައިކޯސްޓް) ގެ އޮފިސަރުންގެ ސަބަބުން ކަމުގައި ފާހަގަކުރައްވައި، އެމްސީއެސްގެ އޮފިސަރުން ޝައުގުވެރިކަމާއިއެކު ބައިވެރިވެ، ދީފައިވާ އެހީތެރިކަމާއި އެއްބާރުލުން ފާހަގަކުރައްވައިފައެވެ.
މިނިސްޓަރ އޮފް ހޯމް އެފެއަރޒް އިމްރާން ޢަބްދުﷲ މި ރަސްމިއްޔާތުގައި ވާހަކަފުޅު ދައްކަވަމުން ވިދާޅުވީ ދިވެހިރާއްޖޭގެ ޖަލުތަކުގެ ޚިދުމަތުގެ ފެންވަރު ރަނގަޅުކޮށް، ޤައިދީން ރިހެބިލިޓޭޓްކޮށް މުޖްތަމައުއަށް ނެރުމުގެ ޒިންމާ އަދާކުރެއްވުމުގައި ޕްރިޒަން އޮފިސަރުން ކުރަމުންގެންދާ މަސައްކަތްތަކަށް، ފުރިހަމަކުރި މި ތަމްރީންތަކަކީ ވަރަށް މުހިއްމު ކަމެއް ކަމަށެވެ. ދުނިޔޭގެ އެހެން ޤައުމުތަކެކޭ އެއްފަދައިން ރާއްޖޭގެ ޖަލުތަކުގައިވެސް ހަރުކަށި ފިކުރު ފެތުރި، އޭގެ ނަތީޖާއެއްގެ ގޮތުން ގޮން ޖެހުންތަކާ ކުރިމަތިވެގެންދާހިނދު، ހައްލު ހޯދުމަށްޓަކައި ކުރެވޭ މަސައްކަތްތަކުގެ އެންމެ މުހިންމު އެއް ކަމަކީ އެފަދަ ޤައިދީންނާ މުއާމަލާތްކުރާ އޮފިސަރުން އެކަމަށް ހޭލުންތެރިވެ، ތަމްރީން ލިބިގެންދިއުން ކަމުގައި މިނިސްޓަރ ވިދާޅުވިއެވެ.
މި ޓްރޭނިންގ ޕްރޮގްރާމްތައް ހިންގައިފާ ވަނީ އެމްސީއެސްއާ ގުޅިގެން ޔޫއެންއޯޑީސީ އިން ޔޫރަޕިއަން ޔޫނިއަން (އީޔޫ)އިން ދިވެހިރާއްޖޭގައި ކުރިއަށްގެންދާ "ކައުންޓަރ-ޓެރަރިޒަމް ސަޕޯޓް ޕްރޮޖެކްޓް" ގެ ދަށުން ފަންޑުކޮށް، މިނިސްޓްރީ އޮފް ހޯމް އެފެއަރޒްގެ އެހީތެރިކަމާއެކުގައެވެ. މި ޓްރޭނިންގ ޕްރޮގްރާމްގައި ކިޔަވައިދެއްވީ ޔޫއެންއޯޑީސީގެ ކޮންސަލްޓަންޓެއް ކަމަށްވާ އައިދާ މިޔޮލްމޯއެވެ.
މި ޕްރޮގްރާމްތަކުގެ އިތުރުން "ޔުނައިޓެޑް ނޭޝަންސް ސްޓޭންޑަޑް މިނިމަމް ރޫލްސް ފޯރ ދި ޓްރީންޓްމަންޓް އޮފް ޕްރިޒަނަސް (ދި ނެލްސަން މަންޑޭލާ ރޫލްސް)"ގެ "ޓްރޭނިންގ ދަ ޓްރޭނަރސް" ޕްރޮގްރާމް ވެސް ވަނީ ޕްރިޒަން އޮފިސަރުންނަށް ހިންގާފައެވެ.
